Ерэмияа 10:19 - Библи

¹⁹ Оо, ямар үбшэнтэйб! Би зобошооб. Минии шарха эдэгэшэгүй. Харин би «энэ үбшэн тэсэжэ шадахаб» гээд һанаа һэм.

Ерэмияа 10:19 Referencias Cruzadas

Псалманууд 39:9

Бурхамни, Танай хүсэл бэелүүлхэ һанаатайб, һургаалтнай сэдьхэлдэм байна» гэжэ хэлээб.

Псалманууд 77:10

Тэдэ Бурхантай баталһан хэлсээгээ эбдээ, һургаал хуулииень сахяагүй.

Исай 8:17

Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.

Ерэмияа 14:17

Өөрынгөө гай зоболон тухай улад зондо дуулгахыемни намда Эзэн захирба. Тэрэ иигэжэ хэлэхыемни айладхаа: Минии нюдэнһөө һүни, үдэргүй нулимса урдан байг. Уйлахаяа оройдоошье болихогүйб, улад зомни аргагүй ехэ сохилтодо дайрагдаба, угаа хүндөөр шархатаа.

Ерэмияа 14:7

Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 4:19

Сэдьхэлни, сэдьхэлни! Би зобожо байнаб. Зүрхэмни! Зүрхэмни аргагүй сохилно. Би миин байжа шаданагүйб! Дайнда дуудаһан бүреэгэй абяа дууланаб.

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 8:21

Арад зонойнгоо зобоходо, зүрхэ сэдьхэлни зобоно. Уйдхартай барагар байнаб, угаа һүрдэнхэй ябанаб.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Гашуудал 1:2

Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 3:48

Нюдэнһөөм нёлбоһод горхон мэтэ урдана – арад түмэнэйм басаган хосоржо байна!

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.