Ерэмияа 2:30 - Библи

³⁰ Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Ерэмияа 2:30 Referencias Cruzadas

3 Хаан түрэнүүд 19:10

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

3 Хаан түрэнүүд 19:14

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

2 Угай бэшэг 24:21

Зон Захарияагай урдаһаа эсэргүүсэн нэгэдэжэ, Ёһааш хаан тэдээнтэй хамтарба. Хаанай зарлигай ёһоор, Эзэнэй Һүмын хашаа соо Захарияае зон шулуугаар шэдэн алаа һэн.

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Нэхэмьяа 9:26

Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Исай 1:5

Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 59:3

Таанад хүниие алажа, буруу шүүжэ, худалаар хэлэжэ, нүгэл хээт.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Ерэмияа 31:18

Эпрааимай гашуудан иигэжэ хэлэхые би соносооб: «Эзэн, бидэ һургагдаагүй буха шэнги байгаабди. Та бидэниие хэһээжэ һургаал заагаат. Эзэн Бурхамнай, бидэниие бусаагыт, бидэ Тандаа бусаха һанаатайлди.

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 7:28

Тиихэдэнь тэдээндэ «Энэ үндэһэн арад Эзэнэй, өөрынгөө Бурханай, үгэ дууланагүй, һургаал абанагүй. Үнэн зүб юумэн хосороо, тэдэнэй аманһаа бэшэ гарахагүй!» гэжэ хэлээрэй.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 22:24

– Хүнэй үри Эзэкээл! Израилиин улад зондо газартнай муу муухай, тиимэһээ Минии, Эзэнэй, тэрэниие хэһээһэн тушаа дуулга.

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Цэпаанияа 3:2

Тэрэ үгэ дууланагүй, заабари хүлеэн абанагүй, Эзэндэ этигэнэгүй, өөрын Бурханһаа туһа эрин, ойртохоо һананагүй.

Матвей 23:29

Хуули заадаг багшанар, фарисейнүүд, таанад гашуудал үзэхэт! Хоёр нюурта таанад! Лүндэншэдтэ үзэсхэлэнтэ гоё субаргануудые баринат, үнэн зүбтэнэй шулуун хүшөөнүүдые шэмэглэнэт.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.

Гэршэлгэ 16:9

Аргагүй халуун болоходонь, хүнүүд шататараа халуудажа байгаа. Иимэ ехэ гай аюул даажа байһан Бурханай нэрые хүнүүд хараалай муугаар хараагаа һэн. Теэд тэдэ хүнүүд гэм хэхэеэ болёогүй, Бурханиие магтаагүй.