Ерэмияа 17:22 - Библи

²² Таанад амаралтын үдэр гэрһээ ямар нэгэн ашаа зөөжэ бү гаргагты, ямаршье ажал бү хэгты. Элинсэг хулинсагуудтатнай захирһанайм ёһоор, амаралтын үдэрые арюун нангин үдэр гэжэ сахин байгты.

Ерэмияа 17:22 Referencias Cruzadas

Нэхэмьяа 13:15

Субботын үдэр Иудада ажаһуугшад тусхай амһарта соо уһан үзэм низалан дарадаг, үзэмэй дараһан архи, уһан үзэм, алим жэмэсүүдые, элдэб ашаануудые элжэгээр зөөдэг байна гэжэ тэрэ үедэ мэдэжэ абабаб. Субботын үдэр энэ бүгэдые Иерусалим руу тэдэнэр асарна. Тэрэ үдэр тэдэнэрэй наймаагаа эрхилжэ байхадань, би энэ үдэрһөө хойшо иимэ ябадал хэхэ ёһогүйт гэжэ тэдэнэртэ хэлэбэб.

Египедһээ гаралга 23:12

Зургаан үдэр ажалаа хээд лэ, долоодохи үдэртэнь амардаг бай. Сар, элжэгэншни бэеэ тэниилгэг, богоолшни болон ерүүл зарасашни амяа абажа, һэгээ орог.

Исай 58:13

Эзэн иигэжэ айладхана: «Хэрбээ таанад амаралтын үдэрые нангин гэжэ сахин, өөрынгөө дураар юушье тэрэ үдэр хэхэһээ татагалзабал, амаралтын үдэрые хүндэлжэ, ажал хэнгүй, аян замда гарангүй, миин хии дуугаржа байнгүй байбал,

Ерэмияа 17:24

Хэрбээ амаралтын үдэр энэ хотын бартаануудаар ямаршье ашаа зөөжэ оруулангүй, ямаршье ажал хэнгүй, амаралтын үдэрые нангинаар сахин, Минии үгэнүүдые дуулабалтнай,

Эзэкээл 20:12

Би, Эзэн, тэдэниие Өөртөө зорюулааб гэжэ эли байхын тула Намтай баталһан хэлсээнэй дүлгэ тэмдэг болгон Би тэдээндэ субботые тогтоогооб.

Эзэкээл 22:8

Нангин газарнуудыем хүндэлнэгүйт, субботын үдэрые сахинагүйт.

Левит 19:3

Таанад өөһэдынгөө эхэ эсэгэһээ түбэгшөөгты. Минии субботонуудые сахигты. Би танай Эзэн Бурхантнай гээшэб.

Левит 23:3

Зургаан үдэртэ ажалаа хээд, долоодохи үдэртөө – субботодо амарха ёһотой, нангин суглаа хэхэ хэрэгтэй. Хаанашье ажаһуугаа хадаа таанад ямаршье юумэ хэхэгүйт, энэ суббото хадаа Эзэнэй.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Лука 23:56

Тиигээд тэдэнэр гэртээ харижа, элдэб янзын хангалтай ургамалай тоһо бэлдэбэ. Теэд субботодо тэдэнэр Хуулида заагдаһан ёһоор амарба.

Лука 6:5

Саашань Иисүүс: – Хүн түрэлхитэнэй Хүбүүн субботыншье Эзэн мүн, – гэжэ нэмэбэ.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.