Ерэмияа 2:25 - Библи

²⁵ Израиль, ши шүтөөнүүдэй хойноһоо ябахаяа боли! Хоолойнгоо ангатар тэдэниие хүсэхэшни хүрөө! Харин ши: «Үгы! Би һөөргөө бусахагүйб, хариин бурхадта дуратайб, тэдэниие дахан ябахаб», – гээ бэлэйш.

Ерэмияа 2:25 Referencias Cruzadas

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

2 Угай бэшэг 28:23

Тэрэ иигэжэ хэлэгшэ һэн: – Дамааскын бурхад Араамай хаашуулда туһалаа, минии тэдээндэ үргэл үргөө һаа, тэдэ намдашье туһалха. Иигэжэ тэрэ өөрыень дайлажа байгааша Дамааскын бурхадта үргэл үргэдэг байба. Гэбэшье энэнь өөртэнь болон Израилиин бүхы улад зондо гай тодхор ушаруулба.

Исай 2:6

Теэд Та, Эзэн Бурхан, Өөрынгөө арад түмэн болохо Яковай үри һадаһадые орхёот! Юуб гэхэдэ, тэдэ зүүн зүгэй заншалтай, пилиштүүд шэнги үзэлшэ мэдэлшэдтэй болонхой, хариин зонтой холилдоно.

Исай 57:10

Удаан сагта бурхадые бэдэржэ, аян замдаа ядарбашье, бусадаггүй бэлэйт. Хүсэ тэнхээгээ һэргээн, һуларангүй ябаат.

Ерэмияа 13:21

Өөрэйншни һургаһан зониие шамда захирхыень дээрэшни Тэрэнэй табибал, ши юун гэхэбши? Түрэжэ байһан эхэнэр шэнги үбшэндэ баригдахалши.

Ерэмияа 13:22

Хормойшни шуугдаа, хүсөөр эдлэгдээш – эдэ бүгэдэ яагаад шамтай тохёолдоо гээшэб гэжэ асуубалшни, нүгэл шэбэлэйшни угаа олон байһанда энэ болоо гэһэн харюу үгтэхэ.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 18:12

Теэд тэдэ: «Үгы даа! Бидэ һанаһаараа юумэ үйлэдэхэбди, үсэд, муу байһаараал байхабди», – гэжэ хэлэхэл.

Ерэмияа 2:31

Энэ үеынхид, айладхалыемни дуулыт. Элһэн сүл губидал, үгышье һаа, гүн харанхы орондол мэтэ Израильда байгаа юм гүб? Юундэ таанад өөрынгөө һанаһаар лэ байха, Намда дахин бусахагүй тухайгаа хэлэнэбта?

Ерэмияа 22:20

Иерусалимай улад зон, Ливаан өөдэ үгсэн гаража, шангаар бархиралдагты, Башаан руу ошон, уй-хай бологты. Абариим дээрэһээ уйлалдагты. Юуб гэбэл, танай тала баримталагша бүхы нүхэдтнай диилдээ.

Ерэмияа 22:21

Амжалтатай, дэбжэн байха үедэтнай Эзэнэй таанадта хандабашье, таанад үгыень дуулахаһаа арсаат. Бүхы наһаараа иигэжэ ябаат, үгыень дуулаагүйт.

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Гашуудал 1:2

Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 4:4

Ангажа, нарай нялха хүүгэнэй хэлэн тангалайдаа няалдана. Багашуул эдеэ хоол гуйна, харин хэншье тэдээндэ үгэхэгүй юм.

Эзэкээл 20:32

Бусад үндэһэ яһатадтал, уг угсаатанда адли боложо, модо, шулуугаар бүтээһэн онгонуудта мүргэжэ, һайн байхабди гэжэ тэдэ һанана. Теэд иимэ юумэн хэзээшье бүтэхэгүй!

Һошээ 2:3

Үгы һаань, Би тэрэниие анха мүндэлһэн үдэртэнь адляар шараа нюсэгэлжэ, газаашань гаргахаб. Сүл губидал адли үрэжэлгүй хооһон болгожо, ангаан-хатаан алахаб.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Малаахи 3:14

«Бурханда үйлэ бүтээхэ гээшэ ашаггүй. Тэрэнэй һургаал сахижа, Түмэн Сэрэгтэ Эзэнэй үмэнэ гашуудан ябахань ямар ашаг үрэ үгэхэ гээшэб?

Лука 15:22

Эсэгэнь барлагуудтаа: «Түргэхэн эгээ һайн хубсаһа асараад, хүбүүндэм үмдэхүүлэгты, хургандань үнэтэ шулуутай бэһэлиг зүүлгэгты, хүлдэнь гутал үмдэхүүлэгты.

Лука 16:24

«Ай, Абраһаам, үбгэ эсэгэмни, намайе үршөөн хайрлажа, Лазариие намда эльгээгыт; хурганайнгаа үзүүртэ уһа дүрэжэ, халуун галда хайруулан тулижа байһан минии хэлые норгог лэ. Би энэ гал соо аргагүй ехээр тулижа байнаб», – гэжэ тамада һууһан баяниинь бии шадалаараа хашхарба.

Римэйхиндэ 8:24

Ушарынь хэлэбэл, бидэ иимэ найдалтай болоод абарагдаһан байгаабди. Хэрбээ маанадай найдажа байһан юумэеэ хаража байбалнай, тэрэмнай бодото найдал бэшэ байха һэн. Хаража байһан юумэндээ яажа найдалтайб?

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Хуули дабталга 32:16

Эгээлэ бурхадта тэдэнэр мүргэжэ, Эзэнэй уур хүдэлгөө. Жэгшүүрилтэ муухай юумэ тэдэнэр хэжэ, Тэрэниие сухалдуулаа.