Ерэмияа 17:5 - Библи

⁵ Эзэн иигэжэ айладхана: Намһаа буруу хаража, зондо найдажа, хэзээ нэгэтэ үхэхэ юумэндэ найдан түшэглэгшэд хараал шэнгээхэ!

Ерэмияа 17:5 Referencias Cruzadas

2 Угай бэшэг 16:12

Хааншалалгынгаа гушан юһэдэхи жэлдэ Асаа хүлэй үбшэнтэй боложо, үбшэниинь һүжэрэн, бэеэрнь дээшэлбэ. Теэд тэрэ үбдэжэ байхадаа Эзэнһээ туһа гуйгаа бэшэ, аргалаашадта хандаа һэн.

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Псалманууд 62:9

Сэдьхэлни Танда няалданхай, зүб гартнай намайе дүнгэнэ.

Исай 2:22

Хүнэй ами наһан – амисхал гээшэ, үхэхэ табисууртай нэгэндэ найдаһанай дэмы. Тэрэ юуншье бэшэ бшуу.

Исай 20:5

Эфиопидо этигэн найдажа байгаашад, Египедые туһалха гэжэ һайрхагшад туһа хүргэхэ юумэгүй болоһоноо ойлгожо, айха, тиигээд найдаха юумэниинь үгы болохо.

Исай 36:6

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаан фараондо найдаха гээшэ энээндэл адли юм.

Исай 59:15

Үнэн зүб үгы болоо. Муу муухайһаа холодогшод өөһэдөө хүнэһэн болоно. Зарга шүүбэриин үгы болоһые Эзэн хараад, нюдэдынь балартаа». Эзэн энээниие хараад, зүб шударга ёһын үгы болоһондо сухалаа хүрөөд байна.

Ерэмияа 11:3

Израилиин Эзэн Бурхан иигэжэ айладхана: Хэлсээнэй үгэнүүдые сахин дүүргэдэггүй хүн бүхэн хараал шэрээл шэнгээхэ.

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.