Ерэмияа 1:9 - Библи

⁹ Тиигээд Эзэн гараа һарбайн, минии уралда хүрэжэ, намда: – Анхара, хэлэхэ үгэнүүдыешни Би шамда дамжуулбаб.

Ерэмияа 1:9 Referencias Cruzadas

Исай 49:2

Тэрэ минии үгэнүүдые һэлмэдэл адли хурса болгоо, Өөрынгөө гараар намайе далдалан аршалаа, хурса годлидол адли болгожо, номо һаадаг соогоо намайе нюугаа.

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Исай 51:16

Таанадта Өөрынгөө һургаал дамжуулааб, гараараа таанадые халхалан аршалааб. Би огторгойе татажа, газарай һуури табин, Сиондо «Таанад Минии арад түмэн гээшэт!» гэжэ айладхааб.

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Ерэмияа 34:6

Тиигээд би эдэ бүхы үгэнүүдые Иудын хаан Цэдэкиия гэгшэдэ Иерусалимда дамжуулан хэлээ һэм.

Ерэмияа 36:2

– Хуйламал ном абажа, Израиль болон Иудын хан түрэ тухай, бүхы үндэһэ яһатан тухай Минии айладхалай үгэнүүдые тэндэ бэшэ. Ёшияагай хаан байхаһаа нааша мүнөө болотор Минии айладхаашые бэшэ.

Ерэмияа 5:14

Тиимэһээ Түмэн Сэрэгтэ Эзэн Бурхан иигэжэ айладхажа байна: «Ерэмияа, иимэ үгэнүүдые тэдэнэй хэлэһэндэнь Би, хараарай, шинии аманда өөрын үгэнүүдээ гал мэтэ болгохоб. Энэ улад зон түлеэн болохо, удаань тэдэниие гал дүлэн залгин шатааха!»

Эзэкээл 3:10

Эзэн Бурхан айладхалаа үргэлжэлүүлбэ: – Хүнэй үри Эзэкээл, Минии шамда айладхаһан үгэнүүдтэ анхарал ехэтэ хандуулжа, бүхөөр хадуужа аба.

Даниил 10:10

Тиихэдэм намда нэгэ гар хүрэжэ, дээшэнь болгобо: би шэшэрэн үбдэг дээрээ, гараараа газар тулган зогсобоб.

Даниил 10:16

Хүн шэнги дүрсэтэй хэн нэгэн минии уралда хүрэбэ. Тиихэдэнь би дуугаржа шадаха боложо, урдамни зогсоошо тэрээндэ хандан: – Эзэмни! Үзэгдэл үзэхэдөө намда угаа үбшэнтэй, ямаршье тэнхээ тамиргүй болоо һэм.

Тоололго 23:5

Тиихэдэнь Эзэн айладаха гэһэн үгэеэ Балаһаамай аман соо хээд, айладаба: – Балаагта бусаад, иигэжэ хэлээрэй.

Матвей 10:19

Таниие барижа тушаахадань, юу хэлэхэ, яажа хэлэхэ тухайгаа һанаагаа бү зобооройгты. Тэрэ сагтаа хэлэхэ үгэнүүдтнай таанадта үршөөгдэхэ.

Марк 7:33

Иисүүс тэрэниие гансаарыень зонһоо зайсуулаад, шэхэнүүдтэнь хургануудаа хэбэ, тиигээд тэдээн дээрээ нёлбоод, хэлэндэнь халта хүрэбэ.

Лука 12:12

Тэрэ сагтаа Арюун Һүлдэ юу хэлэхыетнай танда заажа үгэхэ.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Хуули дабталга 18:16

Хорээб хадын дэргэдэ сугларһан тэрэ үдэр гээгдэхэһээ айжа, таанад Эзэнэй дуу хоолойе дахин шагнахагүй тухай, тэрэ ехэ гал дүлэн бэшэ үзэхэ харахагүй тухай гуйгаа бэлэйт.

Хуули дабталга 18:17

Эзэн намда иигэжэ айладаа һэн: «Тэдэнэй хэлээшэнь зүйтэй.

Хуули дабталга 18:18

Шамдал адли лүндэншые өөһэдынь дундаһаа тодоруулан гаргахаб, тиигээд юу хэлэхыень тэрээндэ заажа үгэхэб. Минии бүхы захиралтые тэрэ арад зондо хэлэжэ байха.