Ерэмияа 11:7 - Библи

⁷ Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 11:7 Referencias Cruzadas

4 Хаан түрэнүүд 17:13

Эзэн Өөрынгөө бүхы лүндэншэдээр ба абаралдагшадаар уридшалан дамжуулжа, израильшуудта ба иудынхидтэ иигэжэ айладаа юм: – Бусагты, муу замһаа зайсагты! Минии захяа заабариие сахигты! Би таанадта үбгэ эсэгэнэртэтнай үгэгшэ Һургаал заабаринуудаа Өөрынгөө барлаг лүндэншэдээр дамжуулааб. Минии айладагша захяа заабаринууд тэрэ Һургаал соо байха.

2 Угай бэшэг 36:15

Үбгэ эсэгэнэрэйнь Эзэн Бурхан һэргылхыень тэдээн руу лүндэншэдөө эльгээжэл-эльгээжэл байба, юундэб гэхэдэ, Тэрэ арадаа, нангин үргөөгөө хайрладаг байгаа.

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 25:3

– Хорин гурбан жэлэй туршада Аммооной хүбүүн Ёшияагай арбан гурбадахи жэлээ Иудын хан түрые зонхилжо байхаһаань хойшо, мүнөөшье болотор Эзэн намда айладхал буулгажа байгаа. Би таанадта дахин-дахин хэлэжэл байгааб, теэд таанад анхараагүйт.

Ерэмияа 25:4

Эзэнэй лүндэншэд болохо албатанаа таанад руу дахин дахин эльгээгээшье һаань, таанад шагнаагүй, анхаралаа хандуулаагүй бэлэйт.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Ерэмияа 34:14

зургаан жэл соо алба хэһэн аха дүүгээ, еврей яһанай богоолоо долоодохи жэл бүхэндэ сүлөөдэ табиха тухай тэдээндэ захираа һэм. Теэд тэдэ Минии үгэнүүдые анхарбагүй шагнабагүй.

Ерэмияа 35:14

Рэхаабай хүбүүн Ёнадаабай үри һадаһад үбгэ эсэгынгээ үгэ дуулажа, үзэмэй дараһан архи уунагүй. Минии таанадта хэлэхэдэ, та бүгэдэн үгыем дууланагүйт.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 7:13

Би таанадта оло дахин хэлээ һэм, теэд таанад дуулаагүйт, Би таанадые дуудаа һэм, теэд харюусаагүйт. Мүнөө хадаа эдэ бүхы үйлэ хэрэгүүдэйтнай түлөө

Һошээ 4:1

Израилиин арад зон, Эзэнэй үгэ соносогты! Энэ газарта этигэмжэтэ байдал, энэрхы сэдьхэл, Намайе, Бурханиие, мэдэхэеэ һанаһан эрмэлзэл үгы гээд, Эзэн энэ газарай улад зониие гэмнэн, урдаһаань зарга болоод байна.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Эфесэйхиндэ 4:17

Дэмы хооһон бодолтой, оюун ухааниинь балартаһан ондоо яһатанда адли бэеэ абажа ябахаяа болигты гэжэ би таанадые Эзэнэй нэрээр гуйнаб. Сэдьхэл зүрхэниинь шулуундал адли шэрүүн байжа, Бурханиие мэдэрхэ гэжэ огто хүсэхэгүй байһан дээрэһээ тэдэнэр Бурханай хайрлажа байһан амидаралһаа хасагдаба.

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Хуули дабталга 30:20

Эзэн Бурхандаа дуратай байгты, Тэрэнэйнгээ үгэ дуулагты, Тэрээндээ үнэн сэхэ байгты. Тиигэбэлтнай, танай үбгэ эсэгэнэртэ – Абраһаам, Исаак, Яков гэгшэдтэ «үгэхэб» гэжэ тангариглан найдуулһан газар дайда дээрээ таанадта Тэрэ ута наһа үршөөхэл.

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 6:2

Таанад, үри һадаһадтнай Эзэн Бурханаа бүхы наһаараа хүндэлжэ ябагты. Минии дамжуулжа байһан Тэрэнэй бүхы хуули ёһо, захяа заабаринуудые сахин ябагты. Тиигэбэл, удаан саг соо ажаһуухат.

Хуули дабталга 8:6

Эзэн Бурханайнгаа захяа заабариие сахигты, Тэрэнэй замаар ябагты, Тэрэниие хүндэлэгты.

Фессалоникиинхидтэ 2-дохи 3:12

Тэдэ зониие дарууханаар амидаржа, өөһэдөө ажаллажа, өөһэдыгөө тэжээжэ байхыень Эзэн Иисүүс Христоосой нэрэ алдараар бидэ уряалжа, идхажа байнабди.

1 Хаан түрэнүүд 8:9

Зай, тэдэнэй үгые дуула. Гансал ши тэдээндэ һайса һануулжа, зонхилхо хаанайнь эрхэнүүдые соносхо, – гэжэ айладхаба.