Ерэмияа 18:18 - Библи

¹⁸ Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 18:18 Referencias Cruzadas

2 Хаан түрэнүүд 15:31

Хэн нэгэнэй Давидта: – Абшалоомтой нюуса хэлсээ хэгшэдэй дунда Ахитоопэл байна, – гэжэ хэлэхэдэнь, Давид: – Эзэн, Ахитоопэлэй зүблөөе ухаа удхагүй болгожо үгыт гэжэ би зальбарнаб, – гэбэ.

2 Хаан түрэнүүд 17:14

Абшалоом болон бүхы израильшууд иигэжэ хэлсэбэ: – Хушай гэдэг архэй хүнэй зүбшэл Ахитоопэлэй үгэһэн зүбшэлһөө дээрэ. Тэдэ иигэжэ юундэ шиидээб гэхэдэ, Эзэн Абшалоомдо гай тодхор ушаруулхын тула Ахитоопэлэй һайн зүбшэл заабари хараада абтахагүй гэжэ шиидэһэн байгаа.

3 Хаан түрэнүүд 22:24

Хэнаанаагай хүбүүн Цэдэкиия дүтэлөөд, Михай гэгшын хасар альгадаад, – Эзэн намда бэшэ, гансал шамда айладана гэжэ нээрээ һанажа байна гүш?! – гэбэ.

2 Угай бэшэг 24:21

Зон Захарияагай урдаһаа эсэргүүсэн нэгэдэжэ, Ёһааш хаан тэдээнтэй хамтарба. Хаанай зарлигай ёһоор, Эзэнэй Һүмын хашаа соо Захарияае зон шулуугаар шэдэн алаа һэн.

Иоов 5:13

Тэрэ мэргэн ухаантайшуулые мэхэ гохоорнь баридаг, хэдышье сог залитайгаар забдаа һаань, тэрээнииень үрэ дүнгүй болгодог.

Псалманууд 21:11

Хэбэлһээ гараһанһаа хойшо Танай харууһан доро байгааб, бүрилдэһэн сагһаам хойшо Та минии Бурхан мүн.

Псалманууд 52:2

Мунхаг хүн сэдьхэлдээ «Бурхан үгы» гэжэ һанана. Зон һальхай һамуун хэрэгүүдые хэнэ, муу муухай, жэгшүүритэй юумэ үйлэдэнэ. Һайн хэрэг хэдэг хүн байхагүй.

Псалманууд 57:4

Хорото муу зон түрэхэһөө эхилээд, гажуу ябадалтай, худалшад эхын хэбэлһээ эхилэн төөридэг.

Псалманууд 64:3

Та зальбарал дууланат. Амиды голтой бүхэн Тан руу ерэг лэ!

Һургаал 18:21

Хэлэнэй үзүүртэ амин ба үхэл байдаг. Хэлэндээ болгоомжотой хүн һайн үрэ үзэдэг.

Исай 32:7

Тэнэг хүнэй ажаябуулганьшье муу муухай. Тэрэ хорото муу арга мэхэнүүдые зохёожо, үгытэй зониие худал хуурмаг үгэнүүдээр хүрмэжэ хосорооно, хуулита эрхэ түлөөлгэнүүдынь үгэнэгүй.

Ерэмияа 11:19

Үүсэлүүлхээр хүтэлэгдэн ябажа байһан номхон хурьган мэтэ байгаа бэлэйб. Урдаһаамни муу юумэ дайсадай зохёожо байһые мэдээгүй һэм: «Жэмэстэйнь хамта модо отолжо унагаая, тэрэниие хюдан һалгаая, тиихэдэмнай хүрьһэтэ алтан дэлхэй дээрэ улад зон тэрээн тухай мартаха», – гэжэ тэдэ хэлсэжэ байгаал.

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 18:19

Би: – Эзэмни, намайе шагнажа, дайсадаймни юу хэлэжэ байгаашые соносыт!

Ерэмияа 2:8

Санаартан «Эзэн хаана байнаб?» гэжэ һурагшалаагүй, Хуули заадаг багшанар Намайе мэдэхэгүй байба. Ударидагшад Минии урдаһаа эсэргүүсэжэ, Лүндэншэд Баалай нэрэһээ айладхал буулгажа, ямаршье туһагүй шүтөөнүүдтэ мүргэн ябаа.

Ерэмияа 20:10

«Тойроод ехэ аюултай! Мүргэе! Тэрээн тухай засаг баряашадта дуулгая!» гэжэ олоной шэбэнэлдэхые би шагнааб. Минии дүтын нүхэдшье бүдэрхыем хүлеэн хаража байна: «Тэрэ мэхэдэ орожо магадгүй. Тиигээ һаань, бидэ тэдэниие диилэжэ, үһөөгөө абахабди», – гэлдэнэ.

Ерэмияа 26:11

Тиигээд санаартад болон лүндэншэд түшэмэлнүүдтэ болон бүхы зондо хандан: – Энэ хүн үхэхэ ёһотой! Юуб гэхэдэ, тэрэ манай хотын урдаһаа лүндэн табижа байна. Энээниие таанад өөһэдөө һайн дуулаһан байна гээшэт, – гэжэ хэлэбэ.

Ерэмияа 37:13

Бэньямиинэй Хаалгануудта хүрэхэдэм, Ханаанияагай аша, Шэлээмияагай хүбүүн Ирияа гэгшэ харуулай ахамад тэндэ байһанаа, намайе тогтоожо, «Вавилооной зондо ошожо байнаш!» гэжэ бариба.

Ерэмияа 43:2

Һошаяагай хүбүүн Азаария, Карээһаагай хүбүүн Ёханаан болон бусад дээрэлхүү зантай зон намда иигэжэ хэлэбэ: – Та буруу юумэ хэлэнэт. Египет руу бү ошогты гэжэ Эзэн Бурхамнай танда айладхаагүй.

Ерэмияа 44:16

– Эзэнэй нэрэһээ айладхаһан үгэнүүдыетнай шагнахаяа арсанабди.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Ерэмияа 8:8

«Сэсэн мэргэмди, Эзэнэй хуулинуудые мэдэнэбди» гэжэ таанад яажа хэлэжэ шаданабта? Харыт, хуулинуудни худал бэшээшэдээр хубилгагдаад байнал.

Гашуудал 3:62

Дайсад намайе үдэр бүри хараажа, баһажа байна.

Эзэкээл 7:26

Гай тодхор дээрэ дээрэһээ ерэжэ байха, муу һураг суу хойно хойноһоо дуулдаха. Лүндэншэдые үзэл үзэхыень гуйжа байхат. Санаартан зониие һургаха юушьегүй, аха захатан хэлэхэ нэгэшье зүбшэл заабаригүй байха.

Левит 10:11

Тиигээд Эзэнэй Моисейгээр дамжуулан үгэһэн хуулинуудта израильшуудые һургаха ёһотойт.

Михей 3:6

– Таанадта һүниин харанхы бууха, лүндэн табижа шадахагүйт, Таанадые шэб харанхы тойрохо, абарал буулгажа шадахагүйт. Лүндэншэд дээрэхи наран хорон орохо, тэдэнэй оршожо байһан үдэр бүрхэхэ.

Михей 3:7

Үзэлшэд эшэжэ эхилхэ, мэргэшэд аягүй байдалда орохо. Бурханһаа харюу абахагүй тэдэ бултадаа амаа хаажа эхилхэ.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Лука 11:45

– Багша аа, иигэжэ хэлэхэдээ, Та манииешье доромжолнот! – гэжэ Хуули заадаг багшанарай нэгэн Иисүүстэ хэлэбэ.

Иоанн 9:40

Иисүүсэй хажууда байһан фарисейнүүд: – Теэд Та бидэниие һохор гэжэ тоолоногүй бэзэт? – гэжэ асууба.