Ерэмияа 12:2 - Библи

² Һуулган тарихадатнай, тэдэ үндэһэлөө. Ургажа, үрэ жэмэсшье үгэдэг болоо. Танай нэрэ тэдэ аманһаа унагаадаггүй, гэбэшье зүрхэ сэдьхэлдээ сахидаггүй.

Ерэмияа 12:2 Referencias Cruzadas

Иоов 24:12

Хотодо усалда ороһон, үхэхэ туйлдаа хүрэгшэдэй ёолоон, туһа эриһэн мүргэл Эзэнэй анхаралда абтанашьегүй.

Иоов 5:3

Тиимэ нэгэ тэнэг баяниие хараа һэм. Һуурижажа үрдеэшьегүй байһан тэрэнэй гэрынь уданшьегүй хараалда ороо бэлэй.

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Ерэмияа 11:17

Би, Түмэн Сэрэгтэ Эзэн, Израиль болон Иудын хан түрэ байгуулааб. Харин мүнөө тэдээндэ гай тодхор ушаруулхаб гэжэ занажа байнаб. Тэдэ өөһэдөө эдэ бүгэдые өөр дээрээ татаа, юуб гэхэдэ, Баалда санзай ууюулжа, Минии уур сухал тэдэ хүргөө ха юм.

Ерэмияа 3:10

Эдэ бүгэдын удаа Иуда, Израилиин этигэл найдабаригүй эгэшэ, бүхы зүрхэ сэдьхэлээрээ Намда эрьен ерээ бэшэ, харин худал хуурмаг шэг шарай үзүүлнэ. Энэ болбол Би, Эзэн, айладхал буулгана мүн!

Ерэмияа 45:4

Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб!

Эзэкээл 33:31

Тиигээд тэдэ сугларан шамда ерэжэ, хэлэһыешни шагнана, гэбэшье соносоһоноо дүүргэнэгүй. Гансал үгэнүүд. Харин өөһэдөө тэдэ ашаг олзын түлөө мэхэлхэдээ һэншье гэхэгүй.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Аввакуум 1:13

Муу муухай юумэ, харшалалта хаража байдаггүйт. Теэд мүнөө юундэ муу муухай зониие хаража, үнэн шударга хүниие гэмтэй хүнэй диилэжэ байхадань абяа аниргүй байнабта?

Матвей 15:8

«Энэ улад зон хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй.

Марк 7:6

Иисүүс харюудань хэлэбэ: – Хоёр нюуртан! Таанар тухай лүндэншэ Исай үнэн сохомые уридшалан хэлээ һэн лэ: «Энэ улад зон хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй.

Тидтэ 1:16

Тэдэнэр Бурханиие мэдэнэбди гэдэг, харин үйлэ хэрэгүүдынь Бурханиие мэдэхэгүй байһыень харуулна. Тэдэ хүнүүд Бурханда жэрхэдэһэтэй байна. Тэдэнэр мэдэлдэ оросогүй, ямаршье һайн юумэ хэжэ шадахагүй хүнүүд юм.