Ерэмияа 16:4 - Библи

⁴ Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 16:4 Referencias Cruzadas

4 Хаан түрэнүүд 9:10

Нохойнууд Езрээл шадархи газарта Изээбэлые эдихэ. Хэншье тэрэ эхэнэрые хүдөөлүүлхэгүй, – гэжэ хэлээд, үүдэ нээжэ, тэндэһээ зугадаба.

Псалманууд 83:10

Маанадта аршалагша бамбай болоһон Бурхан! Өөрын шэлэһэн хүниие харыт, анхарыт.

Исай 18:6

Алуулһан зонойнь бэенүүд уулын мяхаша шубуудай, зэрлиг арьяатанай хүнэһэн болохо. Зундаа шубууд тэдэниие тоншохо, үбэлдөө ан гүрөөл зулгаан эдихэ.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Ерэмияа 19:7

Иудын хан түрын болон Иерусалимай улад зоной бүхы түсэбүүдые энэ газар дээрэ һандаргаажа, дайсадтань тэдэниие диилүүлхэб, байлдаануудта алуулхаб. Тэдэнэй хүүрнүүдые тэнгэриин шубуу шонхорто болон зэрлиг амитадта хүнэһэн болгон үгэхэб.

Ерэмияа 21:6

Би энэ хотын ажаһуугшадые, хүн болон амитадые, хамаагүй хюдахаб. Тэдэ ехэ зуд тахалһаа боложо үхэхэ.

Ерэмияа 25:33

Тэрэ үдэр Эзэндэ хюдагдаһан зоной бэенүүд дэлхэйн нэгэ захаһаа нүгөө хүрэтэр таранхай хэбтэхэ. Хэншье тэдэнэй хойноһоо гашуудахагүй, тэдэниие суглуулхагүй, хүдөөлүүлхэгүй. Газарай хүрьһэн дээрэ үтэгжүүл мэтэ тэдэ хэбтэхэ.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 34:20

Алахаяа һанаһан дайсадайнь һабарта тэдэниие дамжуулхаб. Һэенүүдынь шубуу шонхорой, зэрлиг амитадай хүнэһэн болохо.

Ерэмияа 36:30

Би, Эзэн, шамда, Иудын Ёякиим хаанда, иигэжэ айладхал буулганаб: Давидай хаан шэрээ эзэлхэ хүбүүгүй байхаш. Үхэһэн бэетнай газаа хаяатай, үдэрэй халуунда, һүниин хүйтэндэ хэбтэхэ.

Ерэмияа 44:12

Египедэй орон нютаг руу ошожо ажаһуухаяа һанааша Иудын хан түрын үлэһэн зон Египедэй газар дайдада хосорхо: бага, ехэшье зон дайн дажарта туража үхэхэ. Үзэмжэгүй муухай тэдэ болохо, зон тэдэниие баһаха, нэрыень хараал мэтээр дурдадаг болохо.

Ерэмияа 44:27

Таанадай һайн байха бэшэ, һандаргагдаха тухай Би оролдохоб. Египедэй орон нютагта байгааша таанад, иудейнүүд, бултадаа һалатараа дайн дажарта гү, али үбшэ хабшанһаа хосорхот.

Ерэмияа 7:33

Эдэ зоной һэенүүд тэнгэриин шубууд болон газарай арьяатанай эдишэ болохо. Тэдэниие үргөөхэ хүн олдохогүй.

Ерэмияа 9:22

Зоной һэе хүүрнүүд задагай талмайнууд дээрэ шэбхэ мэтэ хэбтэхэ, таряа хадагшын һүүлээр хэнэйшье суглуулхагүй таряанай боолтонууд мэтэ. Эдэ үгэнүүдые минии соносхохые Эзэн захираа».

Гашуудал 4:9

Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Цэпаанияа 1:17

Эзэн иигэжэ айладана: «Зониие хашан зобооходом, тэдэ һохор мэтэ тэмтэрэн ябадаг болохо. Тэдэ Минии урдаһаа нүгэл хээ, тиимэһээ шуһаниинь уһан мэтэ адхагдаха, үхэһэн бэень шабааһан мэтэ шобторогдохо».

Хуули дабталга 28:22

Эзэн таанадые уушханай ханяадан, хумхаа үбшэн, халууралга, хабдараар нэрбүүлэн сохихо, ган гасуур, хуурай һалхи эльгээжэ, ургасыетнай һалгааха. Таанадай хосортор эдэ үбшэнгүүд хойноһоотнай дахан ябаха.

Хуули дабталга 28:26

Таанадай һэенүүд шубуу шонхорой, ан гүрөөлэй хүнэһэн болохо, тэдэниие үргөөхэ хүн байхагүй.