Экклезиаст 9:3 - Библи

³ Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Экклезиаст 9:3 Referencias Cruzadas

Эхин 6:5

Түби дэлхэй дээрэ хүн зоной муу үйлэ хэдэгые, мүн тэдэнэй хүсэл һанааньшье буруу шэглэлтэй гэжэ Эзэн харахадаа,

Эхин 8:21

Эзэндэ энэ үнэр ехэ һайшаагдажа, Тэрэ иигэжэ шиидэбэ: – Саашадаа Би хүнэй түрэлхиин муу шанар, хара һанаанда голхорон, хүрьһэтэ газарта хараал шэнгээхэеэ болёоб. Дахин Би хэзээшье амиды амитадые иимэ аргаар усадхахагүйб.

Иоов 15:16

Харин хүн гэжэ бузар амитанда найдалтай гү? Булагай уһанай гараһантай адли хүнэй гэм буруу таһархагүй.

Иоов 21:26

Гэбэшье хэнииньшье үхэжэ булагдаад, үтэ хорхойдо эдюулээд үнгэрдэг.

Иоов 9:22

Хүнэй гэмтэй гэмгүйнь үнэндөө ямар илгаатай юм бэ?

Псалманууд 51:5

Ши муу муухайда һайн юумэнһээ үлүү дуратайш, үнэнһөө шамда худал хуурмаг дээрэ! [Хүгжэм]

Псалманууд 64:7

Хүсөөрөө хадануудые табяат, хүсэ шадалаараа Өөрыгөө бүһэлөөт.

Һургаал 14:32

Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

Экклезиаст 1:17

Мэргэн ухаа мэдэжэ абахын хажуугаар галзуу тэнэгые таниха гэжэ бүхы бодолоо зорюулааб. Энэ баһал сэдьхэлэй ехэ зоболон гэжэ ойлгооб.

Экклезиаст 12:7

Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Экклезиаст 2:14

Мэргэн хүнэй ухаан хараха нюдэниинь болодог, харин тэнэг хүн балай һохорто адли. Гэбэшье тэдэнэй эсэсынь адли гэжэ би мэдэнэб.

Экклезиаст 7:2

Найр сэнгэлэй гэр руу ошогшоһоо гашуудалай гэр руу орогшонь дээрэ, ушарынь хадаа хүнэй үхэл иимэ гэжэ амиды байгша мэдэхэ ёһотой.

Экклезиаст 7:25

Би мэргэн ухааниие шэнжэлэн таниха, нүгэлтэ зоной тэнэглэл галзуугай ушарые олохо гэжэ сэдьхэлээ зорюулбаб.

Экклезиаст 8:11

Бузар үйлэдэ эсэргүү шиидхэлынь тэрэ дары ерэдэггүй ушарһаа хүнэй сэдьхэл мууе үйлэдэхөөр бэлэн байдаг.

Экклезиаст 9:11

Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Экклезиаст 9:2

Энэнь бултанда адли байдаг. Һайн ба муу хүндэ, арюун сэбэртэ ба бузарта, тахил үргэдэг ба тахил үргэдэггүйдэ нэгэл хуби заяан байха; буян үйлэдэгшэдэ ба хилэнсэтэдэ, тангариглагшада ба тангаригһаа зайлагшада өөрэгүй адли.

Экклезиаст 9:4

Амиды зоной дунда һуухань хэзээшье аятай, хэндэшье найдал үгэдэг, үхэһэн арсаланһаа амиды нохойдо хэзээшье дээрэ.

Ерэмияа 16:12

Таанад үбгэ эсэгэнэрһээ үшөө муу юумэ хээт. Таанад үсэд, муу зантайт, Минии үгэ дууланагүйт.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Лука 15:17

Хүбүүн ухаа орожо, досоогоо бодобо: «Түрэһэн эсэгымни хэды олон зарасанарай элбэг дэлбэг эдеэ хоолтой байхадань, би эндэ туража үхэхэеэ байнаб.

Лука 6:11

Тиихэдэ Хуули заадаг багшанар ба фарисейнүүд галзууралдан, энэ Иисүүсые яахамнайб гэжэ хоорондоо зүбшэбэ.

Хэрэгүүд 12:23

Бурханай алдар соло дуудангүй байһанайнь түлөө Эзэнэй Эльгээмэл Иродые гэнтын үбшэнгөөр дайража, Ирод хаан үтэ хорхойдо барюулан үхэбэ.

Хэрэгүүд 26:11

Тиин мүргэлэй гэр бүхэндэ Иисүүсһээ арсахыень баадхан, һүзэглэгшэдые хэһээдэг һэм. Би тэдээндэ айхабтар ехээр хоро шараяа бусалан, хариин хото нютагуудааршье ябажа, тэдэниие мүрдэн мүшхэдэг байгааб.

Хэрэгүүд 26:24

Иигэжэ Павелай өөрыгөө үмэглэжэ байхада Фест: – Павел, шинии ухааншни муудаа! Ши ехэ эрдэм номһоо боложо үбэштэйрөөш, – гэжэ шангаар хашхарба.

Тидтэ 3:3

Бидэшье өөһэдөө урдань баһал тэнэг, үгэ дууладаггүй, эндүүржэ ябадаг һэмди. Ташаяан хүсэлэнгүүдэй болон элдэб янзын сэдьхэлээ ханалгын мэдэлдэ байгаабди. Бидэ атаархалдан, хара һанаатайгаар амидардаг, бэе бэеэ үзэн ядадаг һэмди.

Пётрой 2-дохи хандалга 2:16

Гэбэшье Балаһаамай нүгэлынь элирүүлэн шүүмжэлэгдээ: хэлэгүй элжэгэнь хүндэл адли дуугаржа, лүндэншын тэнэг юумэ хэхэ гэжэ байхадань зогсоогоо.