Ерэмияа 12:13 - Библи

¹³ Минии арад зон шэниисэ тариһан аад, үрмэдүүл хуряажа абаба. Тэдэ эсэн ядараа, гэбэшье ямаршье ашаг олзо олоогүй. Өөһэдынгөө ургасаһаа тэдэ эшэг лэ! Дүлэтэһэн уур сухални иимэл!

Ерэмияа 12:13 Referencias Cruzadas

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 4:26

Обёорходом, үрэжэлтэ-жэмэстэ газар элһэн сүл губи болошоод байгаа. Бүхы хотонуудынь һандаргагданхай. Эзэнэй уур хилэн энээнэй шалтагаан болоно.

Ерэмияа 9:5

Хүн бүхэн хүршэеэ мэхэлжэ, үнэн сэхэеэ хэлэдэггүй, худал хэлэхэдээ һурамхи болонхой, нүгэл хэлгэдэ бүхы хүсэеэ зорюуланхай.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:20

Дэмы хии талаар хүсэнтнай буураха, газартнай ургаса үгэхэгүй, мододтнай үрэ жэмэс үгэхэгүй.

Михей 6:15

Таряа тарибашье, хадахагүйш. Оливын тоһо даран гаргабашье, хэрэглэжэ шадахагүйш. Үзэмэй шүүһэ дарабашье, үзэмэй дараһан архи уухагүйш.

Аввакуум 2:13

Зай, арад үндэһэтэнэй бүхы шадалаа эршэдэн ажаллаһаниинь гал дүлэндэ хосорхо, дэмы һалаха гэжэ Түмэн Сэрэгтэ Эзэн тогтоогоо бэшэ аал?

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Хаггай 1:9

Ехэ юумэ хүлеэнэт, теэд бага юумэн болоно. Гэртээ асарһан юумыетнай Би хумхаа тооһон болгохоб. «Ямар ушарһаа?» – гээд асуухадатнай, Би, Түмэн Сэрэгтэ Эзэн, иигэжэ харюу үгэхэб: «Хүн бүхэнтнай өөрын гэр шэмэглэн сүлөөгүй ажаллана, харин Минии Гэр хооһон, һандархай байна. Энээнэй түлөө!»

Римэйхиндэ 6:21

Урдань үйлэдэдэг хэрэгүүдһээ таанад юу оложо абабат? Мүнөө тэдэ хэрэгүүдһээ эшэжэ улайхаһаа бэшэ ондоо юумэн үгы, тэдэтнай таанадые үхэлдэ хүтэлжэ байгаа.

Хуули дабталга 28:38

Үрэһэ хүрэнгэ ехээр поолидо тарихаш, теэд бага ургаса суглуулхаш, юундэб гэхэдэ, тэдэниие таршаа шумуул эдихэ.