Ерэмияа 12:16 - Библи

¹⁶ Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Ерэмияа 12:16 Referencias Cruzadas

Дуунай дуун 1:8

Инагни! Эмниг хангал гүүе хараад, Египедэй хаанай морин тэргын азарга моридой инсагаалдагтал хонгор шамайгаа хараха бүри хүсэл дурамни хөөрөн носоно.

Исай 2:3

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 18:8

Теэд тэрэ хэлээшэ арадаймни өөрын муу муухай хэрэгүүдһээ эрьен холодоо һаань, Би тэдээн дээрэ буулгахаар түсэблэжэ байгаа гай тодхороо болюулхаб.

Ерэмияа 3:17

Тэрэ үедэ Иерусалим Эзэнэй хан шэрээ гэжэ нэрлэгдэжэ, Намда мүргэхэеэ бүхы уласууд тэндэ сугларха. Тэдэ өөһэдынгөө муу муухай зүрхэ сэдьхэл шагнахагүй, тэрэниие дагахагүй.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Ерэмияа 5:7

Эзэн иигэжэ айладхана: Юундэ Би арад зоноо хүлисэхэ юмбиб? Тэдэ Намайе орхижо, хуурмаг бурхадаар тангаригладаг болоо. Минии тэдэниие садатар хооллуулхада, тэдэ забхайржа, янхан эхэнэрнүүдэй гэртэ үймэлдэнэ.

Ерэмияа 6:16

Эзэн өөрын арад зондо иигэжэ айладхаба: «Харгы замууд дээрэ тогтожо харагты. Урданай һайн харгынууд тушаа – Моисейн һургаал тухай һурагшалагты. Тэрэ һайн замаар зорибол, ажана амгалан ажаһуухат». Теэд тэдэ: «Үгы, зорихогүйбди», – гэлдэбэ.

Цэпаанияа 1:5

Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Римэйхиндэ 11:17

Һуулгагдаһан модоной зарим һалаануудыень таһалаад, орондонь зэрлиг оливай һалаануудые һуурижуулба ха. Бусад арадуудай түлөөлэгшэ таанад эгээл тэрэ зэрлиг оливай модотой адлит, мүнөө таанад үндэһэндэ, шэмэ шүүһэндэ баһа хабаатай болобот.

Римэйхиндэ 14:11

«Яһатан бүхэн урдамни мүргэхэ, ямаршье хэлэтэй хүн Намайе Бурхан гэжэ айладхаха, баталан тангаригланаб гэжэ Эзэн хэлэнэ», – гэжэ Нангин Бэшэг соо хэлээтэй байдаг.

Коринфынхидтэ 1-дэхи 3:9

Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.

Рүүт 3:13

Энэ һүниндөө эндээ хоноорой. Үглөө үглөөгүүр тэрэ хүн шамайе аршалалта дороо абаха һаа, абаг. Абаагүй һаань, би абахаб гэжэ Эзэнэй урда тангаригланаб! Үглөө болотор унта даа, – гэбэ.