Ерэмияа 1:11 - Библи

¹¹ Эзэн намһаа: – Ерэмияа, ши юу харанабши? – гэжэ асууба. Би: – Гүйлсэ модоной мүшэр харанаб, – гэбэб.

Ерэмияа 1:11 Referencias Cruzadas

Эхин 30:37

Яков уляангир, бүйлөөһэн, бургааһан мододой мүшэрнүүдые абаад, холтоһыень эреэлүүлэн отолбо.

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Ерэмияа 24:3

Тиигээд Эзэнэй намда: – Ерэмияа, юу харанабши? – гэхэдэнь, би: – Инжир. Һайниинь угаа һайн, мууниинь угаа муу, эдихын аргагүй, – гэбэб.

Эзэкээл 12:25

Би, Эзэн, тэдээнтэй хөөрэлдэхэб, тиигээд Минии айладхал бэелүүлэгдэхэ, удаархагүй. Үгэ дууладаггүй зон, танай наһанай үргэлжэлдэ Би айладхаһанаа бэелүүлхэб. Энэ болбол Би, Эзэн Бурхан, айладхана мүн!

Эзэкээл 12:28

Тиимэһээ тэдээндэ Минии, Эзэн Бурханай, иигэжэ айладаһые дуулга: «Минии нэгэшье үгэ удаархагүй. Айладхални тэрэ дары бэелүүлэгдэхэ. Энэ болбол Би, Эзэн Бурхан, тунхаглана мүн!»

Эзэкээл 7:10

Хилэнсэгтэ үдэр ерэхэнь! Хүсэрхэлгэ дэлгэрхэнь! Бардамлаха саг мандахань!

Амоос 7:8

Эзэн намһаа: – Юу хаража байнаш, Амоос? – гэжэ асууба. – Хүнгэн сагаан түмэр, – гэбэб. – Өөрын арад түмэн Израилиие удахагүй хүнгэн сагаан түмэр мэтэ болгохоб! Би тэдэниие дахин хүлисэхэеэ болёоб.

Амоос 8:2

Тэрэ: – Юу харанаш, Амоос? – гэжэ асууба. – Эдеэшэһэн жэмэс араг соо байна, – гэжэ харюусабаб. – Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.

Захарияа 4:2

– Юу харанаш? – гэжэ тэрэ намһаа асууба. – Сула алтаар хэһэн дэнгэй табюур, тэрээн дээрэ томо аяга байна, аяга дээрэ долоон сүгсэ, тус тустаа долоон голтой.

Захарияа 5:2

– Юу харанаш? – гэжэ Эльгээмэл асууба. – Ниидэжэ ябаһан хуйламал бэшэг харанаб. Утаараа хорин тохой, үргэниинь арбан тохой, – гэжэ харюу үгэбэб.

Тоололго 17:8

Үглөөдэрынь Моисей Хэлсээнэй бэшэгэй хадагалагдажа байһан майхан һүмэ соо оробо. Левиин уг гарбалай үенүүдые дамжан ябаһан Аһарооной һүлдэ тулгуурта ногоон набшаһад, сэсэгүүд ургажа, һалаануудтань бүйлсын һамар бии боложо байба.