Ерэмияа 14:2 - Библи

² – Иудын хан түрын улад хосорһон зон тухайгаа гашуудан уйлалдана. Хотонуудаарнь газар дээрэ зон уйдан хүсэгүй хэбтэнэ. Иерусалим соо улад зон Бурханһаа туһа гуйнал.

Ерэмияа 14:2 Referencias Cruzadas

Иоов 34:28

ядуу зондо дээрэлхүүгээр хандахадань, ядуушуулай орилоон Тэрээндэ дуулдадаг.

Псалманууд 144:14

Эзэн унаһан бүхэниие үндылгэдэг, һэхэрэн унагшадые бодхоодог. ע Аайин

Египедһээ гаралга 2:24

Ёолооень соносоһон Бурхан Абраһаам, Исаак болон Яковтай хэлсээ баталһанаа һанаандаа оруулба.

Исай 15:5

Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Исай 24:11

Үзэмэй дараһан архи дэлгүүрээр бэдэрээд, оложо ядахадаа, зон бархиралдана. Бүхы баяр баясхалан таһалдаа, ямаршье зугаа наадан газар дэлхэй дээр үгы болоо.

Исай 24:4

Газар зобон мүхэнэ, дэлхэй хатан мүхэнэ, дэлхэйн удамаршадшье мүхэн байна.

Исай 24:7

Үзэм жэмэсэй мүшэр хатажа, үзэмэй дараһан архишье хомор болобо. Жарган-сэнгэн байгаашад мүнөө болоходо һанаа үнөөндэ абтанхай.

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 11:11

Тиимэһээ Би, Эзэн, тэдэнэй зугадажа шадахын аргагүй гай тодхор тэдээн руу шэглүүлхэб гэжэ соносхоноб. Намһаа туһа эрин тэдэнэй хашхаралдахада, Би дуулахагүйб!

Ерэмияа 12:11

Энэнь зэлүүд хооһон, эзэгүй болоод, Минии урда уйлажа байна. Бүхы газар нютаг ханха зайдан болоо. Хэншье тэрэниие хайхарнагүй.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 18:22

Гэр байрыень дээрмэдүүлхэеэ гэнтэ зониие эльгээгыт, һүрдэн, оог хашхараан тэдэ болог лэ. Минии унахын тула тэдэ нүхэ малтаа, хүлыем тушахын тула урьха табин нюугаа.

Ерэмияа 4:28

Хосорһон зонойнгоо хойноһоо улад гашуудан уйлаха, огторгой гүн харанхы болохо. Би айладхааб, Би шиидээб, хожом тэрээн тушаа гэмшэхэгүйб, һөөргөө эрьежэ байхагүйб!

Ерэмияа 46:12

Үндэһэ яһатад шинии доройтолго тухай дуулаа. Оог хашхарааншни бүхы дэлхэйгээр сууряатаа. Хүсэтэ нэгэн нүгөөдэтэеэ нэшэлдээд, хоюулаа газар руу унабал.

Ерэмияа 8:21

Арад зонойнгоо зобоходо, зүрхэ сэдьхэлни зобоно. Уйдхартай барагар байнаб, угаа һүрдэнхэй ябанаб.

Гашуудал 2:8

Эзэн Сионой ханануудые һандаргааха гэжэ шиидээ, газартай адли болгоно, эсэхэ сусахаяа мэдэхэгүй һалгаана. Бүхэлэлтэ болон хананууд гашуудана, гай гасаланда нэрбэгдээ.

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Гашуудал 5:10

Арһамнай зуухада шаруулһандал хара, үлэсхэлэн байдал тэрэниие харлуулаа.

Һошээ 4:3

Энээнэй түлөө тус газар хэнэйшье амидархын аргагүй хооһон сүл губи болохо. Дээрэнь ажаһуугааша бүхы амитад – хээрын ан гүрөөл, жэгүүртэн, үнгэрхэдөө, загаһадшье бултадаа хосорхо туйлдаа хүрэхэ.

Ёһээл 1:10

Таряалан хооһоржо, газар гашуудана. Тариһан таряан һалажа, үзэмэй дараһан архи шэргэбэ, олива модоной шэнэ тоһон хатаба.

Ёһээл 1:11

Таряашад, гашуудагты, уһан үзэм ургуулагшад бархирагты, таряалангай шэниисэ, ешмээн усадхагдаа.

Ёһээл 1:14

Масаг сахилга тунхаглагты, ёһололой суглаа зарлагты. Ахамад болон орон нютагай хамаг зониие Эзэн Бурханай үргөөдэ суглуулжа, Эзэндэ зальбарагты.

Ёһээл 2:6

Тэдэнэй урда хүнүүд шэшэрэн һалганадаг, шэг шарайнь хүхэ сагаан болодог.

Хаггай 1:11

Ган гасуурые Би дуудааб! Газар руу – хадануудта, таряалангуудта, үзэмэй модоной сэсэрлигтэ, оливын мододто, – юрэдөө, газарай ургуулдаг бүхы юумэндэ, хүн зондо, мал адууһанда, хүнэй хэдэг бүхы ажалда.

Захарияа 7:13

«Минии дуудахада, тэдэ дуулаагүй һэн. Тэрээн шэнги харюудань тэдэнэй дуудахада, Би дуулахагүйб.

1 Хаан түрэнүүд 5:12

Үхэхэнь үхэжэ, үхөөгүй зон һэлхэ үбшэндэ баригдажа, хотын оог бархираан тэнгэридэ тулама дэгдэжэ байгаа бэлэй.

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.