Ерэмияа 12:12 - Библи

¹² Сүл губиин нюсэгэн добо толгойгоор һүйд хэгшэд ябажа байна. Бүхы орон нютаг хюдахаяа дайн дажар үүсхэхэб. Ямаршье амитанда амгалан байдал таһалдаха.

Ерэмияа 12:12 Referencias Cruzadas

Исай 34:6

Үргэлэй хурьга ямаанай шуһа өөхэндэ адли шуһа өөхөөр Эзэнэй һэлмэ дууһан хушагдаатай байха. Эзэн иимэ үргэл, иимэ хюдалга Боцраада, Эдоомой орон нютагта хэхэеэ түсэблэнэ.

Исай 57:21

Нүгэл хилэнсэгтэй зондо ямаршье амар амгалан байхагүй». Иигэжэ Бурхамнай айладхажа байна.

Ерэмияа 15:2

Тэдэнэй шамһаа: «Бидэ хайшаа ябаха болонобибди?» – гэжэ асуухадань, Минии иигэжэ айладхажа байһые тэдээндэ дуулга: Үхэхэнь үхэл тээшээ – дайн дажарта үхэхэнь дайн дажар руу, туража үхэхэнь үлэсхэлэн хооһон руу, баряанда абтахань баряан руу ябаг!

Ерэмияа 16:5

Ерэмияа, наһа барагшые хүдөөлүүлһэн гэртэ ошохыешни Би, Эзэн, хориноб. Тиишээ ошожо, гашуудажа, шаналжа бү бай. Энэ арад түмэндэ амгалан байдал бэлэглэхэеэ болёоб, үршөөлөө, энэрэл хайраяа тэдээндэ бэшэ үзүүлхэгүйб.

Ерэмияа 25:11

Энэ бүхэли орон нютаг һандаргагдан орхигдожо, аймшагтай юумэн байха, хүршэ арадууд Вавилооной хаанда далан жэлэй туршада алба хэхэ.

Ерэмияа 3:2

Хадын нюсэгэн оройнууд руу харыш. Шинии һальхай ябадал гаргаагүй газар бии юм аал? Элһэн сүл губида амадажа байһан Арааб шэнги ши харгы замай хажуугаар янхан амарагуудаа хүлеэн һуужа, энэ газарые янхан ябадалаараа бузарлааш.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Ерэмияа 30:5

Угаа һүрдэһэн дуу Би дууланаб, амгалан тайбанай бэшэ, айһанай абяа дуу.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 4:27

Эзэн иигэжэ тунхаглана: Бүхэли газар нютаг һандаргагдан хооһорхо, гэбэшье Би бүримүһэн усадхахагүйб.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Ерэмияа 47:6

Таанад иигэжэ ёолонот: «Эзэнэй һэлмэ! Хэды болотор сабшахабши? Хуйндаа буса, амаран, номхон байгыш!»

Ерэмияа 48:2

Моһаабай магтаал солонь буураа. Дайсан Хэшбоон эзэлэн абаа. Моһаабай арад түмэниие үгы хэхэ нюуса хэлсээн ябуулагдана. Мадмээн хото абяа аниргүй болгохо, сэрэг хойноһоонь дахаад һалахагүй.

Ерэмияа 8:15

Амгалан тайбаниие хүлеэһэмнай, ямаршье һайн юумэн ерэбэгүй. Бурхан бидэниие хүлисэхэ гэжэ найдаһамнай, аймшагтай юумэн болобо.

Гашуудал 3:17

Амидарални бэлэгүй болоо, баяр гээшые би мартааб.

Эзэкээл 14:17

Хэрбээ Минии тэрэ орон нютаг руу дайн дажар эльгэжэ, аймшагта дайнай зэбсэгээр улад зониие, мал хюдажа эхилхэдэм,

Эзэкээл 21:28

Хүнэй үри Эзэкээл, лүндэн табижа, Израилиие доромжолһон Аммооной арад зон тушаа Минии, Эзэн Бурханай, айладхал тунхагла: «Һэлмэ, һэлмэ һугалаатай, сахилгаан мэтэ түргөөр алахын тула тэрэ мэлигдээтэй.

Эзэкээл 21:4

Урда зүгһөө хойто зүг хүрэтэр бүхы амитаниие һэлмэм усадхаха.

Эзэкээл 21:8

Эзэн намда иигэжэ айладхаба:

Эзэкээл 21:9

– Хүнэй үри Эзэкээл! Лүндэн табижа, һэлмэ, һэлмэ хурсадуулагдаа, мэлигдээ гэжэ зондо дуулга:

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Амоос 9:4

Дайсан тэдэниие баряанда абаашаба гэлэй, сэрэг хойноһоонь эльгээхэдэм, һэлмээр тэдэ усадхагдаха, жаргал бэшэ, гай тодхор тэдээндэ ушаруулхаяа харасаа тэдээн руу шэглүүлхэб.

Цэпаанияа 2:12

Эзэн Эфиопиин арад зониие һэлмээр сабшан усадхаха.

Хуули дабталга 32:42

годлинуудтаа шуһа һоруулхаб, Минии һэлмэ зоной мяха эдихэ, алуулһан, баряанда абтаһан зоной шуһа ууха, дайсанай удамаршадай толгойнуудые сабшаха!»

Гэршэлгэ 6:4

Тиихэдэнь ондоо, гал улаан зээрдэ морин гараба. Мори унаһан тэрэ хүндэ газар дайда дээрэхи амгалан тайбан байдалые эбдэжэ, дэлхэйн зоной бэе бэеэ алалсалгын эрхэ засаг олгогдобо. Тэрээндэ томо гэгшын һэлмэ үгтөө.