Ерэмияа 10:10 - Библи

¹⁰ Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Ерэмияа 10:10 Referencias Cruzadas

Эхин 21:33

Абраһаам Бэһээр-Шээбэ нютагта томо мододые таряад, эгүүридэ мүнхэ Эзэн Бурханиие хүндэлжэ, тэндэ мүргэдэг, үргэл хэдэг болоо бэлэй.

3 Хаан түрэнүүд 18:39

Энээниие харахадаа, арад зон һүгэдэн унажа, иигэжэ хашхаралдаба: – Эзэн – манай Бурхан мүн! Эзэн – манай Бурхан мүн!

3 Хаан түрэнүүд 8:60

Эзэн гээшэ Бурхан, Тэрээнһээ ондоо Бурхан байхагүй гэжэ дэлхэйн бүхы арадууд мэдэг лэ!

1 Угай бэшэг 29:11

Танай Эсэгэ, мүн тэнгэри, газар дээрэхи алдар суу, алдар хүсэн, алдар соло, эдэ бүхыдөө Танайл: Минии Бурхан Хамагые эзэмдэгшэ мэтэ бултанһаа эрхимынь Та гээшэт, хан түрэ, Бурхан, Танайл.

2 Угай бэшэг 15:3

Олон үдэрэй туршада Израиль бодото үнэн бурхангүй, һургадаг санаартагүй, хуули ёһогүй байха.

Иоов 9:6

Газар дэлхэй хүдэлгэхэдэнь дэлхэй бүмбэрсэг үндэһөөрөө шэшэрэн һалганана.

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Псалманууд 100:5

Дүтын хүнөө нюусаар муулажа байгаашадые усадхахаб, бардам харасатай, дээрэлхүү зантай хүниие тэсэжэ байхагүйб.

Псалманууд 104:32

Бороогой орондо Тэрэ тэдээн руу мүндэр эльгэбэ, газар уһандань дүлэлзэһэн гал шэглүүлбэ.

Псалманууд 114:7

Эрьежэ, амгалан тайбан боло даа, Юуб гэхэдэ, Эзэн шамайе үршөөгөө.

Псалманууд 146:6

Эзэн тулигшадта түшэн туһалдаг, хорото муу хүниие доошонь унагаадаг.

Псалманууд 18:7

Мандахань тэнгэриин нэгэ захаһаа, тойрохонь нүгөө заха хүрэтэр, халуунһаань хорохо арга байхагүй.

Псалманууд 29:10

Хүүр руу минии уруудабал, шуһандам ямар ашаг үрэ байхаб?! Хүүрэй тооһо шорой Таниие магтаха аал, Танай үнэниие тунхаглаха аал?!

Псалманууд 31:5

Би Танда нүгэлөө нюунгүй хэлээб, гэмээ нюужа байгаагүйб; «Гэмээ Эзэндэ дуулгахам» гэжэ хэлээб, тиигээд Та минии гэм зэмые арюудхаат. [Хүгжэм]

Псалманууд 42:2

Та хадаа минии Бурхан, минии хүсэ шадал мүн! Юундэ Та намайе орхёобта? Юундэ би дайсанай доромжололһоо боложо гашуудан голхорон ябанабиб?

Псалманууд 68:11

Би масаг барин сэдьхэлдээ уйлааб, иигэжэ баһажа-наадалуулжа байбаб.

Псалманууд 68:8

Юуб гэбэл, би Танай түлөө шэбшэг муухай байдал тэсэн байнаб, нюурыем эшэгүүр бүглөөд байна.

Псалманууд 76:7

Һүниндөө дуунуудаа һананаб, зүрхэнтэеэ хөөрэлдэнэб, һүнэһэм харюу бэдэрнэ.

Псалманууд 76:8

Эзэн хэтэ мүнхэдөө буруу хараа юм гү? Саашадаа Тэрэ нигүүлэсхыгээр хандахагүй юм гү?

Псалманууд 77:18

Эдеэ хоол эрин, Бурханиие туршахаа һанаа.

Псалманууд 84:2

Эзэн, Та Өөрын нютагта энэрхы хандаат, Яковай арадые баряанһаа бусаагаат.

Псалманууд 9:8

Эзэн хэтэ мүнхэдөө хааншалан байха. Зарга шүүбэри ябуулхын тула Тэрэ шэрээгээ дэлгээ.

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Псалманууд 90:2

Эзэн тухай «Тэрэ болбол минии хорохо газар, минии цайза хэрэм, Бурхамни, найдални!» гэжэ хэлэгшэ,

Псалманууд 93:2

Дэлхэйн Шүүгшэ, бодыт, бардамлагшадта хэмээрнь бусаагыт.

Псалманууд 97:4

Бүхы дэлхэй, Эзэнэй урда хүхигты! Баясагты, хүхилдэгты, дуулагты!

Исай 37:17

Мүнөө шэхээ табижа, шагныт, нюдөө нээжэ, харыт! Амиды Бурханиие доромжолхо гэжэ элшэдээ эльгээһэн Сэннахэриибэй үгые соносыт!

