Ерэмияа 12:1 - Библи

¹ Эзэмни, минии Тантай зарга хэрэг ябуулаа һаа, Та хододоо үнэн зүб байхат. Гэбэшье Би Тантай үнэн шударгы ёһын хэрэгүүд тушаа адхаг һэжэгтэ баригдан хөөрэлдэхэ байнаб. Муу ябадалтайшуулда юундэ аза талаан туданаб, этигэлгүй, зүй буса зон юундэ хашалгүй амар байнаб?

Ерэмияа 12:1 Referencias Cruzadas

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

Эзраа 9:15

Израилиин Эзэн Бурхан! Энэрхыт даа манаа. Бидэ гэм зэмэтэ ябадалнуудһаа гүйсэд һалажа шадаашьегүй һаа, мүнөөдэр болотор амиды үлэһэн хадаа энээнһээ хойшо Танайнгаа урда зүб замаар ябаһайбди даа.

Нэхэмьяа 9:33

Харин бидэ зэмэтэйбди, Та хододоо үнэн сэхэ байгаат, манда бүхыдөө тохёолдоһые тон зүбөөр бүхыень шиидхээт.

Иоов 12:6

Үнэн шударга минии зобожо байхада дээрмэшэн этэгээдүүд баяжажа, Бурханиие тоодоггүй зон амар һууна. Тэдэ өөрын хүсэ шадалые бурхан болгон үргэмжэлнэ.

Иоов 13:3

Гэбэшье намда маргаха хэрэг байхагүй. Би Түгэс Хүсэтэ Эзэнтэй ярилсахые хүсэжэ байнам. Тэрээнтэй арсалдаха дуран хүрэнэ.

Иоов 24:12

Хотодо усалда ороһон, үхэхэ туйлдаа хүрэгшэдэй ёолоон, туһа эриһэн мүргэл Эзэнэй анхаралда абтанашьегүй.

Иоов 24:23

Тэрэнэй хүсэтэ гарай хүндөөгүй сагтал хүн тайбан байдаг, Тэрэ харасаяа тэдэнэй харгыһаа холодуулдаггүй.

Иоов 8:17

үндэһэнүүдынь хүрьһэн доогуур аһалдадагшье һаа,

Псалманууд 37:1

[Давидай псалма. Мартахагүйн тула шангаар.]

Псалманууд 51:4

Хэлэншни бүлюудэһэн хутага мэтэ мэхэтэй, гэм түсэблээл.

Псалманууд 51:6

Мэхэтэй хэлэн, ши һүйдхэлтэ үгэ бүхэндэ дуратайш.

Һургаал 1:32

Гэнэн мунхагууд өөрын үсэдһөө хосорхо табилантай. Тэнэгүүдэй алмайрал тэдэниие һүнөөхэ.

Экклезиаст 8:14

Нүгэлтэтэй таараха юумэн үнэн шударга хүндэ тохёолдохо, үнэн шударга хүндэ зохихо юумые нүгэлтэн эзэмшэдэг удхагүй юумэн бии.

Исай 41:21

Зарга хэрэгээ хэлэгты гэжэ Би, Эзэн, Яковай Хаан, үндэһэ яһатадай бурхадта айладханаб. Шанга баримтануудаа асарагты!

Исай 48:8

Таанадта этигэхын аргагүй гэжэ Би мэдэжэ байгааб. Урбахаар зон гээд таанад тушаа хэлсэдэг һэн. Тиимэһээл энээн тушаа таанадта Би дуулуулаагүйб, шэхэндэтнай энээн тушаа ямаршье үгэ дуулдаагүй һэн.

Ерэмияа 11:20

Түмэн Сэрэгтэ Эзэн! Та үнэн зүбөөр шүүбэрилнэт. Зоной зүрхэ сэдьхэл, һанаан бодол шалган туршадагта. Би Танда зарга хэрэгээ даалгааб. Тиимэһээ тэдэнһээ үһөөгөө абахыетнай би хараһуулби, зүбшөөгыт.

Ерэмияа 12:6

Аха дүүнэршни, түрэл түтимшни хүрэтэрөө шамда урбаад байна. Тэдэ шам тухай муу юумэ хэлэнэ. Һайн үгэ нюурташни хэлээшье хадань, тэдээндэ бү этигэ.

Ерэмияа 3:20

Теэд ши, Израиль, үбгэндөө үнэн сэхэ бэшэ һамган мэтэ, Намайе мэхэлэн байбаш. Энэ болбол Би, Эзэн, тунхаглана мүн!

Ерэмияа 3:7

Эдэ бүгэдые үйлэдэһэнэй удаа тэрэ Нам руу бусаха гэжэ һанаа һэн. Теэд тэрэ бусажа ерээгүй. Энээниие тогтууригүй зантай Иуда эгэшэнь хараа бэлэй.

Ерэмияа 32:16

Худалдаа наймаанай энэ бэшэгые Нэрияагай хүбүүн Баруухда дамжуулһанайнгаа удаа би Эзэндэ зальбарбаб:

Ерэмияа 5:11

Израилиин болон Иудын улад зон Намда үнэхөөр урбаа. Энэ болбол Би, Эзэн, тунхаглана мүн!

Ерэмияа 9:2

Элһэн сүл губида аяншадай хонохо газар намда байгаа гээшэ һаань, өөрын арад түмэнөө орхижо, тэдэнһээ ошохо байгааб. Тэдэ бултадаа забхайрагшад, урбагшадай үүр гээшэл!

Гашуудал 1:18

Теэд Эзэн зүб шударга! Юуб гэхэдэ, би үгыень дуулаагүйб. Бүхы арад түмэн, шагнагты, зоболонгым харагты: залуу басагад, хүбүүдни баряанда туугдан ошожо байна.

Эзэкээл 18:25

Таанад Намайе зүб бэшэ гэжэ зэмэлнэт. Теэд шагныт, Израилиин улад зон, өөһэдынтнай хэһэн хэрэгүүд буруу, харин Минии хэрэг үнэн зүб мүн!

Даниил 9:14

Гай тодхор бидэндэ эльгэхэеэ, буулгахаяа Эзэн удаарбагүй. Эзэн Бурханай хэһэн бүхы үйлэ хэрэгүүдынь зүб, харин бидэл үгыень дуулаагүйбди.

Даниил 9:7

Эзэн, Та зүбта, харин бидэ мүнөө эшхэбтэр байдалда оронхой, нэрээ хухаранхай байнабди – Иудын, Иерусалимай болон Израилиин хан түрын бүхы улад зон: Танһаа буруу харахадамнай холо, ойрошье орон нютагуудаар Танай сасааша хүнүүд.

Һошээ 6:7

Адаамдал адли таанад хэлсээ эбдэжэ, Намда урбаат.

Аввакуум 1:4

Тиимэһээл хуули сахигданагүй, үнэн шударга зарга шүүбэри гэжэ үгы. Юуб гэбэл, муу муухай зон зүб үнэн зониие диилэн байна, иигэжэл үнэн шударга зарга шүүбэри гажана.

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Малаахи 2:17

Таанар өөрын үгөөр Эзэниие ядараагаат. «Муу юумэ үйлэдэһэн хүн бүхэн Эзэнэй мэлмыдэ һайн, Тэрэ тэдэниие өөгшөөдэг» гэжэ гү, али «Үнэн шударга ёһын Бурхан хаана байнаб?» гэжэ хэлэжэ байхадаа, Эзэнэй уур хүргэнэт.

Малаахи 3:15

Мүнөө ехэрхүү бардам хүнүүдые үреэлдэ хүртэһэн гэжэ хэлэнэ. Муу үйлэ хэгшэд урда гарана. Тэдэ Бурханиие туршажа, нүгэл үйлэдэнэ, харин Бурхан тэдэниие хэһээнэгүй» гэдэг.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.