Ерэмияа 14:16 - Библи

¹⁶ Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 14:16 Referencias Cruzadas

Һургаал 1:31

Тиин тэдэ өөрын үйлэһөө хэһээлтэ амсаха болоно.

Исай 51:20

Урьхада ороһон зээрэн мэтэ, гудамжын уулзуур бүхэндэ улад зоншни хүсөө баранхай хэбтэнэ. Эзэнэй уур хилэнгые тэдэ дүүрэн амасаа, Бурханайшни шангархань аймшагтай!

Исай 9:16

Удамаршадынь зоноо төөрюулхэ, гээгдэхүүлхэ.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 20:6

Шам тухай хэлэхэ болоо һаа, Пашхуур, ши гэр бүлөөрөө олзо болон Вавилоон руу баряанда ошохош. Тэндэ ши буулгаһан хуурмаг абаралнуудыешни соносодог нүхэдтэйгээ хамта үхэхэш, тэндээл хүдөөлүүлэгдэхэт», – гэжэ айладхал буулгабаб.

Ерэмияа 27:15

Тэдэниие эльгээгээгүй тухайгаа Өөрөө Эзэн тунхаглаа бэлэйл. Эзэнэй таанадые үлдэн гаргахын, таанадай үхэхын тула тэдэ зорюута Эзэнэй нэрэһээ худал үгэнүүдые соносхоно. Тиигэжэ таанад болон энэ худал үгэнүүдые хэлэгшэ лүндэншэд алуулхат.

Ерэмияа 4:18

Иудын улад зон, буруу ябадалайтнай болон буруу үйлэ хэрэгүүдэйтнай түлөө эдэ бүхы юумэн таанадтай тохёолдобо. Нүгэлтнай таанадта зоболон ушаруулба. Энэнь зүрхэ сэдьхэлыетнай хүндэн дайраба.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 7:33

Эдэ зоной һэенүүд тэнгэриин шубууд болон газарай арьяатанай эдишэ болохо. Тэдэниие үргөөхэ хүн олдохогүй.

Ерэмияа 8:1

Тэрэ үедэ Иудын хаашуулай, ноёдойнь, санаартадай, лүндэншэдэй, Иерусалимай ажаһуугшадай яһануудые зон булашаһаань гарган хаяха.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Ерэмияа 9:20

Би, Ерэмияа, хэлээ һэм: «Эхэнэрнүүд, Эзэнэй үгые шагнагты! Тэрэнэй айладхал анхарагты! Басагадаа шаналан гашуудаха ёһололдо, хүн бүхэнөө – гашуудалай дуунда һургагты.

Ерэмияа 9:22

Зоной һэе хүүрнүүд задагай талмайнууд дээрэ шэбхэ мэтэ хэбтэхэ, таряа хадагшын һүүлээр хэнэйшье суглуулхагүй таряанай боолтонууд мэтэ. Эдэ үгэнүүдые минии соносхохые Эзэн захираа».

Эзэкээл 39:14

Газар дээрэ хүдөөлүүлэгдөөгүй хэбтээшэ хүнэй һэе бэдэрхэ үүргэтэй зон долоон һарын һүүлээр томилогдохо. Газар сэбэрлэхын тула энэ хэгдэхэ.

Амоос 7:17

Тиимэһээ Эзэн иимэ айладал дуулгана: «Һамганшни янхан эхэнэр болохо, үхи хүүгэдшни һэлмээр усадхагдаха, газар хэмжэгшэ газарыеш бусадта хубаан тарааха, өөрөө ши нангин бэшэ газарта хосорхош. Израиль баряанда хариин дайда руу туугдаха!»

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Гэршэлгэ 16:1

Удаань долоон Эльгээмэлнүүдтэ хандан, Һүмэ доторһоо шангаар иигэжэ хэлэхые дуулааб: «Эндэһээ ошожо, Бурханай уур сухалай долоон аяга соохиие газарта адхагты!»