Ерэмияа 11:13 - Библи

¹³ Иудын хан түрын хото бүхэндэ өөрын бурхан бии. Иерусалимай үйлсэ бүхэндэ жэгшүүритэй муухай юумэндэ үргэлэй шэрээ табигдаа, Баалда санзай ууюулхын тула тэдэ бодхоогдоо.

Ерэмияа 11:13 Referencias Cruzadas

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

2 Угай бэшэг 28:25

Иудын хото бүхэндэ хариин бурхадта үргэл үргэхэ газарнуудые тэрэ зохёожо, үбгэ эсэгэнэрэйнгээ Эзэн Бурханай уур хилэн өөр тээшээ татаба.

Исай 2:8

Газар нютагынь шүтөөнүүдөөр дүүрэнхэй, өөрын гараар бүтээһэн бүтээлнүүдтээ тэдэ мүргэнэ.

Ерэмияа 11:17

Би, Түмэн Сэрэгтэ Эзэн, Израиль болон Иудын хан түрэ байгуулааб. Харин мүнөө тэдээндэ гай тодхор ушаруулхаб гэжэ занажа байнаб. Тэдэ өөһэдөө эдэ бүгэдые өөр дээрээ татаа, юуб гэхэдэ, Баалда санзай ууюулжа, Минии уур сухал тэдэ хүргөө ха юм.

Ерэмияа 17:1

Эзэн айладхана: – Иудын хан түрын зоной нүгэл түмэр эритээр, баллахын аргагүйгөөр бэшэгдэнхэй, ошорой үзүүрээр зүрхэнэйнь хабтаһан дээрэ һиилэгдэнхэй, үргэлэй шэрээгэй углуунууд дээрэ барлагданхай.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 19:5

Түгэс шатаалта үргэл болгон үхи хүүгэдээ галда шатаахын тула тэдэ Баалда обоонуудые бариһан юм. Энэнь Минии хэзээшье захираагүй, хэлээгүй, Минии һанаандашье ороогүй зүйл лэ.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Ерэмияа 3:24

Эгшүүритэй муухай Баалда мүргэхэдөө, эд зөөриеэ, үхэр малаа – эртэ урдаһаа хойшо үбгэ эсэгэнэрэйнгээ суглуулһан бүхы баялигые гээгээбди. Баалай шүтөөнүүд хүбүүд, басагадыемнай залгижархёо.

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 44:21

– Иудын хан түрын хото һууринуудта, Иерусалимай үйлсэнүүдтэ таанадай, үбгэ эсэгэнэрэйтнай, хаашуулайтнай, удамаршадайтнай хэжэ байһан үргэл тухай Эзэн мартаа гү, али мэдэнэгүй гэжэ һанаа гүт?

Ерэмияа 44:5

Теэд таанад үгыем дуулаагүйт, анхаралаа хандуулаагүйт. Ондоо бурхадта үргэл үргэдэг муу заншалаа орхёогүйт.

Ерэмияа 48:35

Мүргэлэй обоонуудта үргэл хэдэг, өөрын бурхадта уталга ууюулдаг Моһаабай зониие хюдахаб. Энэ болбол Би, Эзэн, айладахана мүн!

Ерэмияа 7:9

Таанад хулгай хэжэ, алажа, забхайржа, худалаар тангариглажа, Баалда үргэл үргэн, мэдэхэгүй ондоо бурхадта мүргэжэ байгаад,

Эзэкээл 16:24

ши харгы бүхэнэй хажуугаар хурисал үзэхэ газарнуудые зохёон баряаш.

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Һошээ 12:11

Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха».

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.