Ерэмияа 15:3 - Библи

³ Би, Эзэн, тэдээндэ дүрбэн янзын гай тодхор ушаруулхаб: тэдэ дайнда алуулагдаха, һэеыень нохойнууд шэрэхэ, огторгойн шубууд болон газарай арьяатан тэдэниие хүнэһэлжэ һалгааха.

Ерэмияа 15:3 Referencias Cruzadas

Псалманууд 68:23

Тэдэнэй урда байгааша эдеэнэй шэрээнь тэдэндэ занга болог лэ, амгалан тайбан хоол барилгань урьха болог лэ.

Исай 18:6

Алуулһан зонойнь бэенүүд уулын мяхаша шубуудай, зэрлиг арьяатанай хүнэһэн болохо. Зундаа шубууд тэдэниие тоншохо, үбэлдөө ан гүрөөл зулгаан эдихэ.

Ерэмияа 12:9

Мяхаша шубуудта тойруулан тоншуулжа байһан эреэ-маряан шубуун мэтэл шэлэһэн арадни. Ябажа, талын бүхы арьяатаниие суглуулагты! Ерэг, залгиха юумэн олдохол.

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 7:33

Эдэ зоной һэенүүд тэнгэриин шубууд болон газарай арьяатанай эдишэ болохо. Тэдэниие үргөөхэ хүн олдохогүй.

Гашуудал 3:11

Тэрэ намайе төөрюулээ, харгыһаам хадууруулаа, намайе гансаарым хаяа!

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 33:27

Би, Эзэн Бурхан, Өөрөөрөө тангаригланаб: һандарһан хотонуудаар ажаһуугша таанад дайн дажарта алуулхат, хүдөө талаар ажаһуугшадтнай ан арьяатанай хүнэһэн болохо, агы нүхэндэ, хабсагай хадаар амидарагшадтнай тахал үбшэнһөө үхэхэ.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Левит 26:25

Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.

Амоос 5:19

Хүнэй арсаланһаа зугадан гүйжэ байхада урдаһаань баабгай дайралдаһандал, гэр руу гүйжэ ороод, ханада гараараа хүрэхэдэнь, могой тэрэниие хадхаһандал,

Хуули дабталга 28:26

Таанадай һэенүүд шубуу шонхорой, ан гүрөөлэй хүнэһэн болохо, тэдэниие үргөөхэ хүн байхагүй.

Хуули дабталга 32:24

Тиихэдэ тэдэнэр гэдэһээ үлдэн, мүн үбшэ хабшанһаа гээгдэхэ. Би урдаһаань зэрлиг арьяатанай шүдэ, могойн хоро эльгэхэб.

Гэршэлгэ 6:8

Харан гэхэдэмни, сунхигар сагаабтар морин байба. Дээрэнь Үхэл һууба, тэрэниие дахаад, Үхэлэй орон ябаба. Газар дэлхэйдэ һуугаашадай дүрбэнэй нэгэ хубиие һэлмэ жадаар, үлэсхэлэн хооһон байдалаар, үбшэн тахалаар, ан арьяатанаар алуулха хюдуулха эрхэ засаг Үхэлдэ, Үхэлэй орондо олгогдобо.