Ерэмияа 12:6 - Библи

⁶ Аха дүүнэршни, түрэл түтимшни хүрэтэрөө шамда урбаад байна. Тэдэ шам тухай муу юумэ хэлэнэ. Һайн үгэ нюурташни хэлээшье хадань, тэдээндэ бү этигэ.

Ерэмияа 12:6 Referencias Cruzadas

Иоов 6:15

Гэхэдэш таанар хаа-яа шэргэһэн, хаа-яа үерлэһэн горхон мэтэ найдабаригүй байнат.

Псалманууд 12:2

Эзэн, хэды болотор юм бэ? Та намайе хэтэдээ мартаа юм гүт? Хэды болотор намһаа хорон байхабта?

Псалманууд 12:3

Би хэды болотор һанаагаа зобон байхабиб? Бүхэли үдэртөө зүрхэм үбдэнэ. Хэды болотор дайсадни дээгүүрни гараад байхаб?

Һургаал 23:8

Эдиһэн хоолоо бөөлжэжэ гаргахаш. Наартай үгэнүүдшни дэмыдэ хэлэгдэн үнгэрхэ.

Һургаал 26:25

Тэрэ хүнэй зөөлэн үгэдэ бү этигэ. Зосоогоо долоон жэгшүүритэ зүйл тэрэ хадагалдаг.

Исай 31:4

Эзэн намда иигэжэ айладхаа: Олон хонишодой хамта хашхаран хуугайлбашье, олзо дээрээ архирагша арсалан тэдэнһээ айдаггүй. Тэрээндэл адли Намайе, Түмэн Сэрэгтэ Эзэниие, Сион уула хамгаалхадам тогтоохо, һаад хэхэ хүсэн байхагүй!

Ерэмияа 11:19

Үүсэлүүлхээр хүтэлэгдэн ябажа байһан номхон хурьган мэтэ байгаа бэлэйб. Урдаһаамни муу юумэ дайсадай зохёожо байһые мэдээгүй һэм: «Жэмэстэйнь хамта модо отолжо унагаая, тэрэниие хюдан һалгаая, тиихэдэмнай хүрьһэтэ алтан дэлхэй дээрэ улад зон тэрээн тухай мартаха», – гэжэ тэдэ хэлсэжэ байгаал.

Ерэмияа 11:21

Анатоот хотын зон намайе алахаяа һанаа. Эзэнэй нэрэһээ абарал буулгахаяа болёогүй һаамни, тэдэ намайе алаха тухайгаа хэлээ һэн.

Ерэмияа 20:10

«Тойроод ехэ аюултай! Мүргэе! Тэрээн тухай засаг баряашадта дуулгая!» гэжэ олоной шэбэнэлдэхые би шагнааб. Минии дүтын нүхэдшье бүдэрхыем хүлеэн хаража байна: «Тэрэ мэхэдэ орожо магадгүй. Тиигээ һаань, бидэ тэдэниие диилэжэ, үһөөгөө абахабди», – гэлдэнэ.

Ерэмияа 9:2

Элһэн сүл губида аяншадай хонохо газар намда байгаа гээшэ һаань, өөрын арад түмэнөө орхижо, тэдэнһээ ошохо байгааб. Тэдэ бултадаа забхайрагшад, урбагшадай үүр гээшэл!

Ерэмияа 9:3

Татаһан һурша ном мэтэ худал хэлэтэйл тэдэ. Энэ газар нютагта худал үгэ үнэн сэхэһээ хүсэтэй болоо. «Минии арад муу муухай юумэ хойно хойноһоо үйлэдэнэ, Намайе Бурхан гэжэ тооногүй», – гээд Эзэн айладхана.

Ерэмияа 9:4

Хүн бүхэн хүршэһөө болгоомжолог, ямаршье аха дүүдээ бү этигэг. Юуб гэбэл, нэгэ ахань нүгөөдэеэ ула мүрөөрнь гүрдэнэ, хүршэнь нүгөө хүршэеэ худалаар хоблоно.

Ерэмияа 9:5

Хүн бүхэн хүршэеэ мэхэлжэ, үнэн сэхэеэ хэлэдэггүй, худал хэлэхэдээ һурамхи болонхой, нүгэл хэлгэдэ бүхы хүсэеэ зорюуланхай.

Матвей 10:21

Аха дүүнэр бэе бэеэ, эсэгэнь хүбүүгээ үхэлдэ үгэхэ; баһа үхибүүдынь эхэ эсэгынгээ урдаһаа үһөөрхэн бодожо, тэдэнээ алаха.

Марк 12:12

Иисүүсэй хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисүүсые барижа хэһээхэеэ хүсэбэ, теэд улад зонһоо айжа, Тэрэниие хүрэбэгүй.

Иоанн 7:5

Иисүүсэй аха дүүнэрыньшье Тэрээндээ этигэдэггүй байгаа.

Хэрэгүүд 16:22

Тиимэһээ сугларһан олон зон Сила Павел хоёрой урдаһаа үһөөрхэн бодобо. Захирагшад тэдэ хоёрой хубсаһа хуулан хаяжа, модоор тэдэниие хэһээгты гэжэ захирба.

Хэрэгүүд 18:12

Ахайя можын захирагшаар Галлиониие табихада, еврейнүүд хоорондоо үгэсэлдөөд, Павелай урдаһаа бодожо, тэрэниие сүүдлэхэеэ шэрэжэ асарба.