Ерэмияа 16:18 - Библи

¹⁸ Минии газар нютагые бузарлаһанайнь түлөө Би эгээл түрүүн тэдэнэй гэм зэмэ, нүгэлые дабхар түлүүлхэб! Һэе хүүр мэтэ амигүй, жэгшүүрилтэ шүтөөнүүдээрээ, худал хуурмаг бурхадаараа тэдэ газарыем дүүргээ.

Ерэмияа 16:18 Referencias Cruzadas

Псалманууд 106:38

Тэрэ тэдэниие юрөөнэ, иигэжэ тэдэ угаа олон болоно, малайнь тоошье бага бэшэ.

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 40:2

Иерусалимай зонтой эелдэр зөөлэнөөр хөөрэлдэгты. Тэдэнэй зобохо-тулиха саг дүүрээ, нүгэл хилэнсэгынь арюудхагдаа гэжэ хэлэгты. Бүхы нүгэлэйнь түлөө тэдэниие Би хоёр дахин ехээр хэһээгээб».

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 65:6

Би тэдэниие яажа хэһээхэеэ бэшэжэ абанхайб. Дуугай байхагүйб, хэһэн хэрэгэйнь түлөө үһөөгөө абахаб.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 17:18

Хойноһоом мүрдэгшэдэй нэрыень хухалыт, харин намайе дүмөөрэйт, Эзэмни. Тэдэниие һүрдөөн айлгыт, харин намайе бү һүрдөөгыт. Тэдээндэ гай зоболон асаржа, тэһэ биса сохиит!

Ерэмияа 2:7

Би таанадые үрэжэлтэй һайхан газарта асаржа, тэрэнэй үрэ жэмэсээр хоолложо байхыетнай хүсөө һэм. Гэбэшье таанад Минии газар нютагые бузарлабат. Минии хубитые таанад жэгшүүритэй зүйл болгобот.

Ерэмияа 3:9

Тэрэ эшэхэеэ мэдэхэгүй, газар нютагые бузарлажа, модо шулуунда мүргэн забхайрба.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 7:30

Иудын улад зон Минии хараһаар байтар муу муухай юумэ үйлэдөө. Минии нэрээр нэрлэгдэдэг үргөө соо тэдэ өөһэдынгөө шүтөөнүүдые табиба. Тиигээд тэрэ үргөө бузарлагдаа.

Эзэкээл 11:18

Тэдэ бусахадаа, тэрэ газарһаа жэгшүүритэй муухай онгонуудые үгы хэн хаяха.

Эзэкээл 11:21

Харин жэгшүүритэй муухай онгонуудта мүргэдэг зониие хэһээхэб. Энэ болбол Би, Эзэн Бурхан, айладхана мүн!

Эзэкээл 36:18

Тэдэ алалсаа хюдалсаа үйлэдөө, онгонуудта мүргөө, иигэжэ газар бузарлаа болоно. Тиимэһээ Би тэдээндэ угаа ехээр уурлажа,

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Левит 26:30

Тахилай үндэр газарнуудыетнай һандаргаахаб, нангин баханануудыетнай эбдэхэб. Танай үхэһэн бэенүүдые бутархай һүлдэ хүрэг дээгүүртнай тараахаб. Үнэнхэ зүрхэнһөө Би таанадһаа жэрхэхэб.

Михей 2:10

Бодожо, эндэһээ ябагты. Энэ газарта амгалан тайбан таһалдаа. Таанадай хэһэн нүгэл энэ газарые аймшагтай һандаралда хүргөө.

Гэршэлгэ 18:6

Тэрэ ниислэлые хэһэн үйлэйнь хэмжээгээр хэһээгты, хэһэн үйлэ хэрэгүүдэйнь түлөө хоёр дахин хатуугаар хэһээгты, хоёр дахин хатуу үзэмэй дараһан архи тэрэнэй аяга руу хэгты!