Ерэмияа 1:15 - Библи

¹⁵ Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 1:15 Referencias Cruzadas

Исай 22:7

Танай эгээл һайн, эгээл үрэжэлтэй нюруу намжаа газарнууд дайшалхы тэргэнүүдээр дүүрэнхэй, Иерусалим хотынтнай бартаануудай урда мори унанхай дайсанай сэрэг жагсанхай.

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 10:25

Танда мүргэдэггүй үндэһэ яһатан дээрэ, мүн Таниие тоодоггүй улад зон дээрэ уур хилэнгээ адхыт. Тэдэ арад зонииетнай алаа, һалгаагаа, хюдаа, орон нютагыемнай һандаргаагаа.

Ерэмияа 13:20

Иерусалим, харыш! Хойто зүгһөө дайсад ерэжэ байна. Шамда даалгагдаһан улад зоншни, омогорходог хүнүүдшни хаанаб?

Ерэмияа 25:28

Хэрбээ тэдэнэй шинии гарһаа аяга абажа уухаяа арсаа һаань, ши тэдээндэ заабол ууха ёһотойт гэжэ Түмэн Сэрэгтэ Эзэн айладхана гээд хэлээрэй.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 33:10

Эзэн иигэжэ айладхана: – Энэ газар дайда эзэгүй хооһон, ямаршье амитан тэндэ байдаггүй гэжэ зон хэлсэнэ. Тэдэнэй зүб: Иудын хан түрын болон Иерусалимай үйлсэнүүд хооһон, тэндэ хэншье үгы. Гэбэшье энэ газарта таанад дахин

Ерэмияа 34:1

Вавилооной хаан Навуходоносорой мэдэлдэ ороһон бүхы хан түрэнүүдэй, үндэһэ яһатадай хүсэ хэрэглэн, Навуходоносорой Иерусалим болон тэрээндэ дүтэ хотонуудта добтолхо үедэ Эзэн намтай хөөрэлдөө бэлэй.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 39:3

Вавилооной түшэмэлнүүд, тэдэнэй дунда Нэргаал-Сарээцер, Самгаар-Нэбоо, ахалагша тайган Сарсэхиим, нүгөөдэ Нэргаал-Сарээцер, Иерусалим руу орожо, Дунда Бартаануудта һуурижаба.

Ерэмияа 4:16

Алас холын оронуудһаа дайсад ерэжэ ябана, шангаар хашхаралдан, Иудын хотонуудые бүһэлхэеэ байна гэжэ арад зониие һэргылхын, Иерусалимда дуулгахын тула тэдэ хүрэжэ ерээл.

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Ерэмияа 43:10

Тиигээд Минии, Түмэн Сэрэгтэ Эзэнэй, Израилиин Бурханай, Өөрынгөө зараса, Вавилооной хаан Навуходоносорые асаржа, хан шэрээень эдэ шулуунууд дээрэ табихаяа байһан тухай, тэрэнэй майхангай эндэ бодхоогдохоёо байһан тушаа зондо дуулга.

Ерэмияа 44:6

Тиимэһээ Би Иудын хан түрын хотонуудта болон Иерусалимай үйлсэнүүдтэ уур хилэнгээ адхажа, тэдэниие шатаагааб. Тэдэ һандарал болон эзэгүй хооһон болоо, мүнөөшье болотор тиимэ байһаар.

Ерэмияа 46:24

Египедэй зон эшхэбтэр байдалда ороо, хойто зүгэй арад түмэндэ диилдэбэ. Энэ хадаа Би, Эзэн, айладхаа мүн!

Ерэмияа 5:15

Израилиин улад зон, үзөөрэйгты, Эзэн алас холоһоо танда добтолхыень нэгэ үндэһэ яһатаниие асаржа байна. Тэрэ хадаа тэсэмгэй шэрхи ба эртэ урдын үндэһэ яһатан. Тэдэнэй хэлэ мэдэхэгүйт, юу хэлэжэ байһыень ойлгохогүйт.

Ерэмияа 6:22

Эзэн иигэжэ айладхана: – Харагты, хойто зүгэй орон нютагһаа сэрэгэй зон ерэжэ байна. Агууехэ үндэһэтэн газар дэлхэйн хизаартахи һууриһаа хүдэлжэ эхилээ.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 5:11

Сиондо эхэнэрнүүд, Иудын хотонуудта басагад хүсөөр эдлүүлэгдэнэ.

Эзэкээл 32:30

Хойто зүгэй зонхилогшодой, мүн Сидоонойшье зоной хүүрнүүд бултадаа тэндэ юм. Хэзээ нэгэтэ шадалтай ехэ сэрэгынь дайсадаа угаа һүрдөөгшэ бэлэй. Мүнөө тэдэ үхэлэй орондо хүдөөлүүлэгдэн, дайн дажарта унаһан бусад сэрэгшэдтэл адли нэрээ хухаранхай юм.

Ёһээл 2:20

Хойто зүгһөө ерэһэн угсаатаниие таанадһаа холодуулхаб. Тэдэниие сүл хооһон дайда руу ябуулхаб. Заримашуулынь Дабһата далай тээшэ, нүгөөдүүлынь Дундада далай руу талииха. Эдэ зон ехэ хоро хүргөө, тииһэнэйнгээ түлөө харюусаха. Үхэһэн хүнүүдтэл тэдэ үжэжэ, үмхэй муухай үнэр гутажа захалха».

Захарияа 6:6

Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.