Ерэмияа 10:25 - Библи

²⁵ Танда мүргэдэггүй үндэһэ яһатан дээрэ, мүн Таниие тоодоггүй улад зон дээрэ уур хилэнгээ адхыт. Тэдэ арад зонииетнай алаа, һалгаагаа, хюдаа, орон нютагыемнай һандаргаагаа.

Ерэмияа 10:25 Referencias Cruzadas

Иоов 18:21

Бурханиие тоодоггүй иигэжэ хохирдог байха юм.

Псалманууд 14:4

Шоодбори хүн Тэрэнэй нюдэндэ жэгшүүритэй, гэбэшье Эзэнһээ айдаг зониие Тэрэ хүндэлдэг. Хэн нэгэндэ тангариг үргэбэл, тэрэнээ заабол бэелүүлдэг.

Псалманууд 27:2

Тан руу туһаламжа гуйн дуудахадам, эгээл нангин газар руутнай гараа һунгахадам, гуйһан дуу хоолойем соносыт!

Исай 43:22

Эзэн иигэжэ айладхана: Харин ши, Яков, намайе дуудаагүйш, Израиль, Намда хандаагүйш, Намда мүргөөгүйш.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Ерэмияа 11:1

Эзэн намда айладхаба:

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 50:7

Тэдэниие ологшо хэн нэгэн залгиха һанаатай бэлэй. Дайсадынь иигэжэ хэлэнэ: – Бидэ буруу бэшэбди, тэдэ Эзэнэй урда нүгэл хээ. Элинсэг хулинсагынь Эзэндэ найдадаг бэлэй, тиимэһээ тэдэ өөһэдөө Тэрээндэ үнэн сэхэ байха ёһотой байгаа.

Ерэмияа 8:16

Дайсаднай – Даанай хотонуудта! Моридойнь турьяхые дуулаабди. Адуунайнь инсагаалха абяанһаа бүхы газар доһолно. Дайсад ерэжэ, орон нютаг, тэндэ байгааша бүхы юумэ, хото болон ажаһуугшадыень залгин һалгаахань.

Гашуудал 2:22

Та бүхы зүгһөө һайндэртэл мэтэ аймшагтай зүйлнүүдые дуудан асаруулаат. Эзэнэй хилэнтэ үдэр хэншье абарагдаагүй, амиды үлөөгүй. Тэнжэн тэдхэһэн хүүгэдым дайсан хюдаа!

Цэпаанияа 1:6

Намһаа буруу харагшадые, Намайе бэдэрээгүй, һурагшалан Нам руу ерээгүй зониие усадхахаб.

Цэпаанияа 3:8

Тиимэһээ Намайе хүлеэгты! Минии ерэхэ үдэр хүрэтэр! Арадуудые суглуулжа, хан түрэнүүдые дуудажа, уур сухалаа, уур хилэнсэгэйнгээ бүхы гал дүлэн тэдээн дээрэ адхахаб! Иигэжэ Би зарга шүүбэри ябуулхаб, иигэжэ Минии уур сухалай гал дүлэндэ бүхы дэлхэй шатаха!

Захарияа 1:15

Амар тайбан һууһан арадуудта Би маша ехээр уурлажа байнаб. Сухалаа номгоруулхадам, тэдэнэй хоро шараниинь бусална.

Иоанн 17:25

Үнэн сэхэ Эсэгэмни аа! Дэлхэйн зон Таниие мэдэнэгүй. Теэд Би Таниие мэдэнэб, Намайе Та эльгээгээт гэжэ тэдэ мэдэнэ.

Хэрэгүүд 17:23

Юундэб гэхэдэ, танай мүргэл шүтөөнүүдые хаража байхадаа, «мэдэгдээгүй Бурханда» гэжэ бэшээтэй үргэлэй шэрээ би оложо харааб. Танай мэдээгүй аад, шүтэжэ мүргэжэ байһан эгээл тэрэ Бурхан тухай би номножо байнаб.

Коринфынхидтэ 1-дэхи 15:34

Ой ухаандаа орогты, нүгэл хэхэеэ болигты. Заримантнай Бурханиие мэдэхэгүй, тиин эшэжэ зобожо байхаартнай энээниие хэлэнэб.

Фессалоникиинхидтэ 1-дэхи 4:5

Бурханиие мэдэхэгүй бусад арадуудта адли зальхай забхай хүсэлэнгүүдтэ бү абтагты.

Гэршэлгэ 16:1

Удаань долоон Эльгээмэлнүүдтэ хандан, Һүмэ доторһоо шангаар иигэжэ хэлэхые дуулааб: «Эндэһээ ошожо, Бурханай уур сухалай долоон аяга соохиие газарта адхагты!»