Исай 37:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Исай 40:15

Эзэндэ үндэһэ яһатад болбол уһанай дуһал мэтэ, олтирогууд тооһон мэтэ.

Исай 40:28

Мэдэхэгүй юм гүш? Дуулаагүй юм гүш? Эзэн – хэтэ мүнхэдөө оршодог Бурхан, Тэрэ бүхы дэлхэй байгуулаа. Тэрэ эсэдэггүй, тулидаггүй. Хэншье ухаан бодолыень мэдэхэгүй.

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 23:36

Иигээд тэдэ «Эзэнэй хүндэ ашаан» гэһэн үгэнүүдые дуугарха ёһогүй. Тиигэжэ дуугараа һаань, Би айладхалаа тэдээндэ үнэхөөр хүндэ ашаан болгожорхихоб. Улад зон Минии, өөһэдынгөө амиды мэндэ Бурханай, Түмэн Сэрэгтэ Бурханай, үгые ондоо болгоо.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 4:24

Хада уула руу харахадам, доһолжо-шэшэржэ байба. Мүн бүхы добо толгойнууд урагша-хойшоо хүдэлжэ байба.

Ерэмияа 50:46

«Вавилоон абтаа!» гэһэн оог хашхараанһаа газар доһолон хүдэлхэ, бусад үндэһэ яһатан хашхараа, шууяа дуулаха.

Ерэмияа 51:29

Газар хүдэлжэ, шэшэржэ байна, юуб гэхэдэ, Вавилоониие хэнэйшье ажаһуухагүй, хооһон орон нютаг болгохо гэһэн түсэбөө Эзэн бэелүүлжэ байна.

Даниил 4:3

Зүүдыем тайлбарилхыень Вавилооной бүхы сэсэн мэргэшүүлые урдамни асарха тухай захирбаб.

Даниил 4:34

Мүнөө хадаа би, Навуходоносор хаан, Хаан Тэнгэридэ алдар соло түүрээнэб, нэрэ хүндынь дээрэ үргэнэб, магтан дууланаб: Хэһэн хэрэгынь үнэн, ябадалынь үнэн шударгы. Бардам зониие Тэрэл номгоруулха шадалтай.

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Даниил 6:27

Тэрэ абардаг, аршалдаг, огторгой, газар дээрэ дүлгэ тэмдэгүүдые, гайхамшагта үзэгдэлнүүдые хэдэг. Даниилые Тэрэ арсалануудһаа абараал.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Ёһээл 2:11

Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Михей 1:4

Галһаа зулын тоһоной хайладагтал, хаданууд Тэрээн доро хайлахал. Эгсэ газарһаа унадаг уһандал, нюруу хүндынүүд үгы болохол.

Наум 1:5

Хаданууд урдань шэшэрдэг, гүбээнүүд үгы болошодог. Газар дэлхэй Тэрэнэй урда доһолдог, оршолон юртэмсэ ба досоонь оршон ажаһуугшад бултадаа шэшэрэлдэдэг.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Аввакуум 3:10

Хада ууланууд Таниие хараад, доһолон шэшэрбэ, аадар бороо адхарба. Газарай гүнэй уһан шууяжа, долгидынь үндэртэ хүрэн шааяба.

Аввакуум 3:6

Тэрэнэй зогсоходо, дэлхэй доһолбо. Харахадань, арадууд шэшэрбэ. Мүнхэ хада ууланууд хамхарба, эртэ урдын толгойнууд унаба. Эдэ хадаа Тэрэнэй эртэ урда сагта сэнгэдэг зүргэ замууд бэлэйл.

Малаахи 3:2

«Гэбэшье Тэрэнэй ерэхэ үдэр хэн тэсэжэ гарахаб? Тэрэнэй үзэгдэхэдэ хэн зогсожо шадахаб? Тэрэ арюудхагша гал мэтэ, сэбэрлэгшэ сабан шэнги юм.

Матвей 16:16

– Та Бурханай табисууртат, Амиды Бурханай Хүбүүнта, – гэжэ Симон Пётр харюусаба.

Матвей 26:63

Теэд Иисүүс юумэ дуугарбагүй. Тиихэдэнь ахамад санаарта Тэрээндэ: – Амиды Бурханай урда тангариглан ши манда хэлэжэ үгэ, ши Бурханай табисуурта, Бурханай Хүбүүниинь гүш? – гэжэ хэлэбэ.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Еврейнүүдтэ 10:31

Амиды Бурханай гартань орохонь аймшагтай!

Нүүнэй Иисүүс 3:10

Иисүүсэй хэлэһэниинь: – Тэрэ үгэһөө танай дунда амиды Бурхан бии гэжэ мэдэхэт. Танда газар үгэхын тула Тэрэ ханаһаануудые, хээдүүдые, хиивүүдые, пэриззиинүүдые, гиргаашуудые, эмооршуудые, евүүсүүдые үлдэхэ.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.

Ударидагшад 5:4

Эзэн минии, Танай Сэһиирһээ гарахада, Эдоомой тала гаталхада, Газар доһолоол, огторгой бүрхэжэ, олигой ехэ уһан үүлэнһээ адхараал.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.