Ерэмияа 18:21 - Библи

²¹ Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 18:21 Referencias Cruzadas

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Псалманууд 63:10

Зон угаа ехээр айха, Бурханай юу үйлэдэһые тунхаглаха, Тэрэнэй хэһээһые ойлгохо.

Псалманууд 63:11

Зүб шударга хүн хорохо газар Эзэн дотор оложо баярлаха. Сэбэр һэшхэлтэй бүхы зон Тэрэниие магтан баясаха.

Египедһээ гаралга 22:24

Хашаха харшалха болоо һаатнай, тэдэ Намда хандаха, тэдэнэй гомдол дуулаа һаа,

Исай 13:18

Тэдэ һурша номоороо залуу зониие хюдаха, нялхануудыешье хайрлахагүй, хүүгэдые хайрлаха гэжэ тэдээндэ үгы».

Исай 9:16

Удамаршадынь зоноо төөрюулхэ, гээгдэхүүлхэ.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Ерэмияа 12:3

Харин, Эзэн, Та намайе мэдэнэт, минии юу хэдэгые харанат, Танда дуратайем ойлгонот. Үүсэлэгдэхэ хонид мэтээр тэдэниие шэрэжэ, һалгаагдаха үдэр хүрэтэрынь тэдэниие тусгаар харууһалыт.

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 15:7

Асаар һолоомо һалхитуулан тарааһандал, Би таанадые газар дэлхэйн бүхы хотонуудаар тараагааб. Үхи хүүгэдыетнай үгы хээб, та бүгэдые усадханаб. Юуб гэхэдэ, таанад буруу замаа орхиногүйт.

Ерэмияа 15:8

Газар нютагтатнай бэлбэһэн эхэнэрнүүд далайн эрьеын элһэнһээ үлүү олон болоо. Сүйд хэгшые эльгээжэ, залуу хүбүүдыетнай алааб. Энээнһээ боложо, эхэнүүдынь зобоно, гасалан, айдаһаа хүрэхэ зүйл гэнтэ тэдэнтэй ушараа.

Ерэмияа 50:30

Тиимэһээ бүхы залуу зониинь хотын үйлсэнүүд дээрэ алуулагдаха, бүхы сэрэгшэдынь тэрэ үдэр усадхагдаха. Энэ болбол Би, Эзэн, айладхана мүн!

Ерэмияа 9:21

Үхэл сонхоорнай дамжан ороно. Үйлсэнүүдһээ үхи хүүгэдые, хотын талмайнуудһаа эдир хүбүүдые усадхахын тула үхэл хатал ордонгууд руумнай орожо байна.

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Гашуудал 5:3

Бидэ үншэн болообди, эсэгээ алдаабди, эхэнүүднай – бэлбэһэн эхэнэрнүүд.

Эзэкээл 16:38

Үбгэндөө урбан, һальхай һамуу ябадал гаргаһанайш, алууршан байһанайш түлөө Би шамайе шүүбэрилхэб! Угаа ехээр уурлан, шамайе хороохо гэжэ заргада оруулан шиидхэхэб!

Эзэкээл 22:25

Олзоёо зулгаажа, архиржа байһан арсаланда адлил удамаршадынь! Тэдэ зониие алана, үнэтэ сэнтэй юумэ бултыень өөрын болгоно, эрэшүүлые алажа, бэлбэһэн эхэнэрнүүдэй тоо олошоруулна.

Амоос 4:10

Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Хуули дабталга 32:25

Газаа – тэдэнэр һэлмээр хороогдохо, гэртээ – айһанһаа зүрхэеэ хахаран гээгдэхэ: эдир хүбүүншье, залуу хүүхэншье, хүхөөр үхибүүншье, сагаан үһэтэй үбгэншье.

Тимофейдэ 2-дохи 4:14

Түмэр дархан Александр намда ехэл муу юумэ хээ һэн. Эзэн хэһэн зэргээрнь тэрээндэ харюулаг лэ.

1 Хаан түрэнүүд 15:33

Самуил: – Шинии һэлмын эхэнэрнүүдые үхи хүүгэдгүй болгоһондол адли, эхэнэрнүүдэй дундаһаа шинии эхэ хүүгэдгүй болог лэ, – гэжэ дуугарба. Тиигээд Самуил Агаагые Эзэнэй урда Гилгаалда таһа сабшаа һэн.