Ерэмияа 2:20 - Библи

²⁰ Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 2:20 Referencias Cruzadas

3 Хаан түрэнүүд 12:32

Иудада болодог баяр наадандал адли баярые тэрэ наймадахи һарын арбан табадахи үдэртэ байгуулжа, үргэлэй шэрээ дээрэ үргэл үргэдэг болобо. Бүтээһэн тугалнуудтаа үргэл Бэт-Ээлдэ үргэжэ эхилбэ. Хада уулануудаар байгуулһан мүргэлэй газарнуудаараа тэрэ санаартадые томилбо.

3 Хаан түрэнүүд 14:23

Үндэр толгой бүхэнэй оройдо, һаглагар модон бүхэн доро тэдэ мүргэлэй обоонуудые, онгонуудые, Ашэраа бурханай хүрэгүүдые байгуулан бариба.

Псалманууд 107:14

Бурханай туһаламжаар илахабди, Тэрэ дайсадымнай диилэхэ.

Псалманууд 2:3

«Хөөмэгшынь өөһэдын хүзүүнһээ буулгая, хүлилгыень өөһэдһөө хаяял!», – гэжэ хэлэнэ.

Египедһээ гаралга 19:8

Арад зониинь нэгэ хүн шэнги харюусаа бэлэй: – Эзэнэй үгөөр лэ ябахабди! Зоной харюу Моисей Эзэндэ дамжуулба.

Египедһээ гаралга 24:3

Моисей зондоо ерэжэ, Эзэнэй үгэнүүдые болон тогтоолнуудые бүгэдыень хэлэжэ үгэбэ. Арад угсаатаниинь нэгэ хүн шэнги харюусаа: – Эзэнэй үгэ соонь лэ ябахабди.

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Исай 1:21

Хэзээ нэгэтэ үнэн сэхэ байһан ниислэл хото янхан эхэнэртэл мэтэ яагаад болоо гээшэб?! Нэгэ үедэ тэндэ үнэн шударга хэрэгүүд ябуулагдадаг, үнэн зүб оршодог бэлэйл, теэд мүнөө гансал алууршад үлэнхэй.

Исай 10:27

Тэрэ сагай ерэхэдэ, тэрэнэй ашагша хүндэ ашаан мүр дээрэһээтнай унаха, хүзүүндэтнай үмдэхүүлһэн хөөмэгшэнь хухаран һалаха».

Исай 14:25

Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Ерэмияа 13:27

Үзэн ядадаг юумыень хэжэ байхыетнай Эзэн хараа бэлэй. Хүршынгөө һамга эдлэхые хүсэдэг хүндэл гү, али гүүнэй хойноһоо инсагаалһан азаргадал адли таанадай хээрэ талын добонууд дээрэ шүтөөнүүдтэ мүргэжэ байхые Тэрэ хараа һэн. Иерусалимай улад зон, таанад заатагүй хосорхот! Хэды болотор бузартай байхабта?!

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 2:31

Энэ үеынхид, айладхалыемни дуулыт. Элһэн сүл губидал, үгышье һаа, гүн харанхы орондол мэтэ Израильда байгаа юм гүб? Юундэ таанад өөрынгөө һанаһаар лэ байха, Намда дахин бусахагүй тухайгаа хэлэнэбта?

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 30:8

Түмэн Сэрэгтэ Эзэн айладхана: Тэрэ дүтэлжэ байгаа үдэр Би тэдэнэй хүзүүн дээрэхи хөөмэгшые эбдэхэб, гэнжыень таһалхаб. Тиихэдэм тэдэ хариин зоной богоол болохоёо болихо.

Ерэмияа 5:5

Удамаршадта ошожо, тэдэнтэй хөөрэлдэхэм. Тэдэ, сохом, Эзэнэй эрилтэ мэдэдэг, юу хэхыень Бурханай хүсэдэгые ойлгодог ёһотой» – гэжэ һанаа һэм. Теэд тэдэ бултадаа Эзэнэй эрхэ мэдэл буруушааба, үгыень дуулахаяа арсаба.

Эзэкээл 16:28

Садаха гэдэхээ болижо, Ассириин зоной хойноһоо гүйжэ, тэдээнтэй унтааш. Энээнэй удаашье ши ханабагүйш.

Эзэкээл 16:31

Харгы бүхэндэ забхайран хурисал үзэжэ байхадаа ши бэлэг сэлэг, мүнгэ абадаггүй байгааш. Энэ болбол янхан эхэнэр байхаһаа бүри муу муухай ябадал болоно.

Эзэкээл 16:41

Гэр байрануудыеш дууһан шатааха, бусад эхэнэрнүүдэй хараһаар байтар энэ хэһээлтэ шамда амасуулха. Иигэжэ Би шинии забхайрхые, мүнгэ түлэн унтадаг байхыеш болюулхаб.

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Эзэкээл 23:5

Оһолаа Минии һамган байгаашье хадаа хүршэ Ассириин амарагуудтаяа һальхай забхай ябадал гарган, инаглаба.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Һошээ 2:5

Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл.

Һошээ 3:3

Тэрээндэ иигэжэ хэлээ бэлэйб: – Ши олон хоногто намтай байхаш. Забхай ябадал бү гарга, ондоо эрэтэй бү бай. Би баһа шамда үнэн шударга байхаб.

Һошээ 4:13

Хада уулануудай болон гүбээнүүдэй орой дээгүүр тэдэ тахил үргэнэ, һүүдэртэ, һалбагар мүшэр, набшатай модод доро уталгануудые ууюулна. Иимэ жэшээ хараад, басагад болон бэреэдтнай янхан ябадал гаргана.

Һошээ 9:1

Израилиин арад зон, ондоо арадуудтал һайндэрнүүдые хэжэ, сэнгэжэ байхаяа болигты! Таанад өөрын Бурханһаа холодожо, Тэрээндэ шүтэхэеэ болёод байнат. Орооһо сохидог газарта та янхан эхэнэртэл, мүнгэ абаха дуратайт.

Левит 26:13

Би Эзэнтнайб, таанадые богоол болоод, Египедэй газарта зобохогүйн түлөө хөөмэгшыетнай бута сохёоб, толгойетнай дээрэ үргүүлэн, таанадые дахуулжа, тэндэһээ гаргаа бэлэйб.

Наум 1:13

Мүнөө Би таанарай хүзүүн дээрэ байгааша хөөмэгшые бута сохин эбдэхэб, таанарые хүлин байгаа аргамжануудые таһалхаб!»

Хуули дабталга 12:2

Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.

Хуули дабталга 15:15

Египедэй газар дайдада богоол байһанаа, Эзэн Бурханайшни шамайе сүлөөлһые бү марта. Тиимэһээл би мүнөө шамда захиржа захижа байна ха юмбиб.

Хуули дабталга 26:17

«Эзэн минии Бурхан, Тэрэнэй айладаһаар ажаһуухаб, хуулинуудыень, захяа заабарииень, ёһо гуримуудыень сахин дүүргэхэб, үгэ соонь байхаб», – гэжэ мүнөө ши хэлэбэш.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 5:27

Ши, Моисей, тиишээ дүтэлжэ, Эзэн Бурханаймнай айладаһан үгэнүүдые шагнаад, бултыень бидэндэ дамжуула. Бидэ шагнажа, дүүргэхэеэ оролдохобди».

Нүүнэй Иисүүс 1:16

Тэдэ харюудань Иисүүстэ иигэжэ хэлэбэ: – Шинии захиржа хэлэһэн бүхы юумэ хэхэбди, хаанаш эльгээгээ һааш, ошохобди.

Нүүнэй Иисүүс 24:24

Зон Иисүүстэ хэлээ: – Эзэндэ, манай Бурханда алба хэхэбди, Тэрээнэй үгэ дуулахабди.

Нүүнэй Иисүүс 24:26

Эдэ үгэнүүдые Иисүүс Бурханай һургаалай номдо бэшээд, томо шулуу абажа, тэрээнээ сарса модон доро табяа. Тэрэ шулуун Эзэнэй нангин газарай хажууда байдаг.

Гэршэлгэ 17:1

Долоон аягатай долоон Эльгээмэлнүүдэй нэгэниинь ерээд, намтай хөөрэлдэжэ эхилбэ: «Наашаа ерэ даа, олон гол мүрэнүүдэй эрьедэ һуугша аргагүй забхай Янхан эмые ямар хатуу шанга хэһээлтэдэ оруулха байһыень шамда харуулхамни.

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.

Ударидагшад 2:11

Тиихэдэ тэдэнэр Эзэндэ муу муухай ябадал хэжэ, хуурмаг бурхан Баалда шүтэн мүргэдэг болобо.

Ударидагшад 2:13

Израильшууд Эзэнээ орхижо, Баалда болон Аштаартуудта шүтэн мүргэжэ эхилбэ.

1 Хаан түрэнүүд 12:10

Эзэндэ мүргэн шашхалдан, «бидэ Эзэниие орхижо, Баалнуудта ба Аштаартуудта мүргэжэ, нүгэл хээбди. Харин мүнөө дайсадаймнай гарһаа маанадые мултаруулыт. Бидэ Танда мүргэдэг болохобди» гэжэ тэдэ гуйгаа бэлэй.