Ерэмияа 15:10 - Библи

¹⁰ Ямар аза талаангүй хүн гээшэбиб! Юундэ эжымни намайе энэ алтан дэлхэй дээрэ түрөө гээшэб! Газар дэлхэйн хүн бүхэнтэй хэрэлдэхэ, арсалдаха хубитайб! Би хүндэ зээлеэр мүнгэ үгөөгүйб, хүнһөө зээлеэр абаашьегүйб. Харин хүн бүхэн намда хараал шэрээл табиха юм.

Ерэмияа 15:10 Referencias Cruzadas

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

3 Хаан түрэнүүд 22:8

Израилиин хаан Ёшапаадта: – Эзэнэй харюу дамжуулан хэлэдэг үшөө нэгэ хүн биил даа, теэд би тэрээндэ дурагүйб, юуб гэхэдэ, тэрэ нам тушаа гансал муугаар уридшалан хэлэдэг, һайн юумэ хэлээгүй. Имлаагай хүбүүн Михай гээшэ, – гэбэ. Ёшапаат тэрээндэ: – Үгы, хаан, тиигэжэ бү хэлыш, – гэбэ.

Псалманууд 15:5

Эзэн болбол уг залгамжалха хубим, ундамни мүн. Та минии хуби заяае баряад байнат.

Псалманууд 69:4

Намда «Ха, ха!» гэгшэд эшхэбтэр байдалда орон, буруу хараг!

Египедһээ гаралга 22:25

Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

Һургаал 26:2

Борбилоогой буршагад гээд үгы болоһонтой, хараасгайн шуумар ниидэжэ арилһантай адли шалтагаангүй хараал хүсэдэггүй.

Ерэмияа 15:20

Тиигээд Би шамайе энэ арад зоной урдаһаа бүхэлэгдэһэн гуулин хэрэм мэтэ болгон табихаб. Тэдэ урдаһаашни хэды тулаашье хадаа, шамайе диилэхэгүй. Би шамтай хамта байхаб, шамайе абархаб, аршалхаб.

Левит 25:36

Тэрэнэй ургаһан юумэнһээ, ашаг олзобориһоонь бү аба, өөрынгөө Бурханһаа ай. Аха дүүнэршни шамтай хамта ажаһууг.

Левит 25:37

Мүнгэеэ түрэсэтэйгөөр бү үгэ. Ашаг олзо олохо зорилготойгоор эдеэ бү үгэ.

Аввакуум 1:3

Юундэ Та намда гэм бурууе үзүүлжэ, юундэ бузар муухайе харуулнат? Хэрзэгы ааша болон хүсэрхэл урдамни үзэгдэнэ, хуули хазагайруулха, добтолон орохо ябадал бүри олошорон байнал.

Матвей 24:9

Тэрэ үедэ таанарые барижа хааха, тамалха, алаха. Минии түлөө таанадые бүхы арадууд үзэн ядаха.

Матвей 5:44

Харин Би мүнөө танда иигэжэ хэлэхэб: дайсадтаа дуратай байгты, таниие хашагшадай түлөө зальбаржа байгты.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Лука 6:22

Хүн түрэлхитэнэй Хүбүүнһээ боложо таанадые хүнүүдэй үзэн ядажа, доромжолоошье һаань, мүргэлэй гэрһээ намнаашье һаань, үнэн нэрыетнай гутаагаашье һаань, таанад жаргалтайт.

Хэрэгүүд 28:22

Гэбэшье өөрынтнай һанамжа бидэ дуулаха дуратай байнабди, юуб гэхэдэ, һүзэглэгшэдэй энэ бүлгэм хаа хаанагүй арсалдаа гаргадаг гэжэл бидэ мэдэнэбди.