Ерэмияа 14:3 - Библи

³ Ноёдойнь зарасанараа уһанда ябуулхадань, уһа нөөсэлдэг газар руу тэдэнь ошобошье, уһа олонгүй, хооһон һабатай бусажа ерэнэ. Эшэнхэй, доромжолуулагдаһан, нюураа бүглэн тэдэ байна.

Ерэмияа 14:3 Referencias Cruzadas

2 Хаан түрэнүүд 15:30

Давид Элеон хада өөдэ үгсэхэдөө, толгойгоо бүглэн, уйлан, хүл нюсэгэн ябаба. Мүн тэрээнтэй хамта байһан бүхы зон толгойгоо бүглэн, уйлан ябаа һэн.

2 Хаан түрэнүүд 19:4

Хаан нюураа бүглөөд, шангаар: – Минии хүбүүн Абшалоом! Абшалоом, хүбүүмни, хүбүүмни! – гэжэ орилжо байгаа.

3 Хаан түрэнүүд 17:7

Нэгэ хэды сагай удаа тэрэ горхон хаташаба, юуб гэхэдэ, тэрэ нютагта бороо ороогүй шуу.

4 Хаан түрэнүүд 18:31

Хэзэкияагай хэлэхые бү шагнагты!» Хотоһоо гаража, бэеэ тушаагты гэжэ Ассириин хаан захирна! Таанадай хүн бүхэн өөһэдынгөө уһан жэмэсэй эшын, инжир модоной жэмэсүүдые эдихэт, өөһэдынгөө худагай уһа уухат.

Эстээр 6:12

Удаань Мордохай ордоной хаалганууд тээшэ һөөргөө бусаба. Һамаан тиихэдэ уруу-дуруу юумэн, нюураа бүглөөд, гэр тээшээ ошоо бэлэй.

Иоов 6:20

Губиин элһэн соо үгы болоһон уһа горхондо найдаһандаа тэдэ сүхэрөө.

Псалманууд 40:14

Израилиин Эзэн Бурхан хэтын хэтэдэ юрөөлтэй! Болтогой! Болтогой!

Ерэмияа 14:4

Бороогой орохогүйдэ газар гандан хахаранхай. Таряашад сүхэрэнхэй, хүнэй нюур харахаяа эшэнэ.

Ерэмияа 15:18

Юундэ минии үбшэн болиногүйб, шархамни эдэгэнэгүйб? Юундэ тэрэ эдэгэхэгүйб? Та үнэхөөр найдажа болохогүй уһандал, шэргэдэг горхондол адли намда боложо, урмыем хухалха гээ гүт? – гэбэб.

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 2:37

Эшэһэндээ нюураа бүглэн, Египедһээ гарахат. Би, Эзэн, танай найдажа байһан эдэ улас оронуудһаа буруушаан татагалзааб, тэдэ танда туһалхагүй.

Ерэмияа 20:11

Теэд Та, Эзэмни, хүсэн түгэс баатартал, намтай хамта байнат. Тиимэһээ намайе мүрдэгшэд бүдэржэ, намайе диилэжэ шадахагүй, нэрээ хухарха, зориһоноо бэелүүлжэ шадахагүй. Нэрээ гутааһаниинь хэтэ мүнхэдөө мартагдахагүй!

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Гашуудал 4:4

Ангажа, нарай нялха хүүгэнэй хэлэн тангалайдаа няалдана. Багашуул эдеэ хоол гуйна, харин хэншье тэдээндэ үгэхэгүй юм.

Һошээ 2:3

Үгы һаань, Би тэрэниие анха мүндэлһэн үдэртэнь адляар шараа нюсэгэлжэ, газаашань гаргахаб. Сүл губидал адли үрэжэлгүй хооһон болгожо, ангаан-хатаан алахаб.

Ёһээл 1:20

Зэрлиг ан арьяатан Танда баһал хандана. Ушарынь хадаа гол горхонууд уһаяа татажа, хээрын ногоон галда абтаба.

Амоос 4:7

Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.

Амоос 4:8

Хоёр-гурбан хотонуудай улад зон уһа бэдэрэн, хүршэ хото руу ябаад үзөө, теэд тэндэшье уһан элбэг байгаагүй. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Захарияа 14:17

Түмэн Сэрэгтэ Эзэндэ мүргэхэеэ Иерусалим хотодо ерээгүй аймаг угсаатанай газарта хура бороо орохогүй.