Ерэмияа 18:11 - Библи

¹¹ Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 18:11 Referencias Cruzadas

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

3 Хаан түрэнүүд 22:23

Тиигээд мүнөө Эзэн шинии лүндэншэдые худал хэлэдэг болгоо. Тэрэ шамда гай тодхор ушаруулха гээд шиидээ.

4 Хаан түрэнүүд 17:13

Эзэн Өөрынгөө бүхы лүндэншэдээр ба абаралдагшадаар уридшалан дамжуулжа, израильшуудта ба иудынхидтэ иигэжэ айладаа юм: – Бусагты, муу замһаа зайсагты! Минии захяа заабариие сахигты! Би таанадта үбгэ эсэгэнэртэтнай үгэгшэ Һургаал заабаринуудаа Өөрынгөө барлаг лүндэншэдээр дамжуулааб. Минии айладагша захяа заабаринууд тэрэ Һургаал соо байха.

4 Хаан түрэнүүд 22:13

– Ошогты, Эзэнһээ нам тухай, арад зон тухай, бүхы иудынхид тухай һурагты. Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

4 Хаан түрэнүүд 5:5

Тиихэдэнь Араамай хаан Наамаанда иигэжэ хэлэбэ: – Тиигэбэл, ши яба. Би шамда Израилиин хаанда бэшэһэн бэшэг үгэхэб. Наамаан арбан талаант сэбэр мүнгэ, зургаа мянган шээкэл алта, һэлгэжэ үмдэхэ арбан хубсаһа абаад, аян замда гараба.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 57:1

Зүб шударга хүнэй наһа барахада, хэншье энэ ушар ехэ тоожо байдаггүй. Үршөөл хайратай зон наһа барана, юундэ энэ болоноб гэжэ хэншье мэдэнэгүй. Зүб шударга хүн муу юумэнһээ зайлана.

Ерэмияа 11:11

Тиимэһээ Би, Эзэн, тэдэнэй зугадажа шадахын аргагүй гай тодхор тэдээн руу шэглүүлхэб гэжэ соносхоноб. Намһаа туһа эрин тэдэнэй хашхаралдахада, Би дуулахагүйб!

Ерэмияа 11:19

Үүсэлүүлхээр хүтэлэгдэн ябажа байһан номхон хурьган мэтэ байгаа бэлэйб. Урдаһаамни муу юумэ дайсадай зохёожо байһые мэдээгүй һэм: «Жэмэстэйнь хамта модо отолжо унагаая, тэрэниие хюдан һалгаая, тиихэдэмнай хүрьһэтэ алтан дэлхэй дээрэ улад зон тэрээн тухай мартаха», – гэжэ тэдэ хэлсэжэ байгаал.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 19:3

Эзэн намда иигэжэ хэлэхыем захирба: – Иудын хаашуул, Иерусалимай ажаһуугшад, Израилиин Бурханай, Түмэн Сэрэгтэ Эзэнэй, айладхал шагнагты! Энэ газар нютагта Би гай тодхор татахамни, тэрээн тушаа дуулаһан хүн бүхэн угаа ехээр бахардаха.

Ерэмияа 25:2

Иудын хан түрын болон Иерусалимай улад зондо би иигэжэ айладхал дамжуулан хэлээб:

Ерэмияа 25:5

Эзэнэй та бүгэдэндэ болон үбгэ эсэгэнэртэтнай хэтэ мүнхэдөө үгэһэн газар нютагта саашадаашье ажаһуухынтнай тула ажабайдалай муу замһаа, хэдэг бузар муухай үйлэ хэрэгүүдһээ таанадай буруу харан ошохо тухай тэдэ хэлээ һэн.

Ерэмияа 26:13

Өөһэдынгөө ажабайдалай зам болон үйлэ хэрэгүүдээ заһагты, Эзэн Бурханайнгаа үгэ дуулагты. Тиигээ һаатнай, таанарта татахаяа байһан гай тодхороо Тэрэ болюулхал.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 3:22

Эзэнһээ буруу хараһан таанад, бусажа ерэгты. Тэрэ таанадые эмшэлжэ, үнэн сэхэ болгохо. Таанад хэлээ бэлэйт: – Харагты, Эзэндэ бидэ эрьехэмнай. Тэрэ манай Бурхан.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 36:3

Иудын хан түрын улад зон Минии тэдээндэ татахаяа байһан гай тодхор тухай дуулажа, муу муухай харгы замһаа эрьехэ аалам. Тиигээ һаань, Би тэдэнэй нүгэл шэбэлые арюудхан хүлисэхэб.

Ерэмияа 36:7

Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 4:1

Эзэн тунхаглажа байна: – Израиль, хэрбээ ши бусаха гэбэл, Нам руу бусажа ерэ. Хэрбээ ши шүтөөнүүдые Намһаа зайлуулжа, татагасангүй байгаа һаа,

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Ерэмияа 4:23

Газар дэлхэйе харахадам, хэбэр дүрсэгүй, эзэгүй хооһон байба. Огторгой руу харахадам, ямаршье гэрэлгүй байба.

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Эзэкээл 13:22

Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.

Эзэкээл 18:23

Би, Эзэн Бурхан, муу хүнэй хосорходо баярлана бэшэб. Тэрэнэй нүгэл хэхэеэ болижо, амиды мэндэ үлэхэдэ баярладагби.

Иона 3:8

Зон гашуудалай шэрүүн бүд хубсаһа үмдэг, мүн мал иимэ бүдөөр хушагдаг, Бурханда хандан, бии шадалаараа зальбараг, хүн бүхэн гэмтэ ябадал, буруу хэрэгүүдые хэхэеэ болиг.

Михей 2:3

Тиимэһээ Эзэн иигэжэ айладхана: Анхарагты, Би таанадта нэгэ гай тодхор тохёолдуулха гэжэ байнаб. Тэрэ таанадай хүзүүн дээрэ тудаад, һалахаар бэшэ байха. Энэ муу сагта таанад бардам сэхээр ябажа шадахаяа болихот.

Захарияа 1:3

Гэбэшье тэдэндээ хэлэлши: Түмэн Сэрэгтэ Эзэн иигэжэ айладажа байна: Нам руу эрьегты, тиигэбэл Би таанар руу эрьехэб.

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Яковай хандалга 4:13

Зай, «Мүнөөдэр гү, али үглөөдэр тэрэ хото ошохобди, тэндэ нэгэ жэл соо худалдаа наймаа хээд, ехэхэн алта мүнгэ олохобди», – гэжэ хэлэдэг таанад мүнөө намайе шагнагты.

Яковай хандалга 5:1

Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.