Ерэмияа 14:22 - Библи

²² Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 14:22 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 17:14

Израилиин Эзэн Бурханай айладаһанай ёһоор, Эзэнэй газар руу бороо эльгэтэр аяга соо гурил ба оливын тоһон дууһахагүй!

3 Хаан түрэнүүд 18:1

Олон сагай үнгэрһэнэй удаа, ган гасуурай гурбадахи жэлдэ Эзэн Элияада иигэжэ айладаба: – Ошожо, Ахаабтай уулза. Би энэ нютаг руу бороо оруулхаб.

3 Хаан түрэнүүд 8:36

Та огторгойн уудамһаа Израилиин арад түмэниие, Өөрын зарасанарые дуулажа, нүгэлыень хүлисыт, ябаха арюун харгы замыень заажа үгыт, тиигээд үе дамжан эзэлхэ гэжэ Танай үгэһэн газар дайдадань бороо хура эльгээгыт!

Иоов 5:10

Тэрэ газар дэлхэй дээрэ хура бороо оруулна, таряалан дээрэ уһа эльгээнэ.

Псалманууд 135:7

Агууехэ дэнгүүдые бүтээгшэ Тэрээндэ. Юуб гэбэл, энэрэл хайрань хэтэ мүнхын.

Псалманууд 147:8

Тэрэ Яковта үгэеэ, хуули ба тогтоолнуудаа Израильда тунхагладаг.

Псалманууд 25:3

Танай энэрэл хайра урдам эли тодо, Танда үнэн сэхээр ябанам.

Исай 30:18

Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 30:23

Орооһо тариха бүхэндэтнай Эзэн бороо хура эльгэжэ, баян ургаса үршөөхэ. Малтнай һайн бэлшээритэй байха.

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Ерэмияа 10:12

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Ерэмияа 10:13

Абяа гарахадань, тэнгэриин уһан хүржигэнэнэ, газар дэлхэйн адагһаа Тэрэ үүлэнүүдые хөөрүүлнэ, аадар бороогой үедэ сахилгаа түхөөнэ, агуулануудһаа һалхи эльгээнэ.

Ерэмияа 10:15

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 10:3

Эдэ арадуудай шажан мүргэлынь юуншье бэшэ. Ой соо модо отолоод, модошо дархан һүхөөр тэрэниие болбосоруулна.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 5:12

Израилиин болон Иудын зон Эзэниие буруушаажа, иигэжэ хэлээ: «Тэрэ үгы! Гай гасалан бидэнтэй ушархагүй, дайн дажар, үлэсхэлэн хооһон байдал үзэхэгүйбди».

Ерэмияа 5:24

Намһаа айн түбэгшөөхэ тухай бододогшьегүйт. Харин Би намартаа, хабартаа бороо саг соонь эльгээдэгби, жэл бүри таанадта ургасын хаһа үршөөнэб.

Ерэмияа 51:16

Абяа гарахадань, тэнгэриин уһан хүржигэнэнэ, газар дэлхэйн адагһаа Тэрэ үүлэнүүдые хөөрүүлнэ, аадар бороогой үедэ сахилгаа түхөөнэ, агуулануудһаа һалхи эльгээнэ.

Һошээ 2:7

Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Амоос 4:7

Үшөө гэбэл, ургаса хуряаха үе саг болотор гурбан һарын үлөөд байхада Би таанарһаа бороо татаад байгааб. Нэгэ хото руу бороо ябуулжа, нүгөө хото руунь бороо ябуулангүй байгааб. Нэгэ газарта бороо орожо байхада, нүгөө газарта бороо оронгүй, хатаа бэлэй.

Михей 5:6

Нимроодой газар Ассириие тэдэ һэлмын хүсөөр даран абаха. Ассириин сэрэгэй манай газар дайдада добтолон ороходо тэдэл маанадые абарха болоно.

Михей 7:7

Харин би намайе абардаг Эзэн Бурхандаа найдан байхаб. Бурхамни намайе дуулажа, абархал.

Матвей 5:45

Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.

Хуули дабталга 28:12

Эзэн огторгойн баян һан таанадта нээжэ, хэрэгтэй сагта танай газарта бороо хура эльгээжэ байха, хэһэн хэрэгыетнай бултыень юрөөхэ. Тиихэдэнь олон арад яһатанда урьһаар үгэжэ байхат, харин урьһаар абаха ядуу саг өөһэдтэтнай тохёолдохогүй.

Хуули дабталга 32:21

Тэдэнэр шүтөөнүүдтэ мүргэдэг боложо, Минии сухал хүргэбэ. Тэдэнь бурхад бэшэ ха юм, хэндэшье хэрэггүй юумэд. Тиимэһээ Би арад боложо бүрилдөөдүй уладаар тэдэниие атаархуулжа, тэнэг зоноор тэдэнэй уур сухал хүргэхэб!