Ерэмияа 20:7 - Библи

⁷ Эзэмни, Та намтай аяглан, дурыем татажа, би татагдабаб. Та намһаа хүсэтэйт, тиимэһээ намайе диилэбэт. Би бүхэли үдэрэй туршада зоной наада-энеэдэн болоноб, хүн бүхэн намайе баһана.

Ерэмияа 20:7 Referencias Cruzadas

4 Хаан түрэнүүд 2:23

Элишаа тэндэһээ Бэт-Ээл ошобо. Хотоһоо гүйжэ гараһан үхибүүд харгыгаар ябаһан тэрэниие хараад: – Халзан толгойтой, яба саашаа! Халзан толгойтой, яба саашаа! – гэжэ тэрэниие наада барин, хойноһоонь хашхаралдабад.

Иоов 12:4

Танил талануудай наада зугаада би оронхойб. Урдань би Бурханһаа гуйлтадаа харюу абадаг бэлэйб. Мүнөө гэм хээгүй, үнэн шударга би бултанай доро болоо хэбэртэйб.

Иоов 30:9

Гэбэшье эдэ мэтын өөдэгүй амитад нам тухай шоглон ярижа, дуу зохёохо жэшээтэй.

Исай 8:11

Бүхы эдэ зондол адляар юумэ хэжэ байхагүй тухайм Эзэн намайе агууехэ шадал хүсөөрөө һэргылбэ. Тэрэ иигэжэ айладхаа:

Ерэмияа 15:10

Ямар аза талаангүй хүн гээшэбиб! Юундэ эжымни намайе энэ алтан дэлхэй дээрэ түрөө гээшэб! Газар дэлхэйн хүн бүхэнтэй хэрэлдэхэ, арсалдаха хубитайб! Би хүндэ зээлеэр мүнгэ үгөөгүйб, хүнһөө зээлеэр абаашьегүйб. Харин хүн бүхэн намда хараал шэрээл табиха юм.

Ерэмияа 15:18

Юундэ минии үбшэн болиногүйб, шархамни эдэгэнэгүйб? Юундэ тэрэ эдэгэхэгүйб? Та үнэхөөр найдажа болохогүй уһандал, шэргэдэг горхондол адли намда боложо, урмыем хухалха гээ гүт? – гэбэб.

Ерэмияа 17:16

Эзэмни, эдээндэ гай тодхор татахыетнай Таниие би гуйжа байгаагүйб, гай зоболоной саг эдээндэ хүсэн байгаагүйб, энээниие Та мэдэнэт. Минии хэлэжэ байгаашые Та Өөрөө мэдэжэ байнат.

Ерэмияа 20:9

Теэд минии: «Эзэн тухай бэшэ һануулхагүйб, Тэрэнэй нэрэһээ бэшэ айладхахагүйб» гэжэ хэлэхэдэ, зүрхэ сэдьхэлдэмни гал шатажа байһандал, яһаарни дамжан гараһандал болоно. Тэрэниие досоогоо барижа туршааб, теэд шаданагүйб.

Ерэмияа 29:26

– Ёядаагай орондо шамайе Эзэн санаартан болгон табяа. Ши Һүмэ соо эгээл ехэ тушаалтан болоош. Галзуу хүн бүхэн лүндэншэ болохоёо һанадаг. Тиимэ хүндэ түмэр хөөмэгшэ углаад, гэнжэлхэ ёһотойш.

Ерэмияа 38:19

Цэдэкиия хаан намда иигэжэ хэлэбэ: – Вавилооной тала барин ошоһон манай зонһоо айдаһам хүрэнэ. Би тэдэнэй гарта ороо һаа, үхэтэрөө зобоолгохолби.

Гашуудал 3:14

Өөрын арад түмэнэй дунда би шоодбори нэгэн болооб, тэдэ үдэр бүри нам тушаа хэлээ бүлюудэнэ.

Эзэкээл 3:14

Эзэн Бурханай асари ехэ һүр һүлдэ намайе өөдэнь үргэжэ, би энээндэнь дурагүйлхэн, досоогоо сухалдаа һэм.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Иона 4:2

Тэрэ Эзэндэ иигэжэ зальбарба: «Оо, Эзэн, үшөө орон нютагтаа байхадаа одоо энээн тухай хэлээ бэшэ һэн гүб? Хамаг һайниие хүсэгшэ, нигүүсэхы, хүлеэсэ ехэтэй, олониие үршөөгшэ Танай, Бурханай, гай тодхор тухай голхорхые мэдээд, энэл ушарһаа Таршииш руу зугадаа һэм.

Михей 3:8

Харин намда Эзэн хүсэ шадал болон һүр һүлдэ дүүрэн үршөөгөө. Тиимэһээ шударга ёһо, эрэ зоригтой би Яковай удамда гэм зэмэ үйлэдэһэн тухайнь, Израилиин улад зондо нүгэл тухайнь сэхэ хэлэхэб!

Лука 16:14

Энэ хэлээшыень фарисейнүүд дуулаба. Тэдэ алта мүнгэндэ ехэл дуратай хадаа Иисүүсые наада бариба.

Лука 23:11

Ирод сэрэгшэдтэеэ хамта Иисүүсые баһан доромжолоод, хаанай хубсаһа үмдэхүүлжэ, Пиладта һөөргэнь эльгээбэ.

Хэрэгүүд 17:18

Эпикур болон стоик һургаалай гүн ухаантанууд тэрээнтэй уулзажа: – Энэ дэмы шашагша юу хэлэхэ һанаатайб? – гэжэ нэгэ зариманиинь хэлэжэ байба. – Үгы, энэшни хариин бурхадууд тухай номноно ха, – гэжэ нүгөөдүүлынь хэлэбэ. Юундэ тиигэжэ хэлсээб гэхэдэ, Павел Иисүүс тухай, Тэрэнэй амидыралга тухай номноо.

Хэрэгүүд 17:32

Үхэһэн хүнүүдые амидыруулһан тухай дуулахадаа, нэгэ зарим зон ташаганаса энеэлдэбэ, нүгөө зариманиинь: – Бидэ таниие үшөө дахин шагнуужамди, – гэлдэбэ.

Коринфынхидтэ 1-дэхи 9:6

Али гансал Барнааба бидэ хоёр ажамидархын тула ажаллаха ёһотой гүбди?

Еврейнүүдтэ 11:36

Зарим хүнүүд доромжолуулаад, сохюулаад, баһа гэнжэндэ хүлюулээд, түрмэдэ һуугаа.