Ерэмияа 17:2 - Библи

^2-3 Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Ерэмияа 17:2 Referencias Cruzadas

2 Угай бэшэг 24:18

Иигэжэ улад зон үбгэ эсэгэнэрэйнгээ Эзэн Бурханиие орхижо, онгонуудта, Ашэраа бурханда мүргэжэ эхилбэ. Тэдэнэй гэм зэмэй түлөө Эзэн Иудада болон Иерусалимда уурлаба.

2 Угай бэшэг 33:19

Тэрэнэй зальбаралга, Бурханай тэрэниие анхарһаниинь, бүхы нүгэл, гэм зэмынь, номхон даруу болохын урда тээ үргэлэй газарнуудые түхеэрһэниинь, Ашэраа бурханай болон онгонуудай дүрсэнүүдые табиһан газарнуудынь Хозай гэгшын бэшэгүүд соо зураглагданхай.

2 Угай бэшэг 33:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

Египедһээ гаралга 34:13

Үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты!

Исай 1:29

Сарса мододто мүргэдэг байһанайнгаа түлөө таанад эшэхэт; нангин һөөгүүдые шэлэһэнэйнгээ түлөө таанад нэрээ гутаахат.

Исай 17:8

Тэдэ өөһэдынгөө гар бүтээл болохо үргэлэй шэрээнүүдээ ойшохогүй, өөһэдынгөө бүтээһэн Ашэраа бурханай дүрсэнүүдтэ, шүтөөнүүдтэнь найдахагүй.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 3:23

Үнэхөөрөө, гүбээ хаданууд дээрэ манай мүргэл хэһэн ушар бидэндэ оройдоошье туһа болоогүй. Израилиин абарал хадаа гансал манай Эзэн Бурхан болоно гээшэл!

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 7:18

Үхибүүдынь түлеэ суглуулжа, эсэгэнэрынь гал носоожо, эхэнэрнүүдынь Тэнгэриин хатанда бообо хэхын тула талха зуурана. Намайе гомдоохын тула тэдэ ондоо бурхадта сэржэм үргэнэ.

Эзэкээл 20:28

Үгэхэб гэжэ тангариглан найдуулһан газар руу Би тэдэниие асарааб, харин тэдэ обоо бүхэн дээрэ, һаглагар модон бүхэн доро тахил үргэжэ, үзэмэй дараһан архи үргэжэ, санзай ууюулжа байгаа.

Хуули дабталга 12:2

Таанадта диилдэһэн тэдэ арадуудай үндэр уула, добо гүбээнүүд дээрэ, алибаа һаглагар модон доро өөһэдынгөө бурхадта мүргэдэг газарнуудыень бүримүһэн үгы хэгты.

Ударидагшад 3:7

Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.