Ерэмияа 18:15 - Библи

¹⁵ Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 18:15 Referencias Cruzadas

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Исай 3:12

Хүүгэд арад зониием дарлажа, эхэнэрнүүд арадыем хүтэлбэрилнэ. Арад түмэмни! Удамаршадтнай таанадые төөрюулжэ, зүб харгыһаатнай хадууруулаа.

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 57:14

Эзэн иигэжэ айладхана: «Минии арад түмэнэй Нам руугаа бусахадань туһалагты. Харгы зам жэгдэлэгты. Харгы дээрэ байгша һаалта зүйлнүүдые үгы хэгты.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Исай 9:16

Удамаршадынь зоноо төөрюулхэ, гээгдэхүүлхэ.

Ерэмияа 1:16

Намайе орхижо, ондоо бурхадта үргэл үргэжэ, шүтөөнүүдые хэжэ, тэдээндэ һүгэдэн мүргэдэг болоһонойнь, нүгэл үйлэдэһэнэйнь тула Би Өөрын арадта хэһээлтэ амасуулхаб.

Ерэмияа 10:15

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 11:12

Тиихэдэ Иудын хан түрын болон Иерусалимай улад зон санзай урдань ууюулдаг бурхадтаа ошожо, туһа эрин дуудаха, теэд тэдэнь гай гасалангайнь үедэ оройдоошье туһалха-абархагүй.

Ерэмияа 11:13

Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 11:17

Би, Түмэн Сэрэгтэ Эзэн, Израиль болон Иудын хан түрэ байгуулааб. Харин мүнөө тэдээндэ гай тодхор ушаруулхаб гэжэ занажа байнаб. Тэдэ өөһэдөө эдэ бүгэдые өөр дээрээ татаа, юуб гэхэдэ, Баалда санзай ууюулжа, Минии уур сухал тэдэ хүргөө ха юм.

Ерэмияа 13:25

Энэ болбол танай үйлэ, Эзэнэй таанадта хэмжэжэ үгэһэн хуби заяан юм. Юуб гэбэл, таанад Тэрэниие мартажа, бодото үнэн бэшэ бурхадта найдан, шүтэн мүргэдэг болоот.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 18:14

Ливаанай хабсагайта үндэрнүүд хэзээ нэгэтэ саһагүй болодог юм гү? Хадын хүйтэн урасхалнуудынь шэргэдэг юм аал?

Ерэмияа 19:5

Түгэс шатаалта үргэл болгон үхи хүүгэдээ галда шатаахын тула тэдэ Баалда обоонуудые бариһан юм. Энэнь Минии хэзээшье захираагүй, хэлээгүй, Минии һанаандашье ороогүй зүйл лэ.

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 2:32

Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Ерэмияа 44:25

– Таанад болон һамгадтнай Тэнгэриин хатан бурханда үргэл үргэдэг байхабди гэжэ найдуулаа бэлэйт. Үргэл, сэржэм тэрээндэ үргэжэ байхаар хэлээт, тиигээд үгэеэ бэелүүлжэл байнат. Зай, тиижэл байгыт даа!

Ерэмияа 51:18

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 6:16

Эзэн өөрын арад зондо иигэжэ айладхаба: «Харгы замууд дээрэ тогтожо харагты. Урданай һайн харгынууд тушаа – Моисейн һургаал тухай һурагшалагты. Тэрэ һайн замаар зорибол, ажана амгалан ажаһуухат». Теэд тэдэ: «Үгы, зорихогүйбди», – гэлдэбэ.

Ерэмияа 7:9

Таанад хулгай хэжэ, алажа, забхайржа, худалаар тангариглажа, Баалда үргэл үргэн, мэдэхэгүй ондоо бурхадта мүргэжэ байгаад,

Эзэкээл 21:15

Тэдэ зоригоо мохожо, бүри олоор алдалан унаха. Сахилгаан мэтэ ялалзаһан, алахаар бэлэн Минии һэлмэ хотын бартаа бүхэндэ хүлеэн байха.

Эзэкээл 36:15

Ондоо арадууд таанадые шоо үзэхэеэ, наадалхаяа болихо. Арад зондоо баян ургаса үршөөн байхат.

Һошээ 11:2

Теэд Минии дуудаха бүри тэрэ Намһаа буруу хаража байгаа. Минии арад түмэн Баалнуудта үргэл үргэжэ, онгонуудта уталга ууюулжа байгаа бэлэй.

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Һошээ 2:6

Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Матвей 15:6

эхэ эсэгэеэ хүндэлхэ хэрэггүй гэжэ заанат. Тиигэжэ таанар Бурханай захяа заабари сахингүй, өөһэдынгөө тогтооһон ёһо заншалаар һэлгэнэт.

Римэйхиндэ 14:21

Бусад һүзэглэгшэдые доройтон унагааха шалтаг болохо ямаршье юумэ хэнгүй, мяха эдингүй, үзэмэй дараһан архи уунгүй байхань зүб шуу.

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!