Ерэмияа 14:7 - Библи

⁷ Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 14:7 Referencias Cruzadas

Эзраа 9:15

Израилиин Эзэн Бурхан! Энэрхыт даа манаа. Бидэ гэм зэмэтэ ябадалнуудһаа гүйсэд һалажа шадаашьегүй һаа, мүнөөдэр болотор амиды үлэһэн хадаа энээнһээ хойшо Танайнгаа урда зүб замаар ябаһайбди даа.

Псалманууд 115:1

«Ехээр зобожо һалааб» гэжэ би хэлээшье һаа, этигэһэн зандааб.

Псалманууд 25:11

Харин би үнэн сэхээр ябанам, намайе абарыт, хайрлыт!

Псалманууд 79:9

Египедһээ Та уһан үзэмэй мүшэр асараат, бусад арадуудые үлдөөд, тэрэнээ һуулгаат.

Исай 48:11

Өөрынгөө аша туһада Би эдэ бүгэдые хэнэб, Өөрынгөө нэрэ бузарлуулхагүйб! Өөрынгөө алдар солые хэнтэйшье хубаалдахагүйб, энэ болбол гансал Минии байха ёһотой!

Исай 59:12

Эзэн Бурхамнай, Танай урдаһаа маанадай хэһэн гэм зэмэ олон, манай нүгэлнүүд өөһэдыемнай муу болгон гэршэлнэ. Бидэ тэдэниие һайн мэдэнэбди.

Ерэмияа 10:19

Оо, ямар үбшэнтэйб! Би зобошооб. Минии шарха эдэгэшэгүй. Харин би «энэ үбшэн тэсэжэ шадахаб» гээд һанаа һэм.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 5:25

Танай гэм зэмэһээ боложо эдэ бүгэдэ таанадһаа буруу хараба, нүгэлтнай дэмбэрэлтэй һайн юумые танһаа холодуулба.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Ерэмияа 8:14

Зон һабир-шэбэр хоорондоо хөөрэлдэнэ: – Юундэ бидэ амгалан һуужа байнабибди? Суглараад, бүхэлэлтэтэй хотонууд руу ошожо, тэндэ амгалан байдал амжаял! – Эзэнэй урдаһаа нүгэл үйлэдэһэндэмнай Тэрэ маанадай үхэхые тодорхойлоо, хоротой уһа уухыемнай үгөөл!

Ерэмияа 8:5

Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Эзэкээл 20:14

Гэбэшье Израилиин улад зониие Египедһээ гарган абаашажа байһыем хараһан үндэһэ яһатадай урда Нэрэеэ гутаахагүйн тула Би тиимэ юумэ хээгүйб.

Эзэкээл 20:22

Гэбэшье тиибэгүйб. Египедһээ Израилиин улад зониие гарган хүтэлжэ ябаашыем хаража байһан үндэһэ яһатадай урда нэрэ хүндэеэ бузарлахагүйн тула Би бэеэ баряа һэм.

Эзэкээл 20:9

Теэд Би тиибэгүйб, юуб гэхэдэ, тэдэнэй хажуугаар тиихэдэ ажаһуугааша үндэһэ яһатадай дуулаһаар байтар Израилиие Египет орон нютагһаа гаргахаб гэжэ соносхоо бэлэйб. Нэрэеэ гутаахагүйн тула Би тиимэ юумэ үйлэдэбэгүйб.

Һошээ 5:5

Израилиин зоной дээрэлхүү зан өөһэдтэнь мууе хэнэ. Хэһэн нүгэлһөө боложо Израиль бүдэрэн унаха, Иудашье тэрээнтэй хамта унаха.

Һошээ 7:10

Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй.

Амоос 7:2

Таршаа шумуул дэлхэйн бүхы ургамал эдижэ һалгаахадань, би иигэжэ зальбарааб: «Эзэн Бурхан, үршөөгыт! Яковай үри һадаһан амиды мэндэ үлэхэ гээшэ гү? Тэдэ угаа үсөөн шуу».

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.

Эфесэйхиндэ 1:12

Христоосто найдаһан түрүүшын хүнүүдэй дунда байһан хадаа Тэрэнээр алдаршуулжа байял!

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Хуули дабталга 32:27

Теэд дайсадынь юун гээд һанахаб гэжэ мэдэнэб. „Эзэн Израилиие хюдаа бэшэ, энэ хадаа бидэ өөрынгөө асари ехэ хүсөөр тэдэниие диилээбди“, – гэжэ дайсадынь буруу ойлгохол».

Нүүнэй Иисүүс 7:9

Ханаһаан оронойхид ба газар дэлхэйн бүхы зон дуулаад, манай нэрые газар дээрэһээ усадхахал. Тиихэдэнь Танай агууехэ нэрэ нэрлүүлхэдэ Та юу хэхэбта?