Экклезиаст 9:6 - Библи

⁶ Тэдэнэй хайра дуран, хоромсол, атаа жүтөөн ошон ошоо, нарата дэлхэйдэ болодог үйлэдэ тэдэ ямаршье хабаагүй болоо.

Экклезиаст 9:6 Referencias Cruzadas

Египедһээ гаралга 1:8

Египедтэ Иосифые мэдэхэгүй шэнэ фараон Египедэй хаан шэрээдэ һууба.

Һургаал 10:28

Зүб хүнэй этигэл найдабаринь баяр баясхалан болодог, хара һанаатанай найдабари мүхэдэг.

Экклезиаст 2:10

Нюдэнэй хүсэһэн хамаг юумэ дуран соогоо абадаг, сэнгэл баярһаа татагалзадаггүй һэм. Юундэб гэхэдэ, энэ хадаа бүхы минии хэшээл хүдэлмэриин ашаг үрэ гэжэ тоолодог, зүрхэ сэдьхэлни эдэ бүгэдэһөө үнэхөөр урмашан баясадаг бэлэй.

Экклезиаст 3:22

Тиимэһээ хэжэ байһан юумээрээ баярлахаһаа үлүү юумэн хүнэй хубида үгы гэжэ ойлгооб. Энэ хадаа табилангынь, хойшодоо юун болохыень харуулхаар хэн тэрээниие дахуулхаб даа.

Экклезиаст 6:12

Һүүдэр мэтэ үнгэрдэг удхагүй амидаралай үсөөхэн үдэрнүүдтэ өөртэнь юун һайн бэ гэжэ хэн мэдэхэб? Нарата дэлхэйдэ өөрһөөнь хойшо юунэй болохые тэрээндэ хэн хэлэжэ шадахаб?

Экклезиаст 9:1

Энэ бүхэниие би сэдьхэл зүрхэндөө абажа шэнжэлээб. Бурханай гарта – үнэн шударга зон ба ухаантан мэргэд, тэдэнэй ажал хэрэгүүд. Урдаа байһан энэрэл хайра үзэн ядалга хоёрые илгажа хүн шадахагүй.

Исай 38:11

Энэ дэлхэй дээрэ Эзэниие, амиды мэндэ хүниие бэшэ харахагүйб гэжэ һанажа байгааб.

Матвей 2:20

– Ши бодоод, хүбүүгээ эхэтэйнь абажа, Израиль нютагаа бусажа ошо. Хүбүүнэй ами хороохоёо һанагшад мүнөө хосороо, – гэжэ хэлэбэ.