Ерэмияа 2:11 - Библи

¹¹ Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 2:11 Referencias Cruzadas

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

4 Хаан түрэнүүд 1:3

Эзэнэй Эльгээмэл Самариин хаанай элшэдые угтаха ба иигэжэ асууха захиралта Тишбиигэй Элияада үгэбэ: «Израильда Бурхан үгы юм аал? Экрооной шүтөөн Баалзэбүүлһээ үршөөл хайра һураха гэжэ юундэ ерэбэ гээшэбта?

2 Угай бэшэг 13:9

Эзэндэ алба хэдэг Аһарооной угай санаартадые болон левидүүдые таанад үлдэжэ, хари газарай арадуудай зониие санаартад болгон табяат. Буха болон долоон хони абаад ерэһэн лэ хүн таанадай хуурмаг бурхадуудай санаартан бологшо.

Псалманууд 106:20

Тэрэ үгэеэ эльгэжэ, тэдэниие аргалаа, хүүрһээ зайлуулаа.

Псалманууд 115:4

Абаралай хундага үргэжэ, Эзэнэй нэрэ дуудахаб.

Псалманууд 3:3

«Бурхан тэрэниие абархагүй!» гэжэ нам тушаа олон зон хэлэнэ. [Хүгжэм]

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Ерэмияа 16:20

Хүн өөртөө бурхадые хэжэ шадаха гү? Үгы! Тиигээ һаань, тэдэ – ёһотой Бурхан бэшэ байхал! – гэжэ хэлэнэ.

Ерэмияа 18:13

Эзэн иигэжэ айладхана: Иимэ юумэн урдань болодог байгаа юм аал гэжэ үндэһэн арад бүхэнһөө асуугты. Израилиин улад зон угаа жэгшүүритэй зүйл үйлэдэнэ.

Ерэмияа 2:5

Эзэн иигэжэ айладхажа байна: Таанарай үбгэ эсэгэнэр Намда ямар буруу юумэ олоһондоо Намһаа холодон, өөдэгүй хооһон шүтөөнүүдтэ һүгэдэжэ, өөһэдөө өөдэгүй юумэд болобоб?

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Эзэкээл 14:5

Тэдэ онгонуудта мүргэхэдөө, Намһаа холодоо, энээниие Израилиин арад түмэн ойлгохо бэзэ гэжэ найданаб».

Эзэкээл 5:7

Тиимэһээ таанадта Би, Эзэн Бурхан, иигэжэ дуулганаб: Минии хуули гурим, зарлигуудые сахин бэелүүлэнгүй, таанад тойроод байгааша үндэһэ яһатадһаа үлүү ехэ гэм зэмэ хээт. Тойроошо арадуудай ёһо гуримые мүн лэ сахинагүйт.

Михей 4:5

Арад бүхэн өөрын бурхадта мүргэдэг, харин бидэ өөрын Эзэн Бурхандаа хэтэ мүнхэдөө мүргэн, шүтэн ябахабди.

Римэйхиндэ 1:23

Тэдэнэр алдарта, мүнхэ Бурханда һүгэдэхын орондо һүнэн һалаха хүнүүдтэ гү, али шубуудта, амитадта, мүлхигшэдтэ адли онгонуудта шүтэнэ.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Галадуудта 4:8

Урдань таанад Бурханиие мэдэхэгүй ушарһаа үнэн дээрээ бурхад бэшэ «бурхадуудта» алба хэжэ байгаат.

Хуули дабталга 32:16

Эгээлэ бурхадта тэдэнэр мүргэжэ, Эзэнэй уур хүдэлгөө. Жэгшүүрилтэ муухай юумэ тэдэнэр хэжэ, Тэрэниие сухалдуулаа.

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.

Пётрой 1-дэхи хандалга 1:18

Үбгэ эсэгэнэрһээ залгамжалһан удхагүй хооһон ажамидаралһаа таанад үмхирдэг мүнгэ алтаар абтаагүйт,

1 Хаан түрэнүүд 4:21

Бурханай ханзын буляагдажа, хадам эсэгынгээ ба үбгэнэйнгөө наһа бараһан ушарһаа тэрэ: – Бурханай алдар Израильһаа һалан ошобо, – гэжэ хэлэн, хүбүүгээ Ихабоод гэжэ нэрлэбэ.