Ерэмияа 16:16 - Библи

¹⁶ Эзэн тунхаглана: – Үзөөрэйгты, олон загаһашадые Би эльгээхэб. Тиихэдэм, тэдэ зониие губшан бариха. Удаань олон ангуушадые эльгээхэдэм, тэдэ хада уула, гүбээ бүхэнһөө, хабсагайн забһарнуудһаа зониие агнан намнаха.

Ерэмияа 16:16 Referencias Cruzadas

Эхин 10:9

Эзэнэй туһаар тэрэ ехэ ангуушан болоо. Тиимэһээ зон иигэжэ хэлсэдэг: «Эзэнэй үршөөл хайратай мэргэн ангуушан Нимроод мэтэ».

Исай 2:21

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хабсагайн хабшал руу, хадын агынууд руу хорохо.

Исай 7:19

Дайсад ерэжэ, эзэгүй хооһон хүндыгөөр, хабсагайн хабшуу газараар, үүргэнын һөөгүүдөөр болон бүхы уһатай газарнуудаар буудаллан буужа эзэлхэ.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 4:29

Мориндо мордоһон зоной ба харбаашадай дуу шууяанһаа хотын зон бултадаа тэрьедэхэ. Зариман ой шугы руу гүйхэ, нүгөөдүүл хада руу абирха. Хото бүхэн орхигдожо, тэндэ нэгэшье хүн үлэхэгүй.

Ерэмияа 49:5

Хаа-хаанаһаатнай аюул таанадта табихаб. Бултадаа таанад тэрьедэн гүйлдэхэт. Хүн бүхэн өөрынгөө ами наһа аршалан гүйхэ, хэншье таниие дахин суглуулжа шадахагүй.

Ерэмияа 6:9

Түмэн Сэрэгтэ Эзэн үшөө иигэжэ хэлэбэ: – Бүхы алим жэмэсээ абхуулһан үзэмэй модон мэтэ Израиль болохо. Тиимэһээ ши үрдижэ, гараа мүшэр руу һарбайгыш.

Гашуудал 4:18

Тэдэ алхам бүхэнииемнай отожо байгаа, гэрһээ гарахаа айнабди! Үхэл дүтэлжэ байна, үдэрнүүднай дууһаа! Үхэлнай ерээ!

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Һошээ 10:10

Дураараа Би тэдэниие хэһээхэб. Бусад арадууд урдаһаань тулаха, дабхар гэм хэһэнэй түлөө тэдэ баригдаха.

Амоос 4:2

Эзэн Бурхан арюун сэбэр нэрээрээ тангариглаа: Үзөөрэйгты, ээлжээнтнай ерэхэ даа, таанарые дэгээгээр, үхи хүүгэдыетнай хахууляар татан шэрэн абаашаха!

Амоос 5:19

Хүнэй арсаланһаа зугадан гүйжэ байхада урдаһаань баабгай дайралдаһандал, гэр руу гүйжэ ороод, ханада гараараа хүрэхэдэнь, могой тэрэниие хадхаһандал,

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Цэпаанияа 1:12

Тэрэ сагта Би дэн абаад, Иерусалимые нэгжэн харахаб. Сайн шаара мэтэ үлдөөсөөрөө сэдьхэлээ ханаад һуугааша, «Эзэн һайншье, муушье юумэ хэдэггүй» гэжэ һанажа байгааша зониие Би хэһээхэб.

1 Хаан түрэнүүд 24:11

Үнэндөө мүнөөдэр энэ агы нүхэндэ Эзэнэй таниие минии гарта үгэжэ байһые мүнөө та харанат. Зарим зоной таниие алая гэжэ хэлээшье һаань, би таниие хайрлажа, «Би өөрын эзэндэ гар хүрэхэгүйб, юуб гэхэдэ, тэрэ хадаа Эзэнэй тоһолһон хүн» гэжэ хэлээ бэлэйб.

1 Хаан түрэнүүд 26:20

Эзэнэй оршонһоо холо минии шуһа газарта бү урдахуулыт! Ушар гэбэл, Израилиин хаан уулада торхируу шубуу агнажа байһантай адли ганса булуудха бэдэрхэеэ гараа ха юм даа, – гэжэ хэлэбэ.