Ерэмияа 18:8 - Библи

⁸ Теэд тэрэ хэлээшэ арадаймни өөрын муу муухай хэрэгүүдһээ эрьен холодоо һаань, Би тэдээн дээрэ буулгахаар түсэблэжэ байгаа гай тодхороо болюулхаб.

Ерэмияа 18:8 Referencias Cruzadas

2 Угай бэшэг 12:6

Хаан болон удамаршад үгэнүүдэй зүб байһые мэдэржэ, иигэжэ хэлэбэ: – Эзэнэй мэдэлээр лэ болохо.

Псалманууд 135:14

Дундуурнь Израилиин арад зониие Тэрэ гаргаа. Юуб гэбэл, энэрэл хайрань хэтэ мүнхын.

Псалманууд 90:13

Арсалангые болон хорото могойе гэшхэн байхаш, залуу арсалан, лууе дэбһэхэш.

Египедһээ гаралга 32:12

Энэ арадые үхэлдэнь хүтэлжэ гараа юм байна, хада уулын хормойдо абаашан, хатуу шангаар нэрбэжэ, газарай нюрууһаа үгы болгожо орхибол гэжэ Тан тухай египет зон хэлсэхэл, энэ хэндэ хэрэгтэйб?! Уур хилэнсэгээ номгоруулыт, үршөөгыт Өөрын арадые, бү һүнөөгыт!

Египедһээ гаралга 32:14

Эзэн уур хилэнсэгээ номгоруулба. Өөрын арад угсаатаниие һүнөөхэ гэжэ забдаһан аад, болибо.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 15:6

Намайе орхижо, буруу харабат. Тиимэһээ Би таанадые усадхааб. Тэсэбэрим һалаа!

Ерэмияа 26:13

Өөһэдынгөө ажабайдалай зам болон үйлэ хэрэгүүдээ заһагты, Эзэн Бурханайнгаа үгэ дуулагты. Тиигээ һаатнай, таанарта татахаяа байһан гай тодхороо Тэрэ болюулхал.

Ерэмияа 26:19

Хэзэкияа хаан болон Иудын хан түрын улад зон Михей гэгшые алаагүй. Хэзэкияа Эзэниие хүндэлжэ, Тэрээндэ һайшаагдаха гэжэ оролдоо. Тиимэһээ Эзэн тэдээн дээрэ татаха гэжэ байһан гай тодхороо болюулаа бэлэй. Харин бидэ өөһэдөө өөһэдтөө ехэ гай гасалан үйлэдэхэ гэжэ байнабди.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 36:3

Иудын хан түрын улад зон Минии тэдээндэ татахаяа байһан гай тодхор тухай дуулажа, муу муухай харгы замһаа эрьехэ аалам. Тиигээ һаань, Би тэдэнэй нүгэл шэбэлые арюудхан хүлисэхэб.

Ерэмияа 42:10

– Энэ орон нютагта үлөө гээшэ һаатнай, Би таанадые суглуулхаб, һалгаахагүйб. Би таанадые һуурижуулхаб, татан гаргахагүйб. Таанадта ушаруулһан гай тодхор тухайгаа би харамсалнаб.

Эзэкээл 18:21

Хэрбээ муу хүн нүгэл хэхэеэ болижо, Минии бүхы хуулинуудые сахидаг, үнэн зүбые, сэбэр сэхые үйлэдэдэг болоо гээшэ һаа, амиды мэндэ үлэхэ, үхэхэгүй.

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Эзэкээл 33:12

Хүнэй үри Эзэкээл! Һайн зоной нүгэл хэжэ эхилхэдэ, урдань үйлэдэһэн һайн хэрэгүүдынь хэһээлтэһээ тэдэниие абарха бэшэ. Муу зон нүгэл хэхэеэ болиходоо сагааруулагдаха, хэһээлтэ амасахагүй.

Эзэкээл 33:13

Һайн зондо амиды мэндэ байхат гэжэ найдуулхадам, тэдэ һайн гэжэ тоологдоһондоо найдажа, саашадаа нүгэл үйлэдэжэ эхилээ гээшэ һаа, үхэхэ. Урдань хэһэн һайн хэрэгүүдынь тэдэниие абархагүй.

Эзэкээл 33:14

Муу хэрэг үйлэдэгшэдэ «үхэхэш» гэжэ айладхахадам, тэрэ нүгэл хэхэеэ болижо, һайн, үнэн юумэ үйлэдэжэ эхилбэ гэел даа.

Һошээ 11:8

Израиль, Би шамтай юу хэхэбиб, яагаад шамда урбахабиб? Адмаада яагаад хандаа һэнбиб, Цэбоһиимдо юу хээ һэнбиб, тон тиимээр шамтай хандаха гүб? Иимэ юумэ хэхыем сэдьхэлни тэбшээнэ, Би тэдэниие угаа ехээр хайрланаб!

Амоос 5:15

Муу муухайе зайлуулагты, һайнда дурлагты, зарга шүүхэдэ зүб шударга ёһо гурим бата һуурижуулагты! Тиигэбэлтнай, Түмэн Сэрэгтэ Эзэн Бурхан Иосифой үри таһардаһанай үлдөөсые хайрлан үлөөжэ магад.

Иона 4:2

Тэрэ Эзэндэ иигэжэ зальбарба: «Оо, Эзэн, үшөө орон нютагтаа байхадаа одоо энээн тухай хэлээ бэшэ һэн гүб? Хамаг һайниие хүсэгшэ, нигүүсэхы, хүлеэсэ ехэтэй, олониие үршөөгшэ Танай, Бурханай, гай тодхор тухай голхорхые мэдээд, энэл ушарһаа Таршииш руу зугадаа һэм.

Хуули дабталга 32:36

Эзэн Өөрынгөө арад зониие сүүдлэхэ. Тэдэнэр хүсэгүй болоо, Өөртэнь мүргэдэг зон ямаршье туһагүй болоо гэжэ харахадаа, эдэ зониие Тэрэ хайрлаха.

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.