Ерэмияа 16:6 - Библи

⁶ Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 16:6 Referencias Cruzadas

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Исай 22:12

Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Исай 24:2

Хүн бүхэндэ тэрэл үйлэ заяан тудаха – санаарта ба юрэ буса хүндэшье, богоол ба эзэндэшье, худалдан абагша ба наймаалагшадашье, мүнгэ зээлеэр абагша ба мүнгэ урьһалагшадашье, баян, үгытэйшье хүндэшье.

Ерэмияа 13:13

ши тэдээндэ Минии, Эзэнэй, энэ орон нютагай бүхы ажаһуугшадые – хан шэрээдэ һуугша Давидай уг удамыень, санаартадые, лүндэншэдые, Иерусалимай бүхы улад зониие – һогтоторнь архяар дүүргэхэеэ байһан тухай дуулга.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 41:5

һахалаа хюһуулһан, хубсаһаа таһалһан, бэеэ адааһан наян хүн Шэхээм, Шилоо болон Самариһаа ерэбэ. Тэдэ нангин үргөөдэ үргэхэ эдеэ, уталгануудые баряад ерээ бэлэй.

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Ерэмияа 48:37

Тэдэ бултадаа толгойгоо хюһанхай, һахалаа абанхай. Гашуудан-зобон, гараа элдэбээр отолоо, хүн бүхэниинь таар үмдэнхэй.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Левит 19:27

Толгойгоо түхэреэлжэ үһөө бү хюһагты. Һахалайнгаа үзүүр бү гутаагты.

Левит 19:28

Үхэһэн хүнэй түлөө бэеэ бү хадхагты. Бэедээ тэмдэгүүдые бү зурагты. Би Эзэн гээшэб.

Амоос 6:11

Удахагүй Эзэн ордонгуудта һандарал болохые, гэрнүүдтэ һандархай болохые захирха.

Матвей 9:23

Даргын гэртэ ороод, Иисүүс наһа барагшые шаналха хүгжэмшэдэй болон улад зоной бахардан үймэлдэжэ байхые хараба.

Хуули дабталга 14:1

Таанад Эзэн Бурханайнгаа арад зон болонот. Хэн нэгэнэй наһа барахада, гашуудалай тэмдэг харуулан, өөһэдыгөө хадхажа, отолжо бү байгты, магнай дээрэхи үһэеэ бү хюһагты.

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.

Гэршэлгэ 6:15

Газар дэлхэйн хаашуулшье, дээгүүр тушаалтай дарганаршье, сэрэгэй ноёдшье, баяшуулшье, засаг баригшадшье, барлаг богоолнуудшье, юрын хүнүүдшье агы нүхэнүүдтэ, хада уулын хабшалда орожо хоргодобо.