Ерэмияа 16:12 - Библи

¹² Таанад үбгэ эсэгэнэрһээ үшөө муу юумэ хээт. Таанад үсэд, муу зантайт, Минии үгэ дууланагүйт.

Ерэмияа 16:12 Referencias Cruzadas

Эхин 6:5

Түби дэлхэй дээрэ хүн зоной муу үйлэ хэдэгые, мүн тэдэнэй хүсэл һанааньшье буруу шэглэлтэй гэжэ Эзэн харахадаа,

Эхин 8:21

Эзэндэ энэ үнэр ехэ һайшаагдажа, Тэрэ иигэжэ шиидэбэ: – Саашадаа Би хүнэй түрэлхиин муу шанар, хара һанаанда голхорон, хүрьһэтэ газарта хараал шэнгээхэеэ болёоб. Дахин Би хэзээшье амиды амитадые иимэ аргаар усадхахагүйб.

Экклезиаст 8:12

Нүгэлтэ зуу дахин нүгэл үйлэдөөшье һаа, ута наһа наһалдаг ушар байдаг, гэбэшье Бурханһаа түбэгшөөн, Тэрээндэ һүгэдэгшэнь юунһээшье үлүү гэжэ мэдэнэм.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Ерэмияа 13:10

Энэ муу арад зон Минии үгэ дууланагүй. Тэдэ үсэд зантай, ондоо бурхадта шүтэн мүргэнэ, ондоо бурхадые хүндэлнэ, урдань һүгэдэн унана. Тиимэһээ тэдэ болбол энэ ямаршье хэрэггүй бүһэдэл адли болохо.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Ерэмияа 18:12

Теэд тэдэ: «Үгы даа! Бидэ һанаһаараа юумэ үйлэдэхэбди, үсэд, муу байһаараал байхабди», – гэжэ хэлэхэл.

Ерэмияа 22:28

Би хэлэбэб: «Ехонияа хаан хаясаанай, хэндэшье хэрэггүй бутарһан шабар амһарта мэтэ болоо юм гү? Юундэ тэрэ болон уг удамынь баряанда туужа абаашагдан, өөһэдэйнь мэдэхэ-танихагүй газар нютаг руу зайлуулагдаба гээшэб?»

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Ерэмияа 7:26

Теэд таанад Минии үгэ дуулаагүйт, шэхээ табяагүйт, үсэрхэжэ, үбгэ эсэгэнэрһээ бүри муу болоот.

Ерэмияа 9:14

Харин үсэрхэжэ, үбгэ эсэгэнэрэйнгээ һургаһанай ёһоор Баалда мүргэн-шүтэн байба.

Гашуудал 5:7

Эсэгэнэрнай нүгэл хээ, тэдэ мүнөө үгы. Харин бидэ гэмэйнь түлөө хэһээгдэжэ байнабди.

Эзэкээл 20:30

Үбгэ эсэгэнэрэйнгээ жэшээ дагажа, жэгшүүрилтэ муухай онгонуудтань юундэ мүргэнэбта гэжэ Намайе, Эзэн Бурханиие, айладхана гээд Израилиин улад зондо дуулга.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Малаахи 3:7

Анханһаа таанад минии хуули сахяагүйт. Танай үбгэ эсэгэнэршье Минии захяа заабари сахихаяа болёо һэн. Нам тээшэ бусажа ерэгты, Бишье таанадта бусажа ерэхэб» гэжэ Түмэн Сэрэгтэ Эзэн айладажа байна. «Бидэ яажа бусан ерэхэ болонобибди?» гэжэ таанад асуужа болохот.

Марк 7:21

Досоотнай, һанаа зүрхэндэтнай нүгэлтэ хүсэлэнгүүд түрэжэ, таанадые ташаяангы ябадалда хүргэдэг, хулгай хүүлэдэг, алаха хюдаха,

Хуули дабталга 29:19

Энэ хараал шэрээл дуулажа, хэн нэгэн досоогоо бардамлажа, «Һанаһаараа юумэ саашадаашье хэжэ байхаб, муу юумэн намда хүрэхэгүй» гээд һанажа болохо. Теэд иимэ хүнһөө боложо, ондоошье зон муу юумэндэ дайрагдажа магад.

Хуули дабталга 9:27

Абраһаам, Исаак, Яков гэдэг өөрынгөө богоолнуудые ой ухаандаа оруулыт. Энэ арадай үсэдые мартыт, тэдэнэй буруу байдал, нүгэл шэбэл хэһыень бү тоогыт.

Тимофейдэ 2-дохи 3:13

Харин хара һанаатай, мэхэшэ зон бусад зониие эндүүрүүлхэ, өөһэдөөшье эндүүрэн бүри муу муухай юумэ үйлэдэжэл байха.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Ударидагшад 2:19

Теэд ударидагшын үхэхэдэ, тэдэнэр өөһэдынгөө үбгэ эсэгэнэрһээ бүри ехээр нүгэл хэжэ, хуурмаг бурхадта шүтэдэг ба үргэл мүргэл хэдэг болошобо. Тиигэжэ тэдэ израильшууд үсэрэлдэжэ, сэхэ сэбэр замһаа гараад, нүгэлтэ зам руу зорибод.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.