Ерэмияа 17:4 - Библи

⁴ Минии үршөөһэн газар нютагые таанад өөрынгөө мууһаа боложо гээхэт. Мэдэхэ-танихагүй нютагтатнай Би таанадые дайсадтатнай богоол болгон үгэхэб. Юуб гэхэдэ, таанад Намайе угаа сухалдуулаат, уур хилэмни гал мэтэ бушаганаа, хэтэ мүнхэдөө тэрэ носохол!

Ерэмияа 17:4 Referencias Cruzadas

3 Хаан түрэнүүд 9:7

үгэһэн газар дайдаһаа Израилиин арад түмэниие хюдан һалгаахаб, Өөрын нэрэ алдарта шэлэжэ абаһан энэ Һүмые буруушаахаб, тиихэдэм Израиль дэлхэйн арадуудай наадан, шоо үзэлгэн болохо.

4 Хаан түрэнүүд 25:21

Вавилооной хаан тэдэниие Хамаат газарай Риблаа хотодо саазалба. Иигэжэ Иудын хан түрын улад зон түрэл нютагһаа сүлэгдөө һэн.

Нэхэмьяа 9:28

Зүгөөр тэдэнэр амаржа эхилэмсээрээ, Танда харша ябуулгануудаа дахинаа үүсхэжэ эхилбэд, Та тэдэниие дайсадайнь һабарта оруулбат, эдэнь мэдэлдээ абаба. Тэдэнэр Тандаа дахинаа хандабад. Та тэдэниие огторгойһоо анхаржа, нигүүлэсхы агуу сэдьхэлээрээ оло дахин абарбат.

Исай 14:3

Эзэн зоболон, үймөөн һамуунһаа, хүшэр хүндэ ажалһаа зониие сүлөөлхэ.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 50:11

Гал түлижэ, гартаа гал баряад ябааша таанад! Өөрын галай гэрэл соо, өөһэдын носоогшо галаа барин ябыта, хамаагүй! Минии гар таанадта иимэ юумэ ушаруулха: таанад зобожо хэбтэхэт!

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Ерэмияа 12:7

Би Израилиие орхижо, Өөрынгөө арад түмэниие хаяаб. Дуратай арад зоноо дайсадайнь мэдэлдэ үгөөб.

Ерэмияа 15:14

Арад зоноо ажал хэхыень танихагүй орон нютаг руу, дайсад руу эльгээхэб. Юуб гэбэл, тэдэнэй урдаһаа Минии уур хилэн гал мэтэ бушаганажа байна, – гэжэ айладхаба.

Ерэмияа 16:13

Тиимэһээ Би таанарые энэ нютагһаа өөһэдынтнай болон үбгэ эсэгэнэрэйтнайшье танихагүй газар руу шэдэн үлдэхэб. Тэндэ ондоо бурхадта үдэр, һүнигүй алба хэдэг байхат. Би таанадые хайрлахагүйб гэжэ Эзэн айладхана, – гээд хэлэхэш.

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 2:14

Израиль – богоол бэшэ. Тэрэ түрэлхиин зараса байгаагүй. Теэд юундэ тэрэ бусадай олзо болоо юм?

Ерэмияа 22:28

Би хэлэбэб: «Ехонияа хаан хаясаанай, хэндэшье хэрэггүй бутарһан шабар амһарта мэтэ болоо юм гү? Юундэ тэрэ болон уг удамынь баряанда туужа абаашагдан, өөһэдэйнь мэдэхэ-танихагүй газар нютаг руу зайлуулагдаба гээшэб?»

Ерэмияа 5:19

Тэдэнэй «Юундэ Эзэн Бурхамнай бидэндэ эдэ бүгэдые ушаруулааб?» гэжэ асуухадань, «Намайе, Бурханиие, орхижо, өөһэдын газар нютагта хариин шүтөөнүүдтэ алба хэжэ байһантайгаа адли таанар мүнөө хариин газар нютагта ондоо уладта алба хэхэ болоот» гэжэ Намайе айладхана гээд ши, Ерэмияа, хэлээрэй.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Гашуудал 1:12

Аянай зон, таанар хажуугаар үнгэрөөшье һаа, харыта, анхарыта: намтай тушаалдаһан зоболондол адли зоболон бии юм аал? Уур хилэнгээр дүрэлзэһэн үдэртөө Эзэн намда тэрэниие эльгээ!

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Эзэкээл 21:31

Уур хилэнгэй гал түймэрөөр хайран, зэбүүрхэһэнээ таанадта мэдүүлхэб. Тиигээд алахадаа бэрхэ, хэрзэгы зоной гарта таанадые дамжуулхаб.

Эзэкээл 7:24

Эгээл муу муухай үндэһэ арадуудые иишэнь асархаб, гэр байрануудыетнай эзэмдүүлхэб. Мүргэдэг нангин газарнуудыетнай тэдэ арадууд бузарлаха, тиихэдэ эгээл шанга зонтнай бардамлахаяа болихо.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.