Ерэмияа 21:10 - Библи

¹⁰ Энэ хотые хайрлахагүй, һандаргааха гэжэ Би шиидээб. Вавилооной хаанай мэдэлдэ тэрэ үгтэхэ, тиигээд галдан шатаагдаха. Энэ болбол Би, Эзэн, тунхаглана мүн!

Ерэмияа 21:10 Referencias Cruzadas

2 Угай бэшэг 36:19

Навуходоносорой сэрэгшэд Бурханай гэрые галдан шатааба, Иерусалимай хэрэм ханануудые һандаргаба, шухала ордон, самхагуудыень галдаба, бүхы баялигуудыень үгы хэбэ.

Псалманууд 34:16

Намайе баһан-доромжолон, нам руу шүдөө хабиран байна.

Ерэмияа 17:27

Харин Минии үгэ дуулангүй, амаралтын үдэр нангинаар сахингүй, ашаа үргэн, амаралтын үдэр Иерусалимай бартаануудаар гаража байбалтнай, Би тэдэ бартаануудые галда шатаахаб! Гал дүлэн Иерусалимай ордонгуудые дууһан залгиха, хэншье тэрэниие унтаргаажа шадахагүй!

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 33:5

Минии уур сухал дундаа усадхахаяа һанаһан зоной үхэһэн бэенүүдээр байшангуудые дүүргэһэн Вавилооной сэрэгтэй заримашуул тэмсэхэ. Хотын зоной муу муухай үйлэ хэрэгүүдһээ боложо, Би энэ хотоһоо буруу хараа бэлэйб.

Ерэмияа 34:2

Иудын хаан Цэдэкиия гэгшэдэ минии ошожо, иигэжэ хэлхые Эзэн захираа: – Энэ хотые Вавилооной хаанай мэдэлдэ үгэхэм, тиигээд тэрэ дууһан шатаагдаха.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 38:17

Тиихэдэнь би Түмэн Сэрэгтэ Израилиин Бурханай иимэ айладхал Цэдэкиияда дуулгабаб: – Вавилооной сэрэгтэ бэеэ тушаагаа һаа, амиды мэндэ үлэхэт. Энэ хотошье галдагдахагүй. Таанад өөһэдөө, гэр бүлэнүүдтнайшье амиды үлэхэт.

Ерэмияа 38:18

Харин бэеэ тушаагаагүй һаатнай, энэ хото Вавилооной сэрэгтэ үгтэхэ, тэдэ хотые дууһан галдаха, таанадшье тэндэһээ тэрьедэжэ шадахагүйт.

Ерэмияа 38:23

бүхы эхэнэрнүүдтнай болон үхи хүүгэдтнай Вавилооной зоной мэдэлдэ орохо, та өөрөө Вавилооной хаанай баряанда орохот. Энэ хото дууһан галдагдаха.

Ерэмияа 38:3

Эзэнэй иигэжэ айладхаашые тэдээндэ би мүн лэ дамжуулбаб: «Энэ хотые Вавилооной сэрэгтэ тушаахамни. Тэдэ хотые эзэмдэхэ».

Ерэмияа 39:16

эфиоп хүн Эбэдмээлэхтэ иигэжэ хэлэхыемни захираа: – Би, Түмэн Сэрэгтэ Эзэн, Израилиин Бурхан, энэ хотодо гай тодхор татахаб гэжэ хэлээшэеэ бэелүүлхэм. Ши тэрэниие харахаш.

Ерэмияа 39:8

Тэрэ үедэ Вавилооной сэрэг хаанай ордон, зоной байра галдажа, Иерусалимай хэрэм ханануудые һандаргааба.

Ерэмияа 44:11

Тиимэһээ Би, Түмэн Сэрэгтэ Эзэн, Израилиин Бурхан, танһаа буруу хаража, бүхы Иудын хан түрые үгы хэхэб.

Ерэмияа 44:27

Таанадай һайн байха бэшэ, һандаргагдаха тухай Би оролдохоб. Египедэй орон нютагта байгааша таанад, иудейнүүд, бултадаа һалатараа дайн дажарта гү, али үбшэ хабшанһаа хосорхот.

Ерэмияа 52:13

Тэрэ Эзэнэй Һүмэ, хаанай ордон, Иерусалимай бүхы томо һайн гэрнүүдые дууһан шатааба.

Эзэкээл 15:7

Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт.

Эзэкээл 24:11

Тиигээд хооһорһон тогоогоо аһажа байһан нүүрһэн дээрэ табигты, тиихэдэ тэрэ халаха. Иигэжэ жэбэнь үгы боложо, тогоон сэбэр арюун болохо.

Левит 17:10

Хэрбэеэ израильшуудай болон танай дунда ажаһуудаг ерүүл зоной хэн нэгэнэй юунэйб даа шуһа эдеэ һаань, тэрэ хүнһөө буруу харахаб, шуһа эдиһэн хүнэй ами наһыень таһалжа, үгы болгон хосороохоб.

Левит 26:17

Таанад руу эрьен, уур хилэн болохоб, дайсанайнгаа урда унахат. Дайсадтнай таанадые эзэрхэхэ. Таанад хүнэй намнаашьегүй һаа, һэегүй тэрьелхэт.

Амоос 2:5

Иуда руу гал эльгэхэб, Иерусалимай хэрэмүүд галда дүрэхэ!

Амоос 9:4

Дайсан тэдэниие баряанда абаашаба гэлэй, сэрэг хойноһоонь эльгээхэдэм, һэлмээр тэдэ усадхагдаха, жаргал бэшэ, гай тодхор тэдээндэ ушаруулхаяа харасаа тэдээн руу шэглүүлхэб.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.