Ерэмияа 2:35 - Библи

³⁵ Гэбэшье «Эзэнэй уур хилэн бидэнһээ үнэхөөр зайлаха» гэлдэнэт. Үзэгты даа, нүгэлөө мэлзэжэ байһанайтнай түлөө Би таанадые хэһээхэб.

Ерэмияа 2:35 Referencias Cruzadas

Һургаал 28:13

Нүгэлөө нюун далдалагша амжалтада хүрэхэгүй. Харин гэмээ мэдэрэн наманшалагша хайрада хүртэдэг.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Ерэмияа 16:10

Шинии эдэ бүхы үгэнүүдые энэ арад түмэндэ дуулгахадаш, тэдэ шамда «Ямар ушарһаа Эзэн маанадта иимэ агууехэ гай тодхор тохоо гээшэб? Бидэ ямар гэм зэмэтэйбибди? Өөһэдын Эзэн Бурханай урда ямар нүгэлтэйбибди?» – гэлдэхэ.

Ерэмияа 2:23

Өөрыгөө бузарлаагүйб, Баалда мүргөөгүйб гэжэ ши яагаад хэлэжэ шаданабши? Хүндыдэ өөрынгөө ябадалые харыш! Юу хэһэнээ мэдэжэ аба! Ши хадаа нэгэл замаа дабтан гүйжэ ябаһан хурдан энги мэтэш!

Ерэмияа 2:29

Юундэ Намтай арсалданабта? Таанад бултадаа Минии урдаһаа нүгэл үйлэдөөт.

Ерэмияа 2:9

Тиимэһээ Би, Эзэн, таанадые дахин гэмнэхэб, уг удамыетнай Би мүн лэ гэмнэн зэмэлхэб.

Ерэмияа 25:31

Дэлхэйн заха хүрэтэр абяаниинь сууряатаха. Эзэн үндэһэтэдэй урдаһаа тулгаха, бүхы зониие шүүбэрилхэ, хорото муу зониие дайнда һалгааха. Энээниие Эзэн айладхаа!

Эзэкээл 17:20

Урьха гүльмэ табижа, тэрэниие барихаб. Тиигээд Вавилоон руу абаашажа, Минии урдаһаа буруу юумэ хэһэнэйнь түлөө тэндэ шүүн хэһээхэб.

Римэйхиндэ 7:9

Урдань Хуули мэдэхэгүй байхадаа би амиды ябааб, теэд энэ захяа заабариие дуулахадаа, зосоомни нүгэл бүрилдэбэ,