Ерэмияа 13:18 - Библи

¹⁸ Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 13:18 Referencias Cruzadas

4 Хаан түрэнүүд 24:12

Иудын хаан Ехонияа Вавилооной хаанда өөрыгөө эхэтэеэ, түшэмэлнүүдтэеэ, сэрэгүүдэйнгээ дарганартай, дүтынгөө хүнүүдтэй хамта бэеэ тушааба. Энэ ушар Вавилооной хаанай наймадахи жэлээ хан түрэеэ засаглажа байхада болобо.

4 Хаан түрэнүүд 24:15

Тэрэ Ехонияае Вавилоон абаашаба. Тэрээнтэй хамта хан эхые, хаанай хатадые, дүтынь хүнүүдые, орон нютагтаа нэрэтэй солотой болоһон ноёд һайдые туужа абаашаба.

2 Угай бэшэг 33:12

Мэнашшээ зобохын ехээр зобожо, үбгэ эсэгэнэрэйнгээ Бурханай урда угаа даруу номхон боложо, Эзэн Бурхандаа эрьежэ, туһа эрижэ эхилбэ.

2 Угай бэшэг 33:19

Тэрэнэй зальбаралга, Бурханай тэрэниие анхарһаниинь, бүхы нүгэл, гэм зэмынь, номхон даруу болохын урда тээ үргэлэй газарнуудые түхеэрһэниинь, Ашэраа бурханай болон онгонуудай дүрсэнүүдые табиһан газарнуудынь Хозай гэгшын бэшэгүүд соо зураглагданхай.

2 Угай бэшэг 33:23

Харин эсэгэдээ орходоо тэрэ Эзэнэй урда номхон даруу болоогүй, бүри ехэ нүгэлнүүдые хээ.

Египедһээ гаралга 10:3

Моисей Аһароон хоёр фараондо ерээд хэлэбэд: – Эзэн, еврейнүүдэй Бурхан, иигэжэ асуужа байна: Минии урда номгорхошни хэзээ юм бэ? Намда зорюулһан үргэл тахил бүтээхыень Минии арадые табииш.

Һургаал 27:24

Энэ баялиг мүнхэ бэшэ, хаанайшье титим уг дамжан үгтэхэгүй ушар байха.

Исай 3:20

бэһэлиг, хамарай сахариг,

Исай 47:1

Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Ерэмияа 22:24

Эзэн Ёякиимэй хүбүүн, Иудын хаан Ехонияа гэгшэдэ иигэжэ айладхаба: – Би Өөрөөрөө тангаригланаб, Минии баруун гарта тамгатай бэһэлигшье байгаа һааш, Би шамайе һугалжа хаяхаб!

Ерэмияа 22:26

Би шамайе эхэтэйш хамта хариин нютаг руу сүлэхэб. Тэндэ таанад түрөөгүйт, гэбэшье тэндэ үхэхэт!

Ерэмияа 29:2

Ехонияа хаанай, тэрэнэй хатан эхын, ордоной түшэмэлнүүдэй, Иудын хан түрын болон Иерусалимай ноёдой, уран гартанай болон дархашуулай Иерусалимһаа гаргагдан туугдаһанай удаа

Ерэмияа 36:16

Уншаһанайнь удаа тэдэ бэе бэеэ мэгдэнгеэр харалсаад, «Бидэ энээн тушаа хаанда дуулгаха ёһотойбди» – гэжэ Баруухта хэлээ һэн.

Гашуудал 1:6

Сионой басаган гоё һайханаа гээгээ. Тайжанарынь бэлшээри олоогүй буганууд мэтэ, хүсэ шадалгүй болотороо гүйгээ, туугшань тэдэниие намнан хүсэжэ байна.

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Гашуудал 2:10

Сионой аха захатан шэмээгүй газарта һууна, толгойдоо үнэһэ сасаа, гашуудалай шэрүүн хубсаһа үмдөө. Иерусалимай басагад толгойгоо газар руу гунхуулаа.

Гашуудал 5:16

Толгойһоомнай титим унаа! Нүгэл хэһэнэймнай түлөө гай тодхор болоо!

Эзэкээл 16:12

Хамарай, шэхэнэй сахариг, толгойдош гоё һайхан титим бэлэглээ һэм.

Эзэкээл 21:26

Малгайгаа аба, титимээ тайла, саашадаа урда шэгээрээ юумэн байхагүй гэжэ Би, Эзэн Бурхан, захирнаб. Доогуур һууһан нэгэн дээгүүр һуудаг болохо, дээгүүр һуугааша доошолхо.

Эзэкээл 24:17

Абяагүй гашууда. Толгойгоо тэрэл зандаа боолто-малгайгаар орёожо, хүлдөө гуталаа үмдэжэ бай. Гашуудан нюураа бүглэжэ, ямбын эдеэ эдижэ бү байгаарай.

Эзэкээл 24:23

Гашуудалай тэмдэг болгон, толгой, хүл нюсэгэн ябахагүйт, гасалан уйлахагүйт. Нүгэлэйнгөө түлөө таанад гэмшэн, һанаа алдан ябахат.

Эзэкээл 44:18

Тэдэ улһан толгойн боолтонуудые, улһан дотор хубсаһа үмдэхэ ёһотой. Санаартад тэдэниие хүлэрүүлхэ ямаршье бүһэ бүһэлхэ ёһогүй.

Даниил 5:20

Теэд тэрэ бардам, дээрэлхүү боложо, хан шэрээһээ унагаагдаа, бүхы алдар суугаа алдаа бэлэйл.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Матвей 18:4

Энэ үхибүүндэ адли хэн номгон даруу болоноб, тэрэ Огторгойн хаан орондо үлэмжэ ехэнь гээшэ.

Яковай хандалга 4:10

Бурханай урда номгон даруу байгты, тиин Тэрэ таанадые дээшэнь үргэхэл.

Пётрой 1-дэхи хандалга 5:6

Тиимэһээ һүр хүсэтэй Бурханай урда даруухан байгты, тиигэбэлтнай, сагай ерэхэдэ, Бурхан таанадые дээшэнь үргэхэл.