Ерэмияа 2:28 - Библи

²⁸ Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Ерэмияа 2:28 Referencias Cruzadas

4 Хаан түрэнүүд 3:13

Элишаа Израилиин хаанда хандажа: – Шамда намһаа юун хэрэгтэйб? Өөрынгөө эхэ эсэгын лүндэншэдтэ ошо! – гэжэ хэлэбэ. – Тиигэжэ бү хэлыш даа. Моһаабуудай гарта үгэхэ гэжэ Эзэн бидэниие, гурбан хаашуулые эндэ асараа, – гэжэ Израилиин хаан Элишаада хэлэбэ.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 46:2

Эдэ шүтөөнүүд өөһэдыгөөшье абаржа шаданагүй, унаа, олзологдоо.

Исай 46:7

Тэдэ үнөөхиеэ мүр дээрээ үргэн зөөжэ, байха байрадань заладаг. Тэрэ хэһэн зүйлынь байраһаа хүдэлхэгүй зогсодог. Хэн нэгэнэй тэрээндэ зальбаран мүргөө гээшэ һаань, тэрэ харюусажа шадахагүй, гай тодхорһоо абаржа шадахагүй.

Исай 57:13

Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».

Ерэмияа 1:16

Намайе орхижо, ондоо бурхадта үргэл үргэжэ, шүтөөнүүдые хэжэ, тэдээндэ һүгэдэн мүргэдэг болоһонойнь, нүгэл үйлэдэһэнэйнь тула Би Өөрын арадта хэһээлтэ амасуулхаб.

Ерэмияа 11:12

Тиихэдэ Иудын хан түрын болон Иерусалимай улад зон санзай урдань ууюулдаг бурхадтаа ошожо, туһа эрин дуудаха, теэд тэдэнь гай гасалангайнь үедэ оройдоошье туһалха-абархагүй.

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Ерэмияа 37:19

Вавилооной хаан танда болон орон нютагтамнай добтолхогүй гэжэ хэлэдэг лүндэншэдтнай хаана гээшэб?

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Аввакуум 2:18

Шүтээниие хүнэй һиилэн бүтээһэн хойно тэрэнэй ашаг туһа юун байхаб даа. Энээниие бүтээгшэ хүн гар бүтээлдээ этигэн найдаал ааб даа, теэд худал хуурмагые заадаг, дуугаржа шадахагүй хэмэл хүрэгүүдһээ ямар туһа байхаб?

Аввакуум 2:19

Модоной тайрадаһанда хандан «һэри!» гэжэ, дүлии шулуунда «бодо!» гэжэ хэлэдэг хүн абарагдахагүй. Тэдэ яагаад багша боложо шадахаб? Харыт, тэрэ алта мүнгөөр шэмэглэгдэнхэй, теэд ямаршье амисхал тэрээндэ байхагүй.

Хуули дабталга 32:37

Тиихэдэ Эзэн Өөрын улад зонһоо иигэжэ асууха: «Найдадаг бурхадтнай хаана гээшэб? Хабсагайтнай хаанаб?

Ударидагшад 10:14

Таанад шэлэжэ абагша өөһэдынгөө бурхануудта ошоод, тэдээнһээ туһа эрин хашхаралдагты. Тэдэнэр таанадые харшалта болон дарлалтаһаа гаргаг лэ.