Ерэмияа 14:10 - Библи

¹⁰ Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 14:10 Referencias Cruzadas

3 Хаан түрэнүүд 17:18

Тэрэ эхэнэр Элияада: – Би танда ямар муу юумэ хээбиб? Бурханай хүн гэжэ таниие һанаалби. Харин та минии нүгэлые һануулжа, хүбүүем хюдахаяа ерэһэн байгаат, – гэбэ.

Псалманууд 95:10

«Эзэн бол Хаан!» гэжэ үндэһэтэдэй дунда хэлэгты. Юртэмсэ нээрээ бата бэхи тогтоогдонхой, ганхахагүй. Эзэн арад зониие зүб шударга ёһоор шүүбэрилхэ.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Ерэмияа 2:36

Ондоо арад зоной бурхадта мүргэжэ, өөһэдыгөө доромжолбот. Ассириин таанадые наада хараһандал адли Египедшье баһа таниие наада харахал.

Ерэмияа 3:13

Минии урдаһаа нүгэл үйлэдэжэ, зэмэтэй байһанаа, һаглагар модон бүхэн доро янхан эхэнэртэл забхайран, бусад арадуудай шүтөөнүүдтэ мүргэжэ, Минии үгэ дуулаагүй байһанаа гансал мэдэрыт. Энэ болбол Би, Эзэн, айладхана мүн!

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Ерэмияа 8:5

Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Эзэкээл 29:16

Израиль тэдэнэй туһаламжаһаа бэшэ хэзээдэшье дулдыдажа байхагүй. Тиихэдэ Египедтэ найдаһамнай буруу байгаа гэжэ Израилиин зон ойлгохо. Тиигээд тэдэ Минии, Эзэн Бурханай, эдэ бүгэдые үйлэдэһые мэдэхэ.

Һошээ 11:7

Тэдэ Намһаа буруу хараһан зандаа. Тэдэ шангабди гээд һанана, теэд энэнь туһагүй.

Һошээ 11:9

Уур сухал дундаа иимэ юумэ хэхэгүйб, Израилиин арад түмэниие усадхахагүйб, юуб гэбэл, Би хүн бэшэ, таанадай дунда арюун Бурхан гээшэб! Би хото руу орохогүйб!

Һошээ 7:13

Намһаа холодоһондоо тэдэ гай зоболон амасаха, Намһаа буруу хараһандаа тэдэ хосорхо! Минии тэдэниие абаржа байхада тэдэ Нам тушаа худал хэлэжэ байгаа.

Һошээ 7:2

Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Амоос 5:22

Түгэс шатаалта үргэлнүүдые Намда үргэнэт, теэд Би таанарай үргэл тоохогүйб. Эрхим малаа үүсэлнэт, теэд Би энээниие харахаашье һананагүйб.

Еврейнүүдтэ 8:12

Би тэдэнэй зэмые хүлисэжэ, нүгэл тухайнь дахин дурдахагүйб».

1 Хаан түрэнүүд 15:2

Түмэн Сэрэгтэ Эзэн иигэжэ айладхажа байна: «Египедһээ гараха замдань Израильда Амалээгэй добтолһон ушар Би һананаб.