Ерэмияа 11:22 - Библи

²² Тиихэдэнь Түмэн Сэрэгтэ Эзэн иигэжэ айладхаа: – Би тэдэниие хэһээхэб! Залуушуулынь дайн дажарта алуулха, үхи хүүгэдынь туража үхэхэ.

Ерэмияа 11:22 Referencias Cruzadas

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 44:13

Египедтэ ажаһуугшадые Иерусалимые хэһээһэндэл, дайн дажараар, үлэсхэлэн хооһон байдалаар, үбшэ хабшанаар дайрахаб.

Ерэмияа 49:26

Тэрэ үдэр залуу зониинь үйлсэнүүдтэ алуулагдаха, бүхы сэрэгшэдынь усадхагдаха.

Ерэмияа 9:21

Үхэл сонхоорнай дамжан ороно. Үйлсэнүүдһээ үхи хүүгэдые, хотын талмайнуудһаа эдир хүбүүдые усадхахын тула үхэл хатал ордонгууд руумнай орожо байна.

Гашуудал 2:21

Хүүгэд, хүгшэд газарта, харгын захаар хэбтэнэ! Залуу хүбүүд, басагадни һэлмээр сабшуулан алуулаа! Хилэнтэ үдэртөө Та тэдэниие алаат, хайра гамгүй усадхаат!

Амоос 4:10

Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!