Ерэмияа 17:11 - Библи

¹¹ Хуули бусаар баяжаһан хүн түрөөгүй үндэгэеэ дарадаг шубуундал адли. Наһанайнгаа түлэг дунда тэрэ баялигаа гээжэ, эсэсэй эсэстэ тэнэг болоод үлэхэ!

Ерэмияа 17:11 Referencias Cruzadas

Иоов 20:21

Үрэбхигшэ аманһаань юуншье зайлаагүй. Бусадые хайрлаха сэдьхэлгүй тэрэ хүнэй баян, тарганиинь удаанай бэшэ.

Псалманууд 49:13

Би бухануудай мяха эдидэг, хусануудай шуһа уудаг юм гүб?!

Һургаал 13:11

Хуурмагаар олоһон эд зөөри түргэн хородог. Хүсэлжэ олоһон баялиг арбижадаг.

Һургаал 15:27

Хуули бусаар ашаг олодог хүн гэр бүлэдөө зоболон асардаг. Эдилгэ абадаггүй хүн амидаран һууха.

Һургаал 21:6

Худалша хэлээр баялиг олохо ябадал хооһон һалхи намналга, үхэлэй занга бэдэрэлгэ мүн.

Һургаал 23:5

Баялигаа һайнаар харажашье үрдеэгүй байтаршни тэрэшни үгы болошоод байха: эд баялигта дали ургадаг, тэнгэри өөдэ дүүлиһэн бүргэд мэтэ ниидэжэ арилшаха.

Һургаал 28:16

Ухаагаар дутуу удамаршын дарлалга бүришье ехэ. Хомхой сэдьхэлээр олдоһониие үзэн ядадаг хүнэй үдэр хоногуудынь ута болохо.

Һургаал 28:20

Үнэн этигэлтэй хүн үреэлөөр баян һууха. Баяжаха гэжэ яарадаг хүндэ хэһээлтэ байха.

Һургаал 28:22

Хомхой хобдог хүн зөөри баялиг намна намнаһаар, тэрэнэй хойноһоо ядаралай ерэхые анхаржа ойлгодоггүй.

Һургаал 28:8

Мүнгэ зээлилэн баялигаа арбижуулагша ядуушуулда энэрхыгээр хандадаг хүнэй түлөө мүнгэ нөөсэлдэг.

Ерэмияа 22:13

Өөрын гэр байрые үнэн сэхээр бэшэ, дээдэ таһалгануудаа үнэн зүбөөр бэшэ баридаг хэн нэгэнтэй, зондо салин хүлһыень үгэнгүй ажал хүүлэдэг хэн нэгэнтэй гай гасалан тохёолдог!

Ерэмияа 22:17

Теэд ши гансал өөрынгөө аша туһа харанаш. Гэм зэмэгүй зониие аланаш, зониие харшалан, дарлан байнаш.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Амоос 3:10

Үнэн зүбөөр яажа ажаһуухые тэдэ мэдэдэггүй, хэрэмүүд соогоо гансал хүсэрхэл, дээрмэшэлгээр баялиг суглуулаа! – гэжэ Эзэн айладхана.

Михей 2:9

Зохидхон гэрнүүдтэнь һанаашархан, арадайм эхэнэрнүүдые тэрэ гэрнүүдһээ үлдэжэ гарганат, Минии үреэлые үхи хүүгэдһээнь хэмэ мүнхэдөө буляан абанат.

Михей 7:3

Муу муухай хэрэгүүдые хэхэдээ гарнуудынь һурамхи. Дарга эдилгэ абана, шүүгшэ хахуули абажа шүүбэри хэнэ. Хүндэтэй зон зоргоороо хэхэ юумэеэ хэжэ, хэрэг муудхаана.

Цэпаанияа 1:9

Шүтээн онгонуудта мүргэгшэдые бултыень, Минии нангин үргөө хулгайлһан, дээрмэшэлһэн олзоороо дүүргэгшэдые усадхахаб.

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Лука 12:20

Харин Бурхан тэрээндэ: «Тэнэг амитан! Энэ һүниндөөл амииешни хороохоёо байна, тиихэдэнь суглуулһан зөөришни хэндэ хүртэхэб?» – гэжэ хэлэбэ.

Тимофейдэ 1-дэхи 6:9

Харин баяжахаяа һанаһан хүнүүд хорхойтолгодо абтажа, тэдэниие гай зоболондо ба үхэлдэ хүргэдэг олон тэнэг ба хорото хүсэлэнгүүдэй һабарта ородог гээшэ.

Тидтэ 1:11

Тэдэнэй амые хааха хэрэгтэй: тэдэ мүнгэ олохо гэһэн эшхэбтэр зорилготойгоор хэрэггүй юумэндэ һургана, гэр бүлэнүүдые Христоосһоо холодуулна.

Пётрой 2-дохи хандалга 2:14

Тэдэнэй нюдэдынь ташаяан хүсэлэнгөөр дүүрэнхэй, тэдэ нүгэл хэжэ бэеэ ханахагүй. Тулгагүй ахир хүнүүдыел зангадаа оруулдаг. Сэдьхэлынь хомхолзожо һуршанхай. Тэдэнэр үхэхэл табилантай юм.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.