Ерэмияа 2:32 - Библи

³² Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Ерэмияа 2:32 Referencias Cruzadas

Эхин 24:22

Тэмээнүүдэй садатараа уһалуулһанай һүүлээр тэрэ ахалагша зараса басаганда хахад шээкэл хэмжүүрэй алтан сахариг, арбан шээкэл хэмжүүрэй хоёр алтан бугааг үгөөд,

Эхин 24:53

Тиигээд тэрэ зараса үнэтэй һайхан хубсаһа, алта мүнгөөр хэһэн гоёолто гаргажа, Рэбээккаагай аха эжы хоёрто бэлэг болгон бариба.

2 Хаан түрэнүүд 1:24

Оо, Израилиин басагад, Саул тушаа уйлыта! Тэрэ таанадта уб улаан дэгэл гоёон үмдэхүүлдэг, хубсаһыетнай алтаар шэмэглэдэг һэн.

Псалманууд 106:21

Энэрэл хайрынь, зоной аша туһада Тэрэнэй хэдэг гайхамшагта хэрэгэй түлөө зон Эзэниие магтан байха болтогой!

Псалманууд 9:17

Иигэжэ Эзэнэй зарга эли тодо болоо, хорото муу хүн өөрын торон зангада ороо! [Хүгжэм]

Исай 17:10

Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 57:11

Эзэн иигэжэ айладхана: «Намайе сэдьхэлдээ хадагалжа байнгүй, худал хэлэжэ байхадаа таанад ямар бурхадһаа айдаг болообта? Удаан сагта абяа шэмээгүй байһандам Намһаа айхаяа болёо гүт?

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Ерэмияа 13:10

Энэ муу арад зон Минии үгэ дууланагүй. Тэдэ үсэд зантай, ондоо бурхадта шүтэн мүргэнэ, ондоо бурхадые хүндэлнэ, урдань һүгэдэн унана. Тиимэһээ тэдэ болбол энэ ямаршье хэрэггүй бүһэдэл адли болохо.

Ерэмияа 13:25

Энэ болбол танай үйлэ, Эзэнэй таанадта хэмжэжэ үгэһэн хуби заяан юм. Юуб гэбэл, таанад Тэрэниие мартажа, бодото үнэн бэшэ бурхадта найдан, шүтэн мүргэдэг болоот.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 2:33

Таанад шүтөөнүүдэй дура яагаад буляахаяа һайн мэдэнэт. Муу муухай юумэ хэхэдээ, нээрээшье, дүршэлтэй хат.

Ерэмияа 23:27

Тэдэнэй үбгэ эсэгэнэрэй Баалда эрьежэ, Намайе мартаһандал, тэдэ бэе бэедээ хөөрэдэг өөһэдынгөө зүүдээрээ Минии арад зондо нэрыемни мартуулхаяа һанана.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Эзэкээл 22:12

Хэнииешьеб алахын тула эдилгэ абагшад, нэгэ угсаатан болохо Израилиин хүндэ мүнгэ зээлеэр үгэжэ, түрэсынь ашаар баяжагшад таанадай дунда бии. Таанад Намайе, Эзэн Бурханиие, мартаат.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Ударидагшад 8:34

Израильшууд Израилиин газар дайдыень хүреэлһэн бүхы дайсадай гарһаа тэдэниие гаргажа абарһан Эзэниие, өөрынгөө Бурханиие һанажа ябабагүй